Ku Neni Geo Albanjari
Bray lilir, awak asa pasiksak, tetempoan sakapeng poèk sakapeng caang, rèt kaluhur rèt kahandap, guling gasahan, rep peureum deui.
Lenyap..! Nyeul seueul, nalika ka rèrèt kana awak, aya getih mapay pingping! panon dipaksakeun beunta, brèh aya hiji lalaki keur sarè bangun capè disagigireun.
'' Lalaki durjana anjeun! Geus wani wani ngarusak, ngarogahala awak kuring!''
Huntu kekerot bakat kuambek, ijid ngewa, les… kapiuhan teu inget dibumi alam.
'' Tong salempang, murang kalih ibu teu kunanaon, getih èta kaleresan getih kareseuban waktos geubis tina motor.''
'' Nuhun, Bu Dokter''
" Sajatina kedah nuhun mah ka si ujang itu, nu tos nulungan',' ceuk Bu Dokter nunjuk ka jajaka kasep nu amitan rèk balik.
Kuring nu titadi ngadèdèngèkèun, ngajerit ceurik, rumasa geus salah sangka.