Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Sop Dua Rasa

Kénging Dadan Sutisna
Dipidangkeun dina lapak 05 Agustus 2013 05:06:28

"Kang, abdi badé masak heula..." taktakna diusap lalaunan. Haré-haré. Boa keur tibra. Léos ka dapur. Bray muka kulkas. Asakaneun nu baal mangtaun-taun, dipindahkeun kana méja. Ngagunduk dina baskom. Puasa geus tompér, meujeuhna nyayagikeun menu nu béda. Keur ayeuna. Keur lebaran. Keur baring supagi. Panci geus nagen. Resép anyar ngabaranyay. Nu ngajentul pangluhurna dicokot. Kasedih. Segedé peureup. Disiksik dileutik-leutik. Gep nyekel katugenah. Gancang dicacag. Tuluy ngaréndos bahan séjénna. Timburu. Cangcaya. Goréng sangka. Brus kana panci, digodog maké cimata tilu gelas. Bari ngadagoan asak, hulang-huleng bisi aya nu kaliwat. Diasaan. Kurang kénéh. Wur kakeuheul tilu séndok. Cukup.

"Hapunten, mung aya ieu-ieuna..." buru-buru sasadu, basa wanci saur cunduk. Manéhna ngabetem. Katara bangun wegah nyiuk nu ngebul dina mangkok. Suruput. Mimitina kurang-kerung. Suruput deui. Curinghak. Na ari gabrug téh, ujug-ujug ngarangkul. "Sop dua rasa. Kabungah jeung kabungah. Pangmasakkeun unggal poé!" pokna. "Teu tiasa, bahanna séép!" dumareuda, tapi jadi bijil kawani, nyusupkeun beungeut kana dadana.
---------------------------------------
(Sabada maca deui fikmin "Lapar" kénging August Remier, tarjamahan Éndah Dinda Jénura)