Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Asup Angin

Kénging Jordan Kurniawan
Dipidangkeun dina lapak 17 Maret 2013 07:27:18

Ngoséng kangkung, teu dibawangan, bisa kénéh dihuapkeun. Tapi, mun bobogohan, teu sosonoan. Sarua jeung bohong. Kitu ceuk Odong ka Nonoh, basa harita. Kaharti kana kituna mah, Nonoh gé da sarua awéwé normal. Ditoél-toél waé mah, ceuk paribasana, hayang meureun. Masalahna, kolot Nonoh mah béda jeung kolot batur. Boro-boro ocon atawa otél, diuk ngaréndéng dina korsi ogé, teu meunang. Unggal Odong apél ka imah, indung bapana, teu weléh maturan. Kusabab pusing, sakali mangsa, Odong ngakal. Liang irungna dikodék, tuluy can nepi ka bersin mah. Sanggeus bersin, pok wé Odong ngomong ka Nonoh. “Lebet angin, duh! Pangerokeunlah, tiasa?” Ideu édun tah, nyaan. Ku cara kieu, sigana kolot Nonoh bakal ngakopkeun. Piraku wé, ngerok-ngerok tonggong waé, kudu ku kolot. Tapi da édas, kolot Nonoh mah gening, béda jeung kolot batur. Ngadéngé Odong asup angin téh, indungna kalah mairan. “Ku Bapa wé Jang dikerokna. Asa aya da minyak keletik di dapur” Pokna, bari cengkat.

Komentar (26)

Edi Haryadi
hahaha ...
Usman Ali M
Ngakal tapi teu ngakeul hahaha... Tapi masih keneh untung, teu bade dikerok ku linggis oge gkgkgk...
Jordan Kurniawan
ku linggis masih keneh sakinten Pa Usman, kumaha pami dikerokna ku sekop xixixixi :-D 8) :-)
Mahpudin
asa keneh sesa minyak keletik tilas ngagoreng peda tadi... heuheuheu...
Jordan Kurniawan
bilih tos dikerok, tonggongna hoyong dibalur galendo oge mangga Ang Apoedy :-D
Irawan
huahahahahahaha, dasar atuh nya, kolot téh jiga nu teu ngalaman ngora waé! Fikmin ieu hédéd....atuh Fikmin terasana nu kaideuan ku Fikmin ieu, nya nu diserat ku Kang Is Tuning, sami hédédna! Siiiiiplah!
Nining Sariningsih
:"Tong teuing ku Bapa, keun waé ku Ema. Ké Emana badé ngabantun heula parud. Asana mah tos kenging ngawasuh, tilas marud sampeu tadi sonten."
Dewi Mentari
KIn mah pami apél deui. cobi si Ema sareng Bapa keupeulan artos...sina ngagaleuh pindang ka...Bagdad!
Ed Jénura
wkwwkwkwkwk! segeeeeerrrr...
Rita Rosita
Hahahaha ..
Mang Bibih
Tejanten atuh maen <3 na hehe
Jordan Kurniawan
pangalaman rupina mah Pa Irawan, peupeuriheun anjeunna panginten nuju bobogohan teh sagala dirumpak, atuh putrana mah ulah. hatur nuhun parantos sindang, haturan wilujeng wengi :-)
Jordan Kurniawan
cekiiiiiit Teh Nining aeh lepat, cekaaap! teu kedah diparud. dikerok ku artos kencring oge raraosan teh asa diparud he he he :-)
Jordan Kurniawan
tos koredas puguh Teh Dewi Mentari artosna oge, unggal apel diangge mahugi, tapi nu janten sepuh keukeuh teu ngartos2. hoyong dimunggah hajikeun heula saurna nembe leah :-)
Jordan Kurniawan
kumaha atuh Teh Éndah, jaba teu tiasa sosonoaan, jaba liverpoolna eleh deuih. balik teh asa horem, leumpang oge asa ngalayang :-D
Jordan Kurniawan
haturan wilujeng wengi Teh Rita, Kang Bibih, unggal apel teh nyamos wae puguh, :-)
Ed Jénura
tong ngabahas Liperpul eleh atulaaaahh... jadi lapar weh, wkwkkwk! --neangan sangu siksaeun
Rita Rosita
Ke mah pami apel nyandak obat tidur lebetkeun kana cai calon mertua teh heu heu..
Jordan Kurniawan
katurug katutuh puguh abdi mah Teh Éndah, ninggal Milan eleh, nongton liverpool eleh, dugi ka ayeuna teu acan lebet sangu pami teu aya rencangan mah wkwkwkwk :-D
Jordan Kurniawan
tah, leres pisan Teh Rita, ku roko, mie rebus, sareng kopi mah tos teu mempan tah sakadang sepuh teh he he he :-)
Iwan Kurniawan
Kang Odong mah perhatosan pisan kagungan camer teh...
Jordan Kurniawan
gaduh camer over protektif teh saleresna mah sae Ang Iwan, pami leres2 mah engke oge kop teh teuing, tapi kange pameget nu berjiwa odong mah angger we pikakeuheuleun :-)
Tatin Sardjiman
Pameget nu berjiwa odong mah kitu weh janten odong odong nya...
Jordan Kurniawan
ha ha ha kang odong janten katempuhan buntut maung, tos namina odong, jiwana odong, sadidinten janten tukang odong-odong deuih :) wilujeng wengi teh Tatin :-)
Dian Wulan
Eta ku tiasaan ngakalna Kang Odong teh...
Jordan Kurniawan
Kang Odong atuh dilawan Teh Dian :-)