Ku Puri Kania Pramanik War
Mangkukna, manehna sarangah-serengeh, komo mun nempo anak pamajikan galumbira, hatena kacida bungahna, enya ning ngeunah kacida dipercaya ku balarea teh, aya kasempetan nguras leuit nagara, nya saprak nyepeng amanah manehna ngadadak jugala, tapi ayeuna, manehna ngan wasa ngaheruk, teu beda ti bueuk meunang mabuk, era ku wiwirang dirina, diseungseurikeun ku balarea, dijebian ku balarea, dihina bari ditunjuk rorek pangeusi dunya, manehna ngarenghap eungap, lebah hatena aya nu nyarita, boa pangeusi uwung-awang nu kakoncara ku sesebutan pingpitu ge ngahina alatan manehna dipanjara.