Cindekul. Di punclut gunung. Atra. Batawi nu balawiri. Burber. Ngajugjugan pangjuruan. Pantura, antay-antayan. Puncak ngeungkeuy ka Bandungkeun. Ka kidul, ka Sukabumi. Tepung jalur di Cianjur. Ngantay. Nu ka Sérang jeung ka Lebak. Ka Sumatra bras ka Merak. Rabeng. Nyiraru bijil ti liang. Batawi suwung saheulaanan. Jol Aki-aki. Gék gigireun. Maturan. Nyérangkeun nu pada lumampah. Karijut kulit socana. Ragas tulang igana. Digeberan sacendung kaén. "Aki mah Jang baheula, dilakonan. Nyorang Jawa ti Barat ka Timur, pulang-anting. Teu mamawa Google Map!"