Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Mahiwal

Kénging Budi Dharsono
Dipidangkeun dina lapak 16 Maret 2013 20:54:07

LIMA belas bulan campleng, Euis kakandungan. Teu ilahar. Sab bulan alaeun geus kaliwatan. Harita, kira wanci pecat sawed, Euis mimiti pupuringisan. Nahan kasakit. Utun inji karasana asa néjéhan. Tanagana kacida rosa. Jiga nu hayang ka luar. Jang Sobar tatahar. Laju, ngangkir bidan nu kungsi mariksa Euis. "Lah, ieu mah moal lami deui!" cék anjeunna, basa Euis keur ngaheujeun. Dina risbang. Jang Sobar teu wani ngajauhan. Euis beuki gulinggasahan. Warugana jibreg ku késang. Enya wé, teu kungsi satengah jam. Brol, orok ka luar. Gebeg. Méh teu percaya kana téténjoan. Panon Jang Sobar, burial buncelik. Bu Bidan ngayekyek di juru pangkéng. Rét, Euis ngarérét ka lebah orok. Bréh, katémbong. Wujud orok buluan saawak-awak. Euis mencrong leleb pisan. Bray, Hudaibyah, ujug-ujug narawangan. Kajadian mangsa katukang, bruh-bréh narémbongan. Dua bulan. Saméméh Euis ninggalkeun pangingonan, tempat baheula digawé. Jadi TKI. Manéhna kungsi diteunggar onta. Onta jalu nu keur mangkat begér. Nepika Euis kapiuhan.

Komentar (17)

Eni Setiani
Wuah eta tah si onta arab nu kitu teh Ang. Heheh
Jun Juanda
Namian we ANON= Anak Onta. He he he.
Budi Dharsono
Ceu Eni Setiani;"Onta gé kapincut ku produk Enonésa mah"
Budi Dharsono
Jun Juanda;"Muhun ké tos tujuh dinten sakantenan ékah. Hé.."
Eni Setiani
Enonesa tea teu di ditu-teu di dieu pada resep, cenah mah ku mararanis. heheh
Budi Dharsono
Ceu Eni Setiani;" Body ramping tanpa oli samping. Hé..."
Neneng Yatikurniati
Emmmh edas eta onta
Budi Dharsono
Bu Neneng Yatikurniati;"Onta gé gaduh syahwat, Bu! Wilujeng wengi salam ka urang Lampung."
Kokom Komariah
Fikmin pisan yeu mah. Ku harianeun eta onta..emh..
Jun Juanda
Ang, protes ka Raja Arab sangkan eta onta teh dirajam. Sab lamun henteu bisi jadi 'precedent buruk' kanggo Hukum Islam. Ha ha ha.
Budi Dharsono
Ceu Kokom Komariah;"Cocooan kanggo Si Cikal. Aya anggoneun."
Godi Suwarna
:"Whahaha...! Aya ku teu euleum-euleum and teu kireum-kireum fikmin teh, Ang..! Waas..! Asa mireng dongeng Aki Emri, jago rahul di lembur uing baheula. Tapi mun dipikir-pikir deui mah bisa wae eta onta teh sakadar siloka, nyilibkeun kajadian nu saenyana..! Muantaaaf, dekh..!"
Budi Dharsono
Ang Godi Suwarna;"Biasa malming rada ngacaprak. Teu aya layan. Nuhun ah tos ngiring ngadeudeulan. Séhat dan berjiwa muda selalu Ang."
Budi Dharsono
Ang Jun Juanda;"Saurna ké 'Idul Adha éta onta diéksékusi"
Iwan Kurniawan
Henteu onta sukuna dua mah Ang...?? hehe...
Budi Dharsono
Ang Iwan Kurniawan;"Tah kitu saur Ang Godi Suwarna mah siloka."
Mulyana SA
,"Wios Ang Budi Dharsono rek diaku anak uing weh meh jadi anak angkat. Gede pahlana panan. Sok kagagas ari nyaritakeun TKW teh kalan-kalan aya nu bengal tapi seueur oge nu bener, tapi ninggang di kenging dodoja. Tegep pisan Ang... heded!"