Syéikh Édi bérés kultum. Kukulutus tujuh menit lilana. Kitu ogé nu ngariung, bébérés dék bubaran. Sajadah ditilepan, rapih. Lampu dipareuman, hiji hiji. Bérés roés babawaan. Bet ngadadak angin nyéak. Séak. Jedak! Panto masigit muka. Reuwas. Patinghiliwir seungit kembang nu tujuh rupa. Jol jajaka gagah raspati, "Syéikh. Kuring dék usaha deui. Ngudag Dayang Sumbi. Menangkeun kakasih ati. Cik, béré jimat nu sakti!"
O, Sangkuriang. Gening masih panasaran. Mun teu ngakal, moal ngakeul. Ngakalna éléh ku sarwasora. Sora sinis. Sora pesimis. Sora nu matak léléngkah tiis. "Tah, paké Élmu Torék." Pok Syéikh Édi, ngasongkeun dua batok kalapa.