Kelud bitu, lebuna parat ka Bandung. Kudu maké masker, bisi mulekna kekebul kaseuseup, laju nyaliara kana bayah. Mapay ti Kosambi tepi ka Cicadas, nyimpang ka genep apoték, geus taya beulieun . Masker pada ngaborong. Amrin. Laris manis. Manggih-manggih di pertélon Cicaheum. Ti tukang asong. Kitu gé masker urut. Ambuing étah hargana, mani sapuluh tikel ti sasari.
“Moal kapasihkeun ditawis lima rébu mah. Ieu masker téh apan tilas Déwi Persik. Upami palay nu rada mirah mah, ieu waé tilas Ruhut Sitompul atanapi Sutan Bhatoegana,” ceuk tukang asong, ka anu nawar leuwih ti heula.
“Ah, hayang masker urut presidén, da,” cekéng téh, teu kapalang gelo.
“Jih, éta mah teu diical atuh. Apan janten barang inventaris nagara,” témbalna.