Nyi Manglé, mojang geulis campernik pujaan nonoman sunda,aéh kétah aki-aki ge resepeun pisan, komo penyajak mah jeung carponis. Pokona mah kolot budak awéwé lalaki kabeh resepeun ka Nyi Manglé.Ti bubudak, hirup Nyi Manglé teu weleh ripuh tapi ampuh, peurih tapi matih, nasibna rumanggieung teu jiga nu lian. Tapi sanajan kitu, Nyi Mangle téh ngaranna kajojo, seungit nyambuang ka tatar sunda jeung manca nagara. Nyirikeun Nyi Manglé sabar tur tara rumahuh. Kageulisan haténa kaambeu kamana-mana.Cenah kamari Nyi Mangle umurna geus 58 taun, umur nu teu ngora deui. Tapi bejana Nyi Manglé beuki donto tur geulis da dikawin ku politisi. Meureun weh da loba duit."Hanjakal bet dibawa ka gedong sate. Diajak nepungan pamingpin nu teu resep budaya sunda" ceuk Kabayan."Har na salah kitu?" Tanya Jang Edos"Henteu ari salah mah, ngan biasana mun dibawa ka penguasa sok rada beda kalakuanna. Mugia wéh Nyi Mangle mah ulah kabawa ku sakaba-kaba, ulah pipilueun teu baleg, urang ngado'a weh mugia Nyi Mangle panjang umur tur masih milik rahayat, masih nanjeurkeun wiwaha sunda, ulah kabawa arus pilitik kotor!" Ceuk Kabayan.Amin!!