Kuring Kalangkang. Ngan ukur Kalang. Ngajirim. Jiga kalang kaléci na taneuh. Kakeueum cileungcang. Séép. Citéh bahé. Dielap. Sret. Béak. Hareneg ningali léngkah kamari. Ih, …waduk angsa di kuali pisan. “Taktagé Sujang, satiap léngkah kudu iyatna!” Bi Surawung noél Mang Laja. Nu ngaburayut burayotna. Nu clung-cleng curuk acengna. “Kudu hideng geus koyot mah, nuuuun!”, Nyi Léntah luway-liwey. Biwirna burahay, bujurna duh….matak céplak bebeakan jajaka kapalang. “Heeehhh…”, nya kitu téa. “Da maenya hayang salah, tinangtu hayangna mah bener ”, Kalangkang ngocomang. “Jigana, nu Kaliwat tong loba dipikiran Sujang. Lin béja,…teu bisa nganjang ka kamari, tawa mangkukna...”, ceuk Aka Keuyeup, mairan.
Raga biologis pareum, raga pikiran masih aya. Raga pikiran gahiyang, Raga iman tetep Hirup. Kalangkang teu Maot. Ngan ukur robah. Bisa jadi Kalangkang teu hirup. Kalangkang euweuh, teu bisa jadi Kalangkang aya? Atawa Kalangkang Aya saendeng-endeng. Atawa sabalikna, Euweuh saendeng-endeng. Taya Cahaya, taya Kalangkang. Pastina kitu. Pas Tina Kitu!