Update: 29 Maret 2012 01:50:14

Maya

Ku Deden Abdul Aziz

"Geuning hirup téh teu gampang. Lain ngan pikiraneun. Pokona mah cinta. Titik. Teu maké koma!"
Émoticon dina layar monitor oyag-oyagan. Princéss.
"Wakakaka... Hirup mémang lain kudu dipikiran, tapi dilakonan. Urang ogé cinta. Teu maké titik koma!"
Méssagé typing. Manéhna siga nu keur ngadekul nulis. Tapi lebeng taya nu ngaliwat dina layar monitor. Lila dipencrong.
"Teu salah sént?" cekéng.
Masih ngabigeu. Terus ngampleng.
Lila-lila bosen. Antukna ramo ngaprak, klik ka dieu klik ka ditu, néangan rupaning nu teu penting. Teu paduli.
"Teu salah sambung. Titik." Antukna norojol ogé.
"Hah! Ti iraha serieus kitu?" cekéng deui.
"Émang serieus... ayeuna mah! Xixixixi..."
"Seurina tong ditulis. Garing, bel!"
"Baé wé. ÉGP!"
"Tapi émang garing!"
"Rék garing, baseuh, jibrug, kajeun."
Huh!
"Ketemuan, yu!"
"Iraha?"
"Iraha, nya?"
"Har, kalah malik nanya."
"Mun isuk kumaha?"
"Nya, heug. Kitu gé mun hirup kénéh."
"Yéah, mun manéh paéh isuk mah keun urang salametan pésta in memoriam."
"Tong poho maké téstimonial nu ramé!"
"Wakakaka...!"
"Éh, dibéjaan seurina tong ditulis. Jayus pisan, séh!"
"Naha kalah ngambek?"
"Ih, saha nu ngambek. Ceuk urang garing, lain ambek."
"Auk ah, gelap!"
Princéss sign out. Tapi urang apal manéhna can offliné. Ukur invisiblé.
"Sori. Naha jadi malik ngambek?"
Lebeng.
"Ya, wis. Pokona mah cinta, wéh," tungtungna mah.
"Urang ogé cinta!"
Ahirna.
Jep. Ngan nyésakeun hégak.*

Koméntar kana ieu Fikmin:
  1. Ahmad Fawzy Imron: alahh..kapayunan ku akang..abdi ge kawitna bade ngadamel fikmin nu temana sapertos kieu. Judulna ge sami deuih, tapi abdi mah aya panjangna judulna teh, MAYA ( MeilA handaYAni ) hehehe
  2. Godi Suwarna: :"Halaah, aheng pisan ieu fikmin teh. kantenan kaluarna ti Yi Perbu nu biasana teu kieu. Paguneman jaman cyber. Boa kumaha mun ieu fikmin dibaca ku genersi Kakang Wahyu Wibiasana. Uing onaman ngarti we saeutik-eutikeun mah. Nu teu ngarti dihubungkeun jeung konteks. Kawas maca komik Smurf. Seger we nu aya. Paguneman nu jalingeur alias lincah. Jangjang lamunan kumalayang ka mangsa-mangsa katukang. Anehna, uing bet tuluy ngarasa jadi aki-aki banged, gheto loch. Make jeung nyalangkrung cimata sagala, terusna kana sirik ka nu ngarora. Bari tuluy ngadunga, muga-muga we Si Princess teh Tatang Sumarsono..."
  3. Deden Abdul Aziz: Hehehe... Fikmin Ayank Meila mah judulna #Madu 1#, Ang Haji Ahmad Fawzy Imron...
  4. Ahmad Fawzy Imron: hehe..judul nu eta mah pami fikminna didamel ku akang...pami ku abdi mah, angger we MAYA ( mapayan saaya-aya )
  5. Deden Abdul Aziz: Numawi nyobi nu teu biasa, Ang Prabu Godi Suwarna. Sesa-sesa potongan memori tina entragan "Panganten" kapungkur. Rada tag-teg-tog geuning, ma'lum kasang tukangna masih nganggo Yahoo! Messenger... Heuheu. Eta kacipta ngagebegna pami enya Si Princess teh Ang Tatang Sumarsono. Ari si uingna saha?
  6. Deden Abdul Aziz: Aih, mapayan saaya-aya. Tegep tah, Ang Haji Ahmad Fawzy Imron...
  7. Godi Suwarna: :"Ari nu kacipta mah Si Uing-na teh Jang Muhammad Shohiba Nu'man. Si Ujang eta mah asa bakal gampil katipu ku nu kumisan. hehe.."
