Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Lutung Leupas

Kénging Mimin Wiati Tea
Dipidangkeun dina lapak 28 Juni 2015 02:23:22

Balik digawé, Andi leumpang bangun nu teu nangan. Asa horéam balik ka imah téh, da éta, ari keur tanggal kolot kieu, pamajikanana, sok ngagolombrangkeun tutup panci. Keur jongjon leumpang, kadéngé jalma-jalma tinggorowok.
“Lutung leupas....Lutung lepas!”. Cenah. Andi rungah-ringeuh. Nyaho-nyaho, éta sakadang lutung geus aya di hareupeun manéhna. Teuing éraeun, teuing sieuneun ku kumis Andi, éta lutung téh cicing siga nu kasima. Rék lumpat meureun hésé, da ayana di gang. Jaba di tukangeun geus loba jalma-jalma nu ngungudag. Kek wé, éta lutung téh ditéwak.Tuluy dipasrahkeun ka nu bogana. Pa Anwar, nu boga éta lutung kacida nganuhunkeunana. Atuh da aya kana sajamna ngungudag lutung, teu beunang waé, da turun naék baé kana suhunan batur, jaba deuih sok nyakar. Cenah, éta lutung téh, isukan rék dipasrahkeun ka kebon binatang. Méméh balik, Pa Anwar ngeupeulan Andi, duit saratus rébu. Poé ieu mah, manéhna ngarasa tingtrim, teu ngadéngé deui golombrangna tutup panci.