Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Pipi Mawar

Kénging Rameli Agam
Dipidangkeun dina lapak 18 Maret 2013 08:43:24

“Tarima abdi nikah ka Béntang Beureum binti Orion kalayan mas kawin gas supernova, awan molékul, sarta inti réaksi fusi nuklir, dibayar kontan!” ceuk Béntang Bodas.
Panonpoé, bulan, jeung sakumna pangeusi galaksi, pada ngabagéakeun. Dilimpud méga Globular Cluster. Laju dumuk dina sistim béntang ganda UZ For.
Peutingna. “Sah ayeuna mah urang silingurilingan!”
Unggeuk. “Enya, ngarévolusi. Ancrub na sagara Coal Sack, mapag gumelarna protostar,” pok Béntang Beureum.
Korona mekar. Lir jamparing ngabelesat tina gondéwa angin surya. Fotosféra diteureuy Kromosféra, nalika muru puseur Kausar, 16 milyar taun cahaya. Énérgi massa Coma mancawura. Big Bang!
Isukna. Balébat. Geter éléktromagnétik midangkeun Si Pipi Mawar. Ngagurilap.

Komentar (26)

Mahpudin
Aamiin.. mugia enggal ngagurilap... :D
Neneng Yatikurniati
komen naon nya? teu patos ngartos istilah2na mung terang komet, meteeor, :D
Entjep Sunardhi
Tina mangyuta nu mancawura aya hiji nu bisa mubus mapay-mapay koridor poék tur heureut tuba palopi muru indung panyalindungan pikeun lahirna bétang anyar.
Is Tuning
Kacipta mancawurana basa kajadian "Big Bang". ukur sora "Aduh.." hi hi.. Wilujeng jatukrami Kang Rameli Agam ! meni teu ngondang ka uing ih..
Mulyana SA
muntap
Sopyan Hardyansyah
waktos maos fikmin teh 2 menit, tapi kanggo nu ieu mah spesial 10 menit, ja plus-pleus mukaan kamus :-)
Érwin Wahyudi
Fikmin munggaran saba'dana janten pangantén. Mangga lajengkeun, sing kékéngingan, ah! Hehe.
Nena Cunara
Mancur, moncorong, gurilaaaap... Gurilap herang, nyay, kolenyay, nyaangan alam. Wilujeng jatukrami. Ngiring bingah! Mugi lulus banglus, sakinnah mawa,dah warrohmah wabarrokah. Amiiiin YRA.
Intan Suwandi
Khas Kang Rameli ieu mah. Teu aya bandinganana!
Rudianto Surya HS
, "Iwal nu hatam ngaji astrofisika sareng munakahat nu iasa ngadamel fikmin mencrang kieu mah. Mantaaaaaap jasa!"
Mulyana SA
,"Asa kakalauangan di dunya nu beda Ang. Luas taya babandinganana. Mun dibandingkeun jeung urang teu sakeprul-keprulna acan. Tapi sakapeung urg sok boga parasaan beda nya Ang Rameli Agam, asa teu nalipalk diri pisan nya Ang. Tegep (Y) (Y) (Y)"
Cucu Unisah
Beuh kabayang mancawura na....tegeeeeep....wilujeng ngagurilap kang
Asep Saepudin
Dahsyaaaaaaaaaaaaaaatttt!
Nyimas Kanjeng Ratu Yuyu
Dua Béntang ngahiji...tangtos ngagurilapna téh
Rameli Agam
Kang Apoedy Sarah Ihsan, hatur nuhun. Aamiin.
Rameli Agam
Teh Neneng Yatikurniati. Komet, bentang nu buntutan, ngabelesat nonggongan matapoe. Nuhun, Teh.
Rameli Agam
Subhanalloh, Apa Entjep Sunardhi. Surahan nu mundel pisan. Neda pangapingna, Apa.
Rameli Agam
Aduh, Kang Jay Is Tuning. Leres, mindeng aduh duh duh, yeuh. Neda pidu'ana, Kang. Nuhun.
Aris
Wilujeng oleng panagnten di Bima Sakti. Leres kitu nyurahan teh? Heuheu..
Rameli Agam
Leres, Ki Sunda Sawawa. Dinamika aktivitas pergerakan bentang/objek langit di Galaksi, lir gambaran kahirupan jalma di Bumi. Mugia urang tiasa ngalap rupaning hikmahna. Nuhun, Ki.
Rameli Agam
Kang Sopyan Hardyansyah, dibonusan waktosna, nya. Hatur nuhun.
Rameli Agam
Kang Érwin Wahyudi, nembean deui yeuh. Heuheu, asoooy, Kang. Nuhun, pangrojong du'ana.
Rameli Agam
Teh Nena Cunara, wilujeng wengi. Mugia tetep ngagurilap kalawan ditangtayungan cahya barokah-Na. Aamiin. Hatur nuhun pangrojong du'ana, Teh.
Rameli Agam
Teh Intan Suwandi, nyanggakeun. Hatur nuhun, Teh.
Rameli Agam
Mama Kiai Rudi, nyanggakeun. Adumanis astro-fisika sinareng munakahat, mugia wae lungsur langsar. Hatur nuhun, Mama.
Rameli Agam
Teh Cucu Unisah. Haruuuuh, mancawurana ge ngabelesat dina ukuran neutrino. Hehe.