Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Gara-gara Ngebut

Kénging Iwan Kurniawan
Dipidangkeun dina lapak 16 Maret 2013 12:15:47

Sakumaha biasana, mun rék indit-inditan rada jauh, Darman sok maké motor kameumeutna, kaasup dina waktu harita, basa manéhna rék ka luar kota. Sanggeus nyiapkeun sagala rupa nu dibutuhkeun di perjalanan, kira-kira wanci lingsir, Darman pamitan ka kulawargana.
Salila diperjalanan, manéhna nyaksian rupa-rupa pamandangan di tiap-tiap wewengkon nu kaliwatan. Motor digas satakerna, ma’lum jalan di pilemburan, teu macét cara di kota. Di sisi jalan, loba barudak anu keur maén langlayangan, kabeneran harita keur usumna.
Waktu Darman nyorang pudunan, teu katingali ku manéhna, aya gelasan kenur anu nyampai di jajalaneun keuna kana beuheungna. Sabab keur kagok, manéhna teu eureun, sanajan karasa nyeri tur peurih, waktu gelasan ngagérésél lebah beuheungna.
Basa wanci manjing ka asar, Darman reureuh di hiji tajug sakalian rék solat. Manéhna kacida reuwasna, basa rék wudu, rumpu-rampa nénéangan sirahna, teu kanyahoan teuing dimana ragragna.....

Komentar (23)

Mulyana SA
,"Anjir rawerontek sugan Ang Iwan Kurniawