“ Mah, ari éta saha?” Ceuk budakna anu keur meujeuhna célémbéng. “ Bapa hidep anaking.” Walon indungna, bari semu reuwas ku pananya anakna.” Ari Ibu anu nyarengan Bapa éta, saha Mah?” Budakna nanya deui bari melong ka awéwé ngora anu marengan sémah.” Oh, éta mah istrina atuh.” Walon indungna deui, aya anu ngentab tina dadana. “ Ari Bapa anu sok didieu saha Mah? Bari ngareret ka lalaki anu ngaréndéng jeung indungna “ Oh, éta oge Bapa hidep kénéh, salaki Mamah.” Budak peutingna teu bisa saré, mikiran walonan Indungna. Tapi Allah maha welas asih, wanci subuh méré impian ulin kukurilingan di taman pikaresepeun, bari ramona ranggém ku és krim.