Cigunung, Lukisan kénging Yus Rusamsi
Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Jumaah, 30 Désémber 2016 06:12
Dayat Iskandar: " Combrek! Lir obor baralak. Ngaguruh sagebragan, tuluy simpe. Balik ka asalna...."
Salasa, 20 Désémber 2016 01:21
Atton Rustoni: " Sampurasun... Assalamualaikum... Seja nyungkeun widi amengan, tur Ngiring ngaderes di palih dieu. Hatur..."
Rebo, 14 Désémber 2016 08:33
Oten Ariskov: " Assalamu'alaikum....."
Salasa, 06 Désémber 2016 18:28
Prana Husni: " sampurasun. ngiring..."
Senén, 05 Désémber 2016 10:30
Hamim Wiramihardja Coèlho: " Sampurasun.... Ngiring ngaderes deui di palih dieu...."
Saptu, 12 Novémber 2016 23:37
Ajang Yustiana: " fikminna kerén, fikminerna gé kerén-kerén. Fbs mémang kerén,..."
Salasa, 08 Novémber 2016 02:32
Harry Ferdiansyah: " Assalamualaikum wr wb ngiringan..."
Jumaah, 21 Oktober 2016 20:03
Asep Saepudin: " Assalamu'alaikum Wr. Wb. Sampurasun, nepangkan sim kuring wasta Asep Saepudin, linggihna di Kertasari Kabupaten Bandung, seja ngiring aub kalayan diwuwuh ku tali silatuahim mugia aya dina jembar kawilujengan,..."

Gandrung

Kénging Herdi Pamungkas
Dipidangkeun dina lapak 27 Oktober 2014 22:26:50

Gagal jeung gagal. Kukulutus. Ahirna nepi ka leuweung sanget. Tadi gé di landeuh pada ngabéjaan ulah ngalanto ka lebah dinya. Teu diwaro. “Kuma déwék!” Puguh ieu anu ditéangan. “Di dieu jalan pati aing!” Nginum racun teu paéh, ngagolér luhur rél karéta bolay, ngaduruk manéh teu metu, sugan panggih jeung maung atawa onom. Modar téh tulus. Da sia gara-garana mah, Nyai! Abong kéna rancunit, loba nu ngahelaran, aing disapirakeun. Siga nu méré harepan. Buktina cau ambon dikorangan. Jajauheunka palupuh nangtung. Reg sisi jungkrang. Lungkawing. Dasarna batu cadas sareukeut. “Moal gagal!” cekéng nyorowok. Cikikik téh nu nyeungseurikeun. Sorana patingsaléor, matak kukurayeun. Rét ka lebah datangna sora. Kunti ucang-ucangan dina dahan. Disidik-sidik geulis ogé. Leng. Lila meueusan. Jigana matak seuri gé bogoheun? Cék haté. Tuluy disampeurkeun. Kunti ngejat. “Amit-amit!” Ger nu surak awor jeung keprok. Dibarung suit. Teu kantun nu nyakakak. Nyel keuheul. Belewer mik diténggorkeun kana tarang Sutradara. “Anjing!” Sutradara ngaheumbatkeun korsi.