Pagawean sapopoena tukang ngamandian onta Mumtaz teh. Ngan ku sapangeusi lembur sok disebut pawang jam, lantaran bisa neguh kaayaan wanci kalawan tepat. Ari carana neguhna aneh kacida. Lamun aya anu nanya "Jam sabaraha ayeuna, Mumtaz?" buru-buru Mumtaz anu keur ngamandian onta nyingkabkeun kanjut onta. "Tabuh tilu," cenah. Kitu jeung kitu pagaweanana teh. Unggal aya anu nanya tabuh sabaraha, memeh ngajawab pasti Mumtaz nyingkabkeun heula kanjut onta. Kaanehan cara neguh wanci kitu teh kaemper-emper ka Raja. Pohara hayang apaleunana Raja teh. Bring nepungan Mumtaz anu keur nagog ngamandian onta. "Tabuh sabaraha ayeuna, Muntaz?" ceuk Raja. Buru-buru Mumtaz nyingkabkeun kanjut onta. "Tabuh satengah opat," ceuk Mumtaz. Panasaran Raja nanyakeun, kunaon memeh ngajawab Mumtaz kudu wae nyingkabkeun heula kanjut onta. Pok Mumtaz ngajawab: "Apan di peuntas palih ditu aya toko jam. Upami bade ningal jam nu aya di dinya, sok kahalangan ku kanjut onta. Nya kedah disingkabkeun heula kanjut ontana,"