Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Lalajo

Kénging Abahna Ji
Dipidangkeun dina lapak 06 Méi 2015 08:48:52

Ngahaja saré téh beurang kénéh, hayang lalajo maénbal Liga Champions. Barang lilir. Gura-giru muru ka rohangan tengah. Cetrék... tombol tipi didedetkeun maké curuk leungeun. Bray. Layar tipi hurung. Katénjo renyek ku sireum. Sorana kekeresekan jeung ngaguruh. Panasaran? Curuk pindah kana chanel tipi. Didedet-dedet sababaraha kali. Orokaya, dina layar teu katémbong gambarna.

"Har... kunaon tipi téh ngadoja pisan?" ngagerentes. Ngarérét kana jam dinding nu ngadaplok dina témbok. Bréh. Jam satengah dua. Beungeut kerung. Laju ulak-ilik ka tukangeun tipi.
"Jadoool, paingan atuh!" cekéng bari ngabuskeun kabel anténeu kana liangna.
"Selamat menyaksikan pertandingan semipinal Liga Champions!" kadéngé sora réporter ngabagéakeun. Gék, kuring diuk dina korsi hareupeun layar tipi.

Pertandingan maénbal dimimitian. Panon mencrong kana layar tipi. Sakedapan gigisik. Dumadakan. Kuring mata simeuteun. Kajeueung nu maénbal silihlédot, silihsiku nepi ka silihteunggeul. Bukbek garelut di tengah lapang. Kuring beuki hémeng. Nempo hiji pamaén ngasupkeun balbliter maké leungeunna. Panongton ayeuh-ayeuhan. Wasit teu katémbong, teuing ka mana?