Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Geber-geber Hihid Aing

Kénging Mang Opang
Dipidangkeun dina lapak 16 Maret 2013 15:47:12

Kacida éndahna dongéng Bu Guru, tadi di pipir kelas. Kitu gerentes Si Cikal. Dongéng budak pahatu. "Jeung dulur kudu silih pikanyaah. Silih senangkeun," saurna. Geber-geber hihid aing, kitu kawihna.

Samulangna ka imah, Si Cikal kakaratak kana lomari. Manggih sababraha lembar duit rébuan, nyelap dina tumpukan baju. Pok ngaharéwos ka adina nu siga langlayeuseun, "Yu, urang mésér arumanis."

Ari balik, geus aya nu ngajega di lawang. Teu cacarita, Si Bungsu dibabuk satakerna, nepi ka ngajurahrohna. Cul baé ditinggalkeun. Kari Si Cikal cumalimba. Ragamang kana raheut dina tarang adina, "Geber... geber... hihid... aing..."

Komentar (21)

Irman N Dimyatié
:"Meni sadis kitu. Saha éta téh???"
Mulyana SA
,"Edas deleka pisan... idiiih.."
Darpan Winangun
Abdi Ang Irman N Dimyatie, nu ngarangna... hehe.
Darpan Winangun
Ki Sunda Sawawa, dina réalitasna aya nu leuwih deleka jeung teu boga rasa kamanusaan. Puguh indung pulung jeung indung téré mah. Dalah indung teges gé pipilueun telenges. Hormat kuring ka indung, rek teges, rék téré, rék pulung, nu boga asih sajati ka palaputrana. Hanjakal teu réa nu jadi bahan warta, sabalikna nu telenges ka putra nu diudag-udag ku juru warta téh geuning.
Mulyana SA
,"Sumuhun Mang Opang teu aya pituin atanapi téré saupami tos kaiket ku hukum nikah sadayana kedah janten ugeran dina mihormat sareng babaktosna. Perkawis tindakanana anu diadu jeung papagon kalan-kalan leuwih telenges bari bébas tina tuntuntan hukum, sapamendak abdi mah ukur ngantos wanci cilakana bé, panan Pangéran téh teu tibra. Gaduh jutaan cara keur malesna. Mugia baé urang tiasa nyecebkeun ketug katiginan yén milapah saé atanapi kasaéan dina kaayaan caang atawa poék éta bakal aya balitunganana. TEGEP pisan Ang ironina anteb pisan."
Godi Suwarna
:"Weiiis, ujug-ujug dibabuk sataker kebek. Reuwas beak karep. Mangkaning mayunan malem minggu kieu mah meujeuh ngahenang-ngahening..."
Darpan Winangun
Kahébos lalakon sutradara Yahudi sigana mah Ang Prabu Godi Suwarna. Hehe.
Neneng Yatikurniati
Emmmh hawatos si bungsu.
Dede Kosasih
Beuh nepi ka kituna.....kumaha kaayaanana si bungsu teh?
Darpan Winangun
Sabada digeberan tujuh balikan bari dikawihan, Si bungsu robih janten Ayu Tingting. Kitu manawi Ang Dede Kosasih. Hehehe.
Darpan Winangun
Téh Neneng, ka abdi teu hawatos? Hehe, sakieu nuju langlayeuseun, jaba badis tihang listrik, ngalekeceng....
Yusuf S Martawidenda
Hadeuh KDRT ieu mah ..
Teti Mardiana
Deudeuh teuing bungsu...
Darpan Winangun
Ang Yusuf S. Martawidénda, manawi tiasa pangmilarikeun kecap Sunda kanggo ngagentos 'kekerasan', naon kinten-kintenna nya? Bilih janten kateuasan, hehe.
Irman N Dimyatié
:"Heuheurasan??? hahahaha...."
Nasrul Jatnika
"Hadeueuh...mani ngajedak asa ngilu diteunggeul. Renjaganana matak kukurayeun. Sae..sae.. Wilujeng wayah kieu Mang Opang."
Darpan Winangun
Ang Irman N Dimyatie, haha.... moal matak lumpat ibu-ibu tatéh? Uing sok diskusi jeung barudak di kelas. Aya sawatara alternatif: kabengisan, katelengesan, atawa kakerasan. Dina kamus basa Sunda oge saenyana geus aya kecap keras minangka pangaruh tina basa Indonesia.
Darpan Winangun
Um Nasrul, nuhun. Kadé bilih tarik teuing ngajedakna:)
Cucu Unisah
Beuuh...teungteuingeun
Darpan Winangun
Teungteuingeun.... Teh Cucu ngantunkeun abdi :)
Yanti Sri Budiarti
Nuju alit sok didongengan ieu ku pun nini sareng pun bapa. Duh, janten kasuat-suat. Sok rambisak. Pami palebah ngawitan ngurunyud tandaning hirup deui meni sok bingah. Nanging saparantos janten fikmin nu ieu mah asa emut kana film "Ratapan Anak Tiri" Mang Opang...:)