  8. Cassa Grande: wuiw... fikmina kebangetan... pertamax!!
  9. Deden Abdul Aziz: Kebangetan mah kaleuleuwihi panginten, Cassa Grande (bingung kedah nyebat Ceu atanapi Kang)... Hehehe
  10. Cassa Grande: hahaha... atuda resep banged fikmina, motah.. Cekap Ebod we, Kang. secara, abi lalaki xixixi
  11. Deden Abdul Aziz: Nyanggakeun motahna, Ang Ebod Grande, nampi jempolna...
  12. Yanti Sri Budiarti: xi xi xi xi...Eh?! "Seurina tong ditulis. Garing, bel!"
  13. Deden Abdul Aziz: Cekap ku :) we, Aceuk Yanti Sri Budiarti. Hehehe... (eh, garing oge)
  14. Rohimat Sahudi: aya seger ari maca karya model kieu!... sok ras kapungkur aya karya nu rada-rada "neureus" kieu teh dina Mangle....judulna harilap deui... mun teu salah mah "murang maring" kitu?.... maklum macana numpang ka batur!..... upami kang Godi Suwarna mah jejer/latarna teh dunya pawayangan ayeuna mah dunya cyber. Ah.. abong sastrawan, ngalagena we alias edol kenoh!....
  15. Godi Suwarna: Rohimat Sahudi: Edol kenoh...! Wahahahaha...! Dicatet ku sim uing, Yayi...!"
  16. Deden Abdul Aziz: Edol kenohhhh... Tegep tah, Ang Rohimat Sahudi...
  17. Nyimas Kanjeng Ratu Yuyu: :)
  18. Is Tuning: hi hi ... inget jaman baréto. unggal poé téh ceting na YM. nepi ka arsipna ku uing diteundeun bari iraha-iraha deui sok dibacaan. tungtungna sok nyakakak sorangan. "Aya kubaong sia ! ", ceuk uing bari nakol sorangan.. *jempol kang !
  19. Rohimat Sahudi: Heuheu.... pagawean nengetan (dipelong bari dicoba dihartikeun) seratan Sanghyng Godi Suwarna sanggeus nyurungkuy kana mamaras ... leng... ngorehan istilah nu leleb tur anteb... ras kana babasan baheula jaman baleg tampele...."edol..Kenooh!.... Pedo..Eloom!.... wkwkwk...
  20. Deden Abdul Aziz: Ang Nu'man mah leumpeuh yuni atuda, Ang Prabu Godi Suwarna...
  21. Deden Abdul Aziz: :) :) :) pokona mah, Ceu Nyimas Kanjeng Ratu Yuyu...
  22. Deden Abdul Aziz: Numawi ieu ge kenging kokoreh jaman sok YM-an, Ang Is Tuning. Pan ayeuna mah tos gentos janten BBM-an
  23. Deden Abdul Aziz: Di abdi ge (Cianjur) sering nganggo pedo elom, Ang Rohimat Sahudi...
  24. Taufiq EL Hida: rek seuri, ngan moal ditulis :)
  25. Nyimas Kanjeng Ratu Yuyu: kajantenan nu kantos kaalaman ku saha waé nu sok YMan ieu mah nya?..:) :) :)
  26. Deden Abdul Aziz: Abdi ge ngawaler komen Ang Taufiq EL Hida moal ditulis... :)
  27. Deden Abdul Aziz: Uhun pisan, Ceu Nyimas Kanjeng Ratu Yuyu... YM nu teu acan nganggo emoticon tea geuning
  28. Is Tuning: Kang Deden Abdul Aziz, ahéng da YM téh. jaba harita mah bari dgawé. resep wé kana ngaheureuyan batur téh. Da rék dinyaanan mah teu wani. Bisi ituna bogoh, der uingna gé bogoh... ha ha
  29. Deden Abdul Aziz: YM uing mah harita pinuh ku penugasan ti kantor, Ang Is Tuning... Dugika ayeuna!
  30. Godi Suwarna: :'Ari manawi teh moal ka nu kieu leokna...! Nanging ieu ge peryogi diteuleuman. Kakiatan paguneman langkung ngateur kana imajinasi. Tapi memang rada sesah oge..."
  31. Muhammad Shohiba Nu'man: Ajaw! nyeureud pisan fikmin teh, Ang Deden! Jempona ge kedah nganggo emoticon ieu mah. Duh.. eta pagunemanana.. Kontemporer pisan. Cinta alam maya, lawan chating mimindengna mah ngan si eta deui, si eta deui. Dina rupa nu beda-beda. robah-robah dicipta-cipta.. Matak sim uing mah pantes mun pernah katipeng ku nu kumisan oge, Kang Prab Godi.. Da sim uing mah bati husnudon bae ka sasaha ge. Deuuh.. Heuheu..
  32. Deden Abdul Aziz: Numawi ngunclungkeunana oge bari culang-cileung, Ang Prabu Godi Suwarna. Asa aclok-aclokan keneh dina wanda paguneman mah!
  33. Deden Abdul Aziz: Sumpah si Uing dina fikmin ieu mah teu kumisan, Ang Muhammad Shohiba Nu'man...
  34. Muhammad Shohiba Nu'man: hahaha..
  35. Wida Waridah: Abi mah maos fikmin ieu teh emut jaman nuju ABG keneh. Chatting dina mirc sareng YM. Kopdar. Terus we kadituna mah dongengna benten-benten abi mah. Tapi ari cinta maya mah tidak pernah janten nyata. Da puguh sagala rupina cekap ku kata-kata. Termasuk seuri. Xixixi... Eh, garing bel seuri di tulis mah. Hehe... Wios ah da resep...
  36. Deden Abdul Aziz: Ang Nu'man :)
  37. Deden Abdul Aziz: Masalahna abi mah kana chatting teh mung percanten 10 persen, Ceu Wida Waridah, da nu 90 persen deui mah 'true lies' tea... Iwal ka si manehna!
  38. Arom Hidayat: Ahéng Kang! Nyanggakeun Jempol..
  39. Deden Abdul Aziz: Nampi jempolna, nyanggakeun ahengna, Ang Arom Hidayat...
  40. Rudi Riadi: Weueueuh...karek maca..! Mun euweuh nu ngapungkeun mah lapur kawasna. Fikmin nu teu biasa ti nu biasa ngagalindeng. Nu kieu mah fikmin kasedep sim uing. Teu mongkleng, ngan Princessna wungkul nu mongkleng teh, sieun lalaki nu jadi polwan..
  41. Deden Abdul Aziz: Eungap di nu mongkleng wae teh, Ang Rudi Riadi. Kan polwan teh polisi wanian... cek meng enteng werdeye ege, hehehe!
  42. Rudi Riadi: hehehe...keng deden eye-eye wee...
  43. Wida Waridah: Abi ge sami ari perkawis cinta maya mah, teu percanten, kang denz. Mung ari rerencangan tina chatting mah alhamdulillah seueur. Ayeuna tos narikah malihan mah, garaduh putra, sumebar di unggal kota. Tah, termasuk Kang Yusef Muldiyana, abi mah kenal teh dina chatting heula, teras kopdar. Teu nyangki yen anjeuna pamaen titer. Hehe... Da atuh nickname-na oge Babeh Persib. Heuheuy...
  44. Deden Abdul Aziz: Virus Ang Rudi ieu mah, kudu ditungguan lowbat. Tulung, tuluuuung...
  45. Deden Abdul Aziz: Si maya teh numawi sakapeung mah teu nyata, Ceu Wida Waridah. Sok mancala putra mancala putri. Iwal kenal heula samemeh "beselancar". Tapi pan cinta ge abstrak, sami sareng dunya maya...
  46. Wida Waridah: Leres, kang denz. Si cinta abstrak pisan. Nepi ka hiji waktu mah sok cangcaya, na nu kieu ari cinta?
  47. Nazarudin Azhar: paguneman nu karasa plastis pisan. saddaff!
  48. Deden Abdul Aziz: Siga kalangkang, nya, Wida Waridah...
  49. Deden Abdul Aziz: Ngahaja dibear-bear jeung dihegar-hegar, Ang Nazarudin Azhar, padahal hate mah ngolembar...
  50. Nazarudin Azhar: Lah etah, ari perkara hate mah teu ngabibisani Ang, heuheu... (sababaraha kali nyawang langit dayeuh bungur ti lebah parapatan, teu pamit ka karuhun da biasa ukur reureuh memenitan..heuheu)
  51. Deden Abdul Aziz: Padahal di parapatan eta pisan puseurna dayeuh bungur teh, Ang Nazarudin Azhar, kantun mangadep ngidul ngulon, pasti tinemu hibar karuhun... Heuheu
  52. Nazarudin Azhar: Engke mah pasti ahung-ahung heula memeh kana beus teh ah, heuheu...
  53. Deden Abdul Aziz: Mun henteu, Ang Nu Azhar rek dihongkeun... Heuheu
  54. Nazarudin Azhar: Heuheu, puguh sok rada tarapti bisi aya nu nga-hong-keun...
  55. Deden Abdul Aziz: Kacipta Ang Nunu Azhar ngangkleung pulang anting ti Kota Kayas ka Dayeuh Bungur. Tiasa kenging sabaraha fikmin tah, Ang?
  56. Nazarudin Azhar: Aya, masih diceungceum Ang. Watek dayeuh rupina, nu rada euyeub teh sajak kayas, heuheu
  57. Deden Abdul Aziz: Jeung status kayas nya, Ang Nu Azhar...
  58. M Dada Bz: Rangu tur lezzzzat mun dina rangginang mah, fikmin teh Ang. Deden Abdul Aziz
  59. Deden Abdul Aziz: Rangginang... Heuheu. Jadi kabita, Ang M Dada Bz
  60. Nazarudin Azhar: Singsarwa kayas pokona mah... halah, kasampeur deui perkayasan teh geuning Ang..heuheu
  61. M Dada Bz: eh da karyaning sundais eta rangginang mah, tulen....
  62. Deden Abdul Aziz: Kacipta, Ang Nu Azhar. Kantenan ayeuna keur usum tiris di dayeuh bungur. Kin mah mun nganjang, urang ngalohong di buruan...
  63. Deden Abdul Aziz: Puguh Sunda pisan sakadang rangginang mah, ANg M Dada Bz. Aya dulurna di Cianjur mah, namina rangining...
  64. M Dada Bz: Hihiiihii memang si eta mah da seueur pisan wargina sapertos ranggoas mun di cicadas....Ang Deden Abdul Aziz
  65. Meila Handayani: Ahmad Fawzy Imron asiikk ek nyieun fikmin tentangkuh...curiga hayang disebut ayank nu ka 3 wkwkwkkwk...sok ateeuhh
  66. Meila Handayani: ayank
  67. Meila Handayani: si princess teh saha ayank..calon madu ka 4?? beuu...ek gencatan senjata ah jeung si Endah Dinda Jenura :p :p :p
  68. Deden Abdul Aziz: Tah, mun aya musuh bersama pasti kompak padmi jeung madu hiji... Hayang apal Princess, Ayank Meila Handayani? Engke dina episode selanjutnyah...
  69. Meila Handayani: hahay..diantos..*ngasah bedog
  70. Deden Abdul Aziz: Naha Ayank Meila nyambat-nyambat wae Ang Yayan 'Bedog'... Boa-boa? Hahaha...
  71. Meila Handayani: saha Ang Yayan 'Bedog' Supriatna teh ayank....*pura2 lempeng
  72. Deden Abdul Aziz: Pan nu gaduh bedog dina grup ieu, Ayank Meila...
Ngeunaan Ieu Naskah:
Naskah lianna karya Deden Abdul Aziz
  1. Sakeclak
  2. Rajah Pamungkas
  3. FragmÉn Kalakay
  4. BÉntang Lapangan
  5. FragmÉn PangantÉn
  6. Heurin Ku LÉtah
  7. The Énd
  8. Telepon Koin
  9. Adam Air
  10. Platonis
  11. Cimata Hujan
  12. Maya
  13. Pasini
  14. Drama
  15. Mr. Brown
  16. Nyegruk
  17. Kakasih
  18. Pipisahan
  19. Dongéng Tangkal
  20. Dongéng Fikmin
  21. Dongéng Kolot
  22. Lain Fikmin
  23. Dongéng Jero Pisan
  24. Dongéng Hayam Jeung Endog
  25. Wanci Tengah Poé
  26. Repvblik Fikmin
  27. Meuli Haté Ku Ladang Késang Profésional
  28. Mind
  29. Ayank
  30. Patung
  31. Rebo Wekasan
  32. Nu Hayang Jadi Pahlawan
  33. Ziarah
  34. Kasarung
  35. Tahlil Fb
  36. Lunta
  37. Ida
  38. Wanci Ratri
  39. Telepon 1
  40. Wanci Lilir
  41. Warisan
  42. Pipisahan 2
  43. Pipisahan