Éwé-salaki jongjon mirun seuneu di dapur. Salakina nagog dina jojodog. Sidéang hareupeun hawu. Nyooot! Kelepus! Udud bako molé anyar nyait tina paratag. Peureudeuy. Peureum beunta. Bangun nikmat. Dunya asa boga manéhna. Regooot! Cikopi lekoh disuruput. Gogodohna nyarangsang dina kumis carambangna. Éwéna anteng ngakeul kéjo anyar nyait tina aseupan. Ngebul! Nyambuang! Kéjo huma, sekel, keur mumuluk isuk-isuk. "Kalah peureum beunta ari manéhna. éta geura beuleum kadinyah 'T-Bone Steak' téh bapana! Itu incu ti dayeuh geus narungguan!"