Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Sweet SÉventeen

Kénging Indah Eka Lestari
Dipidangkeun dina lapak 17 Maret 2013 16:14:18

Umur tujuh welas taun. Umur anu istiméwa. Nalika umur tujuh welas taun datang, aya anu nyieun pésta, aya anu hariwang sabab can boga kabogoh ogé aya anu héboh dangdan sangkan potrét dina KTP munggaranna alus, cenah. Bonéka. Cinta. Coklat. Kembang. Surat. Jadi lalakon anu milu saruka bungah dina umur tujuh welas taun. Tapi manéhna. Sabalikna. Dina milangkalana anu ka tujuh welas. Manéhna malah ceurik bari leuleumpangan mapay imah paraji – bidan – rumah sakit. Hayang nyobaan ngarasakeun kanyeri indungna basa rék ngalahirkeun manéhna. Hésé. Baheula, paraji jeung bidan teu sanggupeun. Anu tungtungna ka rumah sakit. Tujuh welas kali manéhna kukurilingan. Disaruakeun jeung umurna. “ Mah ti yuswa lima taun abdi ngalakonan ieu, hoyong ngaraoskeun kumaha capéna Mamah. Abdi alim upami kedah ngarayakeun pésta, tapi kapungkur dina waktos anu sami Mamah nuju kasiksa. Saleresna abdi sedih, naha kedah didieu lirénna kukurilingan téh” pokna bari nangkeup nisan indungna.

Komentar (13)

Yanti Sri Budiarti
Duuuuuh...! Gustiiiii...!!! hiks...hiks...Uwa janten nangis yeuh Tariiii...!
Iwan Hanjuang
Weiis meni tegep Neng, ngaragap diri ieu mah siloka anu realis, siip jempol Ti Uwa, eta uwa Yanti psasihan anduk kanggo meureut cisocana.. hebring lah sippp
Ed Jénura
wow. wowwww...
Anugrah Nunu
Ya Allah dugi kakituna eta emutan murangkalih.... sae pisan Neng. saeee pisann...
Yanti Sri Budiarti
Mang Iwan Hanjuang, ieu budak ku calakan pisan. Bibit unggul nu kedah sae ngurus sareng ngipukna. Jempol ti Uwa Neng Tari (y), ngantay tujuh welas kanggo hadiah nu ulang taun.
Meila Handayani
hadeuhh
Is Tuning
Sumpahna gé, Om Tuning sedih maos ieu fikmin.. ;( maruringkak ... tiasaan Neng Indah Eka Lestari ! (y) (y) (y)
Zulaikha Sobana
Neng, kabingah Mamah mah sanes ningal murangkalihna ngaraoskeun kanyeri anu kantos kaalaman ku anjeunna, tapi ningal murangkalihna kengeng kabagja sareng kagumbira, cekap!
Mahpudin
Sumpah abdi maca ti luhur dugi ka handap teh bari ngareka-reka deuk kamana ieu tungtung carita... sumpeeeehh katipuuuu... atuh da jeung aya bidan rumah sakit.. sugan teh deuk kadinya ari pek teh lain... nu disangka... haruuuuuhhh... TOP... (Y) (Y) (Y)
Munggaran Alfatih Z
jempooooooooooooolll cuneeeeng tujuh belas karung, kereeeenn sumpah kereeennn, padahal mah piwarang ka teteh we bade ngalahirkeun mah :D
Eni Setiani
Hebring kunéng! Nyanggakeun jempol pol ti mbi.
Tiktik Rusyani
Calon pinunjul fikmin pulsaan ieu mah.., si Sayang meni matak kataji, Fikmin jero tur teleb ngama'naan kanyaah indung. Neng Tari, Uwa reueus pisan, geulis. Petetan petingan nu kedah diipuk, digemuk ku sarerea supados mingkin ngagenclang karyana. Wilujeng, Neng!
Nyimas Kanjeng Ratu Yuyu
Tegep..tegep pisan fikminna, Néng! Jempol..pol pokona mah