Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Panto

Kénging Dadan Sutisna
Dipidangkeun dina lapak 09 Fébruari 2014 18:23:53

Tilu kali leungit panto. Kaopat ayeuna. Wirang, leuwih-leuwih ti kaperego mandi buligir. Engeuh sotéh basa rebun-rebun Pa Érté jeung dua hansip ngajega di lawang kamar. “Tos aya deui bangsat panto, nya?” pokna. Rénjag, méh bareng ngangsrodkeun calana jero di jero simbut. Ngiceupan hansip sangkan nyingkah heula. Gesat-gesut dibaju. Enya wé geus blung-blong. Sakabéh lawang bolongor. Ti mimiti pager nepi ka toilét taya pantoan, teuing diringkid ku saha.

“Kumaha maokna, nya? Mani teu kanyahoan ku nu boga imah?” hansip nelek-nelek kusén. Pa Érté nyéréngéh sanggeus dikeupeulan amplop, tuluy papagah engké mah tong tibra teuing. Basa aparat geus indit, pirajeunan ngitung panto. Aya salapan nu leungit téh. “Batur mah tara aya nu leungit panto. Nu matak ulah geruh, éra!” pok téh méméh indit. Nu diajak nyarita tibang mésem semu gegetun.

Sajeroning mawa mobil nu euweuh pantoan, pipikiran beuki rungsing. Tilu kali leungit panto, kaopat ayeuna, bari kabéh gé di imah batur.