Hayang mupus kalangkang diri anu ngarobeda jajantung. Mun langit geus tilem. ” Karumasaan bakal ngukuntit moal bisa udar atuh.” Harita salira ngaharewos micangcam pinuh kamelang. Aweuhan sagara katresna ka salira heubeul ngangkleung tepi ka kiwari. Runtuyan katineung geus mapaésan diri saban rénghap. Ayeuna geus jauh ngalalakon, milang mangpirang-pirang béntang anu ting karetip. Urang bareng ngagalindengkeun kanyaah jeung kapeurih anu teu maneuh. Teu kendat ngadunga sanajan jauh” Ya Allah mugia salawasna tawaqal mun nincak deui jalan tarahal,” dunga keur salira nyerep ka alam batin, balayar urang duaan ngarengsékeun pasini jeung papastén.