Cigunung, Lukisan kénging Yus Rusamsi
Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 01 Januari 2017 22:33
Ridwan Melodian Plain: " Sampurasun..."
Jumaah, 30 Désémber 2016 06:12
Dayat Iskandar: " Combrek! Lir obor baralak. Ngaguruh sagebragan, tuluy simpe. Balik ka asalna...."
Salasa, 20 Désémber 2016 01:21
Atton Rustoni: " Sampurasun... Assalamualaikum... Seja nyungkeun widi amengan, tur Ngiring ngaderes di palih dieu. Hatur..."
Rebo, 14 Désémber 2016 08:33
Oten Ariskov: " Assalamu'alaikum....."
Salasa, 06 Désémber 2016 18:28
Prana Husni: " sampurasun. ngiring..."
Senén, 05 Désémber 2016 10:30
Hamim Wiramihardja Coèlho: " Sampurasun.... Ngiring ngaderes deui di palih dieu...."
Saptu, 12 Novémber 2016 23:37
Ajang Yustiana: " fikminna kerén, fikminerna gé kerén-kerén. Fbs mémang kerén,..."
Salasa, 08 Novémber 2016 02:32
Harry Ferdiansyah: " Assalamualaikum wr wb ngiringan..."

Lalakon Juragan Nguyung

Kénging Godi Suwarna
Dipidangkeun dina lapak 11 Maret 2015 10:18:28

Aleum. Ceudeum. Tara-tara ti sasari. Kitu pamulu Juragan Kuwu. Tos saminggu. “Kunaon, Akang?” Saban usik ditalék ku Tuang Garwa. Ngabetem. Kalah beuki ngungun baé. Hilap tuang. Hilap tunggang. Garwana samarpolah. Tungtungna mah teu kaampeuh. “Abdi rumaos tambelar. Seueur teuing kagiatan. Mangga bilih badé ngawayuh mah,” Garwana carinakdak. Pasrah. Juragan Kuwu kalah ngaléos.

Beuki sering hulang-huleng. Bari ngarampaan dada. Juragan Kuwu. Kalan-kalan melong kosong ka Dén Ulis. Nu dipencrong guligah kagila-gila. “Rumaos, Juragan. Artos pajeg kaanggé ku abdi,” Dén Ulis ujug-ujug balaka. Reumbay cimata. Juragan Kuwu rumahuh. Teras ngajubleg. Pameunteuna tambih geuneuk. Tambih seueur nu bruk-brak bijil ti cungap. Harianeun.

Wengi-wengi. Mantenna gulinggasahan. “Ampun, Kaaang! Rumaos kausap sétaaan!” Tuang Garwa rawah-riwih teu pupuguh. Nyuuh. Teras waléh. Salingkuh sareng Wadana. Juragan Kuwu muringis. Nyanyautan dina dada. Peurihna kabina-bina.

Di rumahsakit. “Kangker, Dok?” saur Juragan Kuwu nu harita nuju diparios dada. Hemar-hemir. “Sanés! Bisul bungkul..! Tenaaang...!” Dokter nyéréngéh. Juragan Kuwu ngagakgak. Lajeng ngagukguk.