Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Sono

Kénging Nyimas Kanjeng Ratu Yuyu
Dipidangkeun dina lapak 17 Maret 2013 23:58:10

Gulinggasahan. Pangsaréan acak-acakan. Sepré ngahunyud ‘na tunjangeun. Bantal pabalatak, sawaréh ragrag. Guguling kabulen simbut. Peuting maju ka mumunggang. Kasono beuki napel pageuh ‘na kongkolak mata. Ngahalangan pitunduheun. “Beu, naha kudu kumaha mapalérkeunana, piraku kudu nyileuk unggal peuting?” Gap kana hapé. Haté galécok sabil. SMS entong, SMS entong. Kalah nambah bingung. Lung, hapé dialungkeun. Ngahuleng sakedapan. Koréjat hudang, turun tina pangsaréan. Muka panto kamar. Asa-asa rék ka luar kamar téh. Mereketkeun manéh. Keketeyepan muru tengah imah. “Kang…kulemna ngalih ka kamar!”

Komentar (52)

Ki Baba Gibson
horeng nuju dordar...... nya piraku make kedah di-sms sagala atuh?
Elis Sri Yovita
Waahh nu nuju pasea, hoyong tapi isin
Nyimas Kanjeng Ratu Yuyu
Ki Lalat Socrates..pan nuju perang dingin, saurna téh matakna di-SMS
Nyimas Kanjeng Ratu Yuyu
muhun teu kiat lami-lami mah siliantep téh, Neng Elis Sri Yovita
Tatin Sardjiman
Hahahaha... matak gen, pasoalan kedah beres heula sateuacanna peureum nya...
Ki Baba Gibson
muhun, teu tiris kumaha eta perang ari simut kalah dianggo ngabulen guguling mah..?! hahaha maning ge perang haneut anu diseling ku renghap ranjug heuheuheu
Nyimas Kanjeng Ratu Yuyu
Muhun leres kitu, Néng Tatin Sardjiman supados teu ngaganggu tibra kulem
Iwan Hanjuang
Annger we lah peryogi tulak anu eta mah wew..
Nyimas Kanjeng Ratu Yuyu
ahahaha....éléh perang gé ku éta mah nya Ki Lalat Socrates
Ixora Coccinea
hape na anu di alungkeun bade di pupuri ah
Nyimas Kanjeng Ratu Yuyu
Teu aya tulak mah panto molongo waé kumaha ké upami kalebetan maling, Kang Iwan Hanjuang
Nyimas Kanjeng Ratu Yuyu
dialungkeuna gé kanu kasur, da peryogi kénéh, Kang Ixora Coccinea
Ixora Coccinea
huuh sugan te manawi(wink#) ~ Download to see & send fun emoticons on Facebook www.myemoticons.com ~
Nyimas Kanjeng Ratu Yuyu
Hehehe...
Is Tuning
...... Salakina ukur ngarérét. "Kang !" "Hmmmm...." "Ngalih ka kamar..." "Ah, hareudang..." "AC-na gé da dihurungkeun..." "Matak tiris maké AC mah !" "Moal engké gé tos dikeukeupan mah.. " "Ah, horéam.." "Horéam kunaon ari akang ?" "Dikeukeupan mah matak hareudang engkéna.." "Nya dikeukeupan bari dihurungkeun AC-na.." "Komo kitu, matak asup angin.." Keuheul. Balik deui ka kamar. Ngabeubeutkeun manéh kana kasur tulu ngacak-ngacak sepré.
Ki Baba Gibson
Is Tuning: eehhh sugan teh tuluy ngacak-ngacan sepre.... ari pek naha gening kalah ngacak-ngacak sepre..??
Intan Suwandi
Teu kedah di kamar wae atuh Teh Nyimas... Tengah imah oge teu nanaon.. heuheuheu. Resep ah.
Érwin Wahyudi
Tos paséa siangna sapertosna téh. Hehe
Mahpudin
Ari alim ngalih mah rencangan weh di tengah bumi bobo-na... hahahahahaha....
Rita Rosita
Heu heu kacipta gulinggasahanna, teu kiat teras gencatan senjata hihihi..
Jordan Kurniawan
"Sok-sok we bade kulem mah, papap pameng nuju nongton mengbal!" he he he :-)
Irman N Dimyatié
:"Hahahaha... aya kituna, nya?! Moal waka komen ah. Hayang seuri heula, Tah."
Neneng Yatikurniati
pasti ieu teh siangna tos dor dar nya, Teh Nyimas Kanjeng Ratu Yuyu. :D
Gaus Firdaus
"Caina beunang, laukna herang!" Gasik luncat ka enggon. "Yesss...!" (Nambut kalimah pamunkas, 'na fikminna Mang Érwin Wahyudi) Heuheuh...
Nena Cunara
Hehehe... Pami ambek tong lami teuing! Siiip markosip!
Nyimas Kanjeng Ratu Yuyu
Halah...matak nyakakak ieu mah pairan ti Kang Is Tuning, boa sanés waé mung ukur ngacak-ngacak sepré, kasurna dibedél tah...gendok pisan atuda!
Nyimas Kanjeng Ratu Yuyu
piraku atuh ngacak-ngacak nu ukur ngarérét mah Ki Lalat Socrates
Nyimas Kanjeng Ratu Yuyu
Néng Intan Suwandi...saupami tos damai mah aya bahan langsung der di dinya...heuheu
Rudianto Surya HS
, "Yes! Yes! Yes! Ceuk si Akang bari memener sarungna nu rek morosot. Hahahaha... heded Teh!"
Nyimas Kanjeng Ratu Yuyu
Sumuhun alatan SK rupina mah Kang Érwin Wahyudi
Nyimas Kanjeng Ratu Yuyu
Kang Apoedy Sarah Ihsan...siap waé asal tos pacantél heula
Nyimas Kanjeng Ratu Yuyu
Tah kitu Téh Rita Rosita mending gencatan senjata, capé geuning teras peperangan waé mah
Nyimas Kanjeng Ratu Yuyu
Saupami ngawaler kitu téh, sigana moal asa-asa tipina dibalédog tah, Kang Jordan Kurniawan
Nyimas Kanjeng Ratu Yuyu
Curiga kantos ngalaman ieu mah, Kang Irman N Dimyatie dugi ka gumujeng heula, kagagas kitu? heuheu
Nyimas Kanjeng Ratu Yuyu
Muhun, ma'lum tos tengah sasih rupina mah téh Neneng Yatikurniati
Nyimas Kanjeng Ratu Yuyu
Horéng kitu, nya kang Gaus Firdaus mah, jual mahal. Meni alim ngéléhan téa ih!
Nyimas Kanjeng Ratu Yuyu
Néng Nena Cunara..engké deui mah moal, kieu geuning balukarna matak rungsing
Nyimas Kanjeng Ratu Yuyu
Kang Rudi...:)
Dadah Hidayat
kang kulemna ngalih ka kamar, da murangkalih tos obo, lampu tos paroek hehehehehehehehe
Fadar Seler Janesah
Kacipta nya Teh Nyimas Kanjeng Ratu Yuyu, Sae!
Nazarudin Azhar
Basajan, tapi karaos fikminna, pangpangna eta, lebah pungkasan...
Nyimas Kanjeng Ratu Yuyu
Kang Nazarudin Azhar...kitu geuning kedah aya nu kersa ngéléhan, kantenan ku kasono nu teu tiasa dipapalérkeun.
Nyimas Kanjeng Ratu Yuyu
Kang Dadah Hidayat....ari barudak nyaring kénéh mah sok tara jongjon
Nyimas Kanjeng Ratu Yuyu
Kang Fadar Seler Janesah...kacipta gulinggasahanana atanapi naonna? Hatur nuhun
Fadar Seler Janesah
Muhun Teh Nyimas Kanjeng Ratu Yuyu, komo upami diteraskeun ku lalakon Ang Is Tuning, ari lebet ka kamar, ngan teu antaparah deui, habekk..! Manehna nyiksa guguling! Hehehehee.
Nyimas Kanjeng Ratu Yuyu
ahahahaha....ih kalah nyiksa guguling ning Kang Fadar Seler Janesah, meupeus keuyang
Yetti War
bungbu sono nya Nyimas
Nyimas Kanjeng Ratu Yuyu
sumuhun kitu Téh Yetti War, tos dor dar mah sok angot kasono téh, heuheu
Irman N Dimyatié
:"Paséa mah Rukun Sono dina rumah tangga."
Nyimas Kanjeng Ratu Yuyu
Ngan ari unggal usik paséa mah matak tebih tina kasono, nu aya wé awét rajét, Kang Irman N Dimyatie
Irman N Dimyatié
:"Nu awét rajét mah jiga juragan.... hahahahaha... Teu wasa ah ngetikna."
Jejen Jaelani Wargadipura
Pasti nuju pasea....hehehe