Pangréana Fikmin
Pangaléwohna
Koméntar ti Kanca
Iwan Nurdiansyah: " Assalamu alaikum, mugia sadayana aya dina ginanjar kawilujengan,..."
Hamim Wiramihardja Coèlho: " Sampurasun..... Seja tumaros, dupi carana ngeusi data formulir pangarang teh kumaha?.... Abdi teu tiasa ngeusian data. Fikmin Abdi seueur nu teu kasair. Hatur..."
Abdul Haris: " Tos sonoooo, hoyong katawis kapajang deui dina web-na. Karya-karya. Ieu hal, janten panyumanget pisan. Sok sanaos kinarya jisim kirang pangrojong ku..."
Atep K Rahman: " Assallammualaikum, Punten, nembe tiasa ngalebetan Buku Tamu ^_^ teras bade tumaros, kanggo ngisian data di palih mana? hatur nuhun, salam baktos ka sadayana. ^_^..."
Intan Iyang Nurfitriani: " Hatur..."
Tia Rosita: " Assalamualaikum....? nepangkeun ah, wasta Tia Rosita, nganjrek di Margaasih Bdg. Simkuring teh tos hobi nulis ti kapungkur mung sok tara percaya diri kanggo ngabagikeun hasil tulisan pribadi ka forum umum nanging sok sieun ngisinkeun hungkul. lami kalamian diemut deui ah naha make sieun atanapi isin sagala namina ge diajar. Simkuring teh ibu rumah tangga nu seueur waktos salse daripada dianggo nu..."
Muizza Indah: " Assalamualaikum wr. wb. Kahatur ka admin, simkuring bade tumaros perkawis kamus Sunda di blog ieu. Naha nya ayeuna mah teu tiasa dianggo deui? Padahal mah kaanggo pisan ku simkuring upami milarian kekecapan anu heubeul, janten tiasa milarian hartos kecap dimana wae sareng iraha wae teu kedah nyanyandak kamus. :) Mugia kamus Sunda dina blog ieu tiasa dianggo deui. kumargi mangpaat pisan kanggo..."
Edi Kurnaedi: " Assalamualaikum wr.wb. Sampurasun ! Hapunten Ka Pupuhu sareng para ais pangampih anu kagungan rohangan . simkuring nembe tiasa ngalebetan deui buku tamu! hatur nuhun. Wassalamualaikum..."
Sisingkur Lembur
Pabeubeurang. Andiprek dina ambén. Nyi Sati. Anteng nyanghareupan raraga. Keur ninun sarung. Sarung petingan nu dimpleng beurang-peuting, mo burung téréh ngawujud. Enya. Sarungna jangeun Si Kaka. Rék mulangkeun panineungan kana mangsa papacangan. Susuganan matak mageuhan duriat. “Nyai, Kaka rék ka imah Lurah. Aya tatamu. Rék babantu!” ceuk Si Kaka. Ngaléos.
Tatamu. Turis. Murudul. Lembur haneuteun. Jeung Si Kaka jadi langka paduduaan. Da teu weléh ujag-ajig. Nganteur sémah ka mana-mendi. Nyi Sati humandeuar. Uleng deui. Neruskeun hanca. “Sampurasuuun!” Aya sora gumalindeng. Nyi Sati ngarénjag. Bréh. Gebeg. Toropongna murag. Ngaguluprak. “Aduuuh, hapunten, Néééng!” Jajaka nyekel kaméra. Dodongkoan. Mulung toropong. Diasongkeun bari imut.
Peuting-peuting. Nyi Sati ngahuhuleng sabot nyanghareupan hanca. Aya imut kumalangkang. Aya sora nu teu weléh gumalindeng. “Nami abdi Gilang,” cenah. Ngaweuhan dina haténa. Nyi Sati rumahuh. Hawar-hawar, kapireng sora nu keur ngararonggéng di buruan balékampung. “Si Kaka. Moal mulang téréh-téréh,” Nyi Sati cumalimba. Neruskeun hanca tinunan. Najan bari sumoréang. Ngalongkéwang.