Ku Deden Abdul Aziz
“Ari lampah londok ku urang kudu ditiru,” cék Si Abah bari lalaunan awakna robah jadi siit nu hideung meles. “Ditiruuuuu…” saur manuk hadirin nu keur ngabandungan Si Abah ngadongéng di palataran balékota. Saurang-saurang tuluy jlug-jleg malih warni jadi rupa-rupa sato. Aya nu jadi oray, manuk, kelenci, kuda, munding, panda, pinguin. “Bisa salin rupa, bisa hideung bisa konéng,” timpah Si Abah Siit nuluykeun hanca. “Da konéééééng…” walon hiji sora ti jero rohangan walikota. Sora maung ngagaur asup ka pakalangan dongéng. Kabéh sato nu aya di dinya dihakan ku maung. Iwal siit nu hiber ka unggal suhunan ngabéjaan banaspati.*