Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Serat Jagabuana (1)

Kénging Godi Suwarna
Dipidangkeun dina lapak 18 April 2015 08:12:28

Bréh. Gebeg. Pawitan molohok. Bet aya kacapi. Nyeceb. Hareupeun jajaran leuit. Gebar-gebur tengah peuting. Lawas inyana teu ngambeu. Bororaah nabeuh. Kari-kari nyampak di dinya. Kacapi. Gasik dirawu. Dipangku. Disidik-sidik. “Naha kacapi Buyut Munjul aya di dieu?” Pawitan gogodeg. Tuluy ngajémprak. Sila. Ngalahun kacapi buhun. Kacapi dialak-ilik. Diusap-usap. Yakin. Pusaka luluhurna. Kieu ciri-cirina. Ceuk béja turun tumurun.

“Keur nanahaeun, satéééh? Nyingkaaah!” Aya nu ngahoak. Ngagelap séwu. Ngabéntar ketug jajantung. Handaruan. Dilieuk. Bréh. Jaladara. Rampog jadug. Saparakanca. Pawitan teu lémék. Ukur ngusapan kacapi. Kawatna disintreuk-sintreuk. Lalaunan. Nyunyurup titilarasna. “Dobrak leuit-leuitnaaa, Daaak! Si Kunyuk podaran heulaaa!” Jaladara ngahaok. Gasik maresat gagaman.

Pawitan dikepung. Nu dikepung kunyam-kunyem. Laju nabeuh kacapi. Halon. Lagu Pangemat nyiriwik nurihan angin. Jaladara ngahunted. Balad-baladna ngajarengjen. Kacapi beuki ngoncrang, ngajentrengan peuting. Nyiksik haté nu baredang. Jaladara ngeleper. Wadiabaladna ngagalibrig. Plak-pluk pakarangna. Maruragan.

“Ampuuun, Ki Silaaah! Ampuuun!” Jaladara ngarumpuyuk. Nyegruk. Karaman bruk-brek. Nyaruuh. Kacapi terus gumuruh. Ngagalura. Nyasaak rasa. Ngaringkus raga.

*

(Neda pidu'a ti sadayana, ieu fikmin seja di baca di Pendopo Agung Nagri Banten, dina acara Séba Baduy. Sim uing neda bantosan ti Aka Entol Hadi Aks saparakanca, kanggé narjamahkeun ieu fikmin kana basa Banten.)