Najan geus diganti ngaran jadi pasantrén, angger wé salila bulan puasa mah ditutup. Pamaréntah téh kawas anu teu nyaho, kapan lamun rék lebaran mah loba pisan pangabutuh. Acan harga-harga arundak. Éta gé kétang teu ngaleuleungit, sanajan teu siga poé biasa jeung bari leuwih susulumputan, tamu téh sok aya waé anu ngulampreng. Babakuna mah peuting. Heuehuey deudeuh, ari beurang mah paruasa sugan. Kapan saur mama ajengan ogé, ari keur puasa mah cenah teu kénging!.
Rék lebaran di lembur horéam. Salian ti sieun macét, duit asa can cumpon keur babagi. Jaba geus aya anu jangji, cenah maleman lebaran téh rék dibuking. Lebar lamun dimomorékeun, mangkaning si royal.
Enya wé manéhna datang. Salaku profesional tangtu kudu méré sérvis anu prima. Hiji hal anu moal bisa dipopohokeun, horéngan ngaladangan bari dipirig ku sora takbir téh karasana asa leuwih nikmat.