Ku Neni Geo Albanjari
Meni hayang indit ka pusat dayeuh, manggihan Presiden, rek ngabejaan yen manehna teh bisa nyonto ka nagri Fikmin nu aman. tengtrem, jeung walatra dina kaadilan. Wargana teu aya nu dipingsalkeun, sakabehna kudu bisa mikmin dina jalan nu bener. Mun aya nu onjoy, sadaya warga galumbira teu nyamunikeun kakeuheul. Mun aya nu can paham dituturkeun nepi ka paham, mun aya nu kaboboyot, dirarojong ku sakabeh warga jeung para pamingpinna. Milih pinunjul ti rayatna ge estu beresih tina sogokan, tara ngorupsi kecap jang hiji ungkara, teu harayangeun ngorupsi ungkara jang hiji carita, moal ngabobodo ku komentar, sonagar jeung someah pamingpin jeung para gegedenna, diturut sabda jeung rengkak paripolahna ku warga fikmin sakabeh, dina nanjeurkeun nagri fikmin, sakabeh warga fikmin teu kendat kendat nyumbangkeun jempolna nu arendah.
Ngan kahayang teh ukur bisa jadi kahayang hungkul, da piraku presiden nurut ka rayat nu cucungah, make hayang sarua walagrina jeung presidenna, jeung para gegeden nagrina. Cag ah da kabujeng cangkeul hate.