Cigunung, Lukisan kénging Yus Rusamsi
Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 01 Januari 2017 22:33
Ridwan Melodian Plain: " Sampurasun..."
Jumaah, 30 Désémber 2016 06:12
Dayat Iskandar: " Combrek! Lir obor baralak. Ngaguruh sagebragan, tuluy simpe. Balik ka asalna...."
Salasa, 20 Désémber 2016 01:21
Atton Rustoni: " Sampurasun... Assalamualaikum... Seja nyungkeun widi amengan, tur Ngiring ngaderes di palih dieu. Hatur..."
Rebo, 14 Désémber 2016 08:33
Oten Ariskov: " Assalamu'alaikum....."
Salasa, 06 Désémber 2016 18:28
Prana Husni: " sampurasun. ngiring..."
Senén, 05 Désémber 2016 10:30
Hamim Wiramihardja Coèlho: " Sampurasun.... Ngiring ngaderes deui di palih dieu...."
Saptu, 12 Novémber 2016 23:37
Ajang Yustiana: " fikminna kerén, fikminerna gé kerén-kerén. Fbs mémang kerén,..."
Salasa, 08 Novémber 2016 02:32
Harry Ferdiansyah: " Assalamualaikum wr wb ngiringan..."

Si Papap & Eureup-eureup

Kénging Godi Suwarna
Dipidangkeun dina lapak 08 April 2015 09:34:27

Papap ngarang nganggo léktop kameumeutna. Ngadedeluk. Teu miroséa Néng Welas nu hoyong dipangdongéngkeun. “Tos wengi, Kunéng! Geura bobo!” saur Papap. Tungkul kana pangimpénanana. “Papap téga ih!” Néng Welas ngajanggilek. Ngoyoyod ka kamarna. Papap ukur ngarérét. Uleng deui. Ngetik deui. Ngimpén deui. Mamah nu elal-elol na panto. Ngisarahan. Teu dipaliré. Haré-haré.

Tengah peuting. Keur mamantengna. Kapireng nu ngagolombrang. Papap ti buburanjat. Luncat. Ngabelesat ka patengahan. Bréh. Mesin ketik. Geus karahaan. Dikeput ku ramat lancah. Lagedu. “Anéh. Bisa murag ti luhur lomari buhun,” Papap gumerendeng. Gogodeg. Alak-ilik kana mesin tik. Na atuh, Mesin Ketik ujug-ujug mudigdig. Hirup. Ngodomang lir kalajengking. Ngacung-ngacung seuseureudna.

Papap ngayekyek. Mesin Ketik ngarayap ka rohang gawé. Suku-sukuna ranggoas. Tingkelentring kana ubin. Matana ngempur. Cacapitna betrak-betrik. Tingburicak. Mesin Ketik nérékél kana korsi. Luncat kana méja tulis. Ngarontok Sakadang Léktop nu keur médéngkréng. Ger tarung patutunggalan. Silihpiting. Silihbanting. Seuneu ngabela-bela. Ngaléntab hordéng. Papap burial-buncelik. Gogorowokan. Nanging, sorana duka di mana.