Ku Lalat Socrates
Buku ngaleuyah, nu ipis nu kandel maturan nulis makalah. Teu kaur trét, sakalimat dua kalimat... huleng deui. Celenun deui kana roko, alahh ieung roko panungtungan. Cekés sut disundut... nyot dikenyot serbung haseup ipis gutak-gitek siga anu ngaheureuyan. Nikmat nakeranan, pikiran jeung imajinasi ancul-anculan, acleng-aclengan pundah-pindah teu puguh jejerna.
Samenit.. dua menit, sajam... dua jam. Aééhh naha roko teu beak-beak...?? Guning dikenyot teh lain mondokan, naha bet kalah manjangan...?? Kakara ngeuh roko geus ngaliwatan lawang panto kamar, rungkal ringkel meulit kana suku korsi, ngurilingan meja. Katingali tungtung roko anu aya seuneuan ulag-ileug siga hulu oray anu rék macok.....
Kuring bati olohok...