Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Tunggu Tutung

Kénging Eni Setiani
Dipidangkeun dina lapak 17 Maret 2013 11:54:47

Bar! Giribig diamparkeun di buruan. Burusut! Paré diburusutkeun tina karung-goni. Dirarata sangkan garingna walatra. Teu kungsi lila, hayam daratang. "Sieuh! Sieuh!" Undi ngulang-ngulang pangilang. Hayam barirat ngan sakedapan. Kurumuy deui, hayam datang malah ngalobaan. Beretek Undi ngudag. Sanggeus capé, gék! Diuk di handapeun tangkal jambu, bari hahaleuangan. "Heulang. Heulang. Japati anak hayam...," sajeroning Undi hahaleuangan hayam téh euweuh nu datang, Sigana sieuneun ku sora Undi anu ngagebré.. "Ah, batan nyanyi waé mah, mening ku kulit kelenci nyingsieunan hayam téh," pikir Undi bari léos ka dapur, nyokot kulit kelenci nu ditunda dina para-seuneu. Balik deui ka pamoéan, sok kulit kelenci ditunda di sisi giribig. "Jongjon ayeuna, uing dék héés," pikir Undi bari asup kana jublag, paranti wadah paré.
Keur kérék, kurumuy indungna datang. "Undi! Undi! Ieu paré diacak hayam." Ceuk indungna bari gegebah. Undi jonjon ngaguher di jero jublag.

Komentar (24)

EMAN BUDIMAN
teu matih ning kulit kelenci teh, kedahna ku kulit maung panginten :)
Eni Setiani
'Eboed' Eman Budiman Matih we keur aya nu tungguna mah. Barang Undi ngaleos. Kulit kelenci digamprukan indung hayam.
Eni Setiani
Ang Dadan Sutisna haturan! Hatur nuhun pangdeudeulna.
Eni Setiani
Ang Nano Haturan! Hatur nuhun pangdeudeulna.
Dadan Sutisna
Sigana moal seueur nu terangeun nu kumaha ari 'jublag'. Da ayeuna mah tos hésé milarina barang siga kitu téh.
Eni Setiani
Ang Dadan Sutisna muhun Ang! Bujeng-bujeng jublag malih mah kojong/tolombong ge tos sesah milarianana. Heheh
Eni Setiani
Ang Arief Hidayat, hatur nuhun pangdeudeulna.
Eni Setiani
Ang Nasrul Jatnika hatur nuhun pangdeudeulna.
Eni Setiani
Andriekw Hatur nuhun pangdeudeulna.
Nasrul Jatnika
Teh Eni Setiani: "Ari burusut teh kecap panganteur atanapi kecap gawean? Ngagebre, jublag jeung dek, jang sauingeun mah jadi kecap nu anyar. Nyaan, matak helok macaan fikmin Eteh mah...heheheheh"
Eni Setiani
Ang Nasrul Jatnika burusut = burulu = burudul, Ngagebre = sora anu teu genaheun pisan, Jublag = kojong anu badag sok disimpena teh di goah atanapi leuit, Dupi dék = deuk. Kitu manawi Ang!
Eni Setiani
Ang Dé Goeriang Kusmawan kalih Ang Jaladara Nitis, hatur nuhun pangdeudeulna.
Eni Setiani
Ang Irman N Dimyatie hatur nuhun pangdeudeulna.
Ki Hasan
Jublag teh mun di lembur uing disebutna telebug, tolombong gede nakeranan, asup tilu-opat urang sagede Kang Nasrul Jatnika wae mah.
Rini Mayasari
Jaman kiwari mah moal aya nuapal aseupan, hihid, nyiru,dulang, hawu. tegep mak Eni. uing ge naroskeun kaAmbu...hehehe
Eni Setiani
Ki Hasan, muhun Ki, mung di lembur mbi mah seuseueurna nyebat jublag. Héhéhé
Eni Setiani
Rini Mayasari, kantun namina panginten nya? Tapi kana hihid mah pasti arapaleun da sok aya tukang sate nu nguriling, gegeberna teh sok make hihid. Hatur nuhun Dolis pairana.
Arif Syamsuri
waas pisan mbi, jang undi ngaguher dina jublag
Eni Setiani
Ang Arif Syamsuri, nakalna budak jaman baheula rupina tebih pisan sareng nakalna barudak jaman kiwari. Héhéhé
Neneng Yatikurniati
pikasebelen tah si Undi
Eni Setiani
Teh Neneng Yatikurniati, muhun kedah digalitok budak teh! Héhéhé
Nyimas Kanjeng Ratu Yuyu
Tuh nya kitu waé Jang Undi mah, dasar tumor!
Eni Setiani
Nyimas Kanjeng Ratu Yuyu, uhun da sawewengi ngadon begadang wae! Héhéhé
Eni Setiani
Teh Tiktik Rusyanti kalih anu sanesna, hatur nuhun pangdeudeulna.