Reup bray tingjorélat, datang deui siga kamari. Nyeri ku khianatna, nyeri ku sarakahna.
Anéh, naha kuring lénglé. Dék nutup haté, hésé. Dék nulak bala, hésé. Kuciwana kuring, sagédé gunung Guntur nu ngan ukur méré éndah malati.
Padahal, bau hitut jeung bukur teu jujur népi ka langit. Ngahudangkeun Guriang Tujuh, ngaruksak Lalayang Salaka Domas, soék.
Kuring ngawakca kanyeri ka Raspati Angin, simpé. Nyobaan ngudag Nyi Pohaci, jempling. Nepi néang Nini Anteh, ngan ukur seuri nyikikik minuhan pipikiran kunu aranéh. Poék.
"Sia, malik ka diri. Sia nu hirup di Mandala, balik ka sanubari," ceuk béja haréwos nu dibéjakeun Batara Léngsér bari nonggéngan.
Kuring angger teu ngarti. Ngan Guriang Tujuh ngadeukeutan, ngabaladan.
Tinu jauh, di antara indung peuting, Sunan Ambu ngahariring, ngahariring kanyeri kuring.