Meunyi. Teu deuk uingah. Kudu eureun perang? Dina kaayaan meunang bari arandika nu ngajukeun sarat? Yéy, teu boga kaéra satéh. Badis cilimitna, jiga karuhun ilaing. Monyét jeung bagong. Tanah karuhun kami nu dilidek ku arandika, naha kudu ngéléhan? Mun arék, balikeun sakabéh taneuh karuhun, jig baralik ka lembur séwang-séwang. Untung teu ditagih séwana ogé.
Lain pédah suku kami tinggal hiji, indung-bapa geus kasambut pon adi-adi. Lain.. Nu puguh mah, bebeneran kudu nanjeur di dieu. Dina taneuh Paléstina. Téng Mérkava. Stinger jeung Rudal ukur rametuk. Sakali napuk teu burung jaradi ruruntuk. Jiwa aranjeun anu kolak bool, ngan wani ngagempur barudak, aki-aki jeung nini-nini. Boa, perjurit ilaing mah euweuh kanjutan kabéh?
Batu-batu nu dibalédogkeun saban poé humaréwos, “Anteurkeun kana beungeut-beungeut musuh, sangkan maranéhna dihinakeun jeung dijuralitkeun ujubna.” Batu-batu gedé patingjorowok,”Yeuh, pasukan Muhammad. Aya Yahudi tukangeun kami keur nyumput.” Dagoan, moal weléh diayonan tepi kamana. Kami, seuweu-siwi Salahuddin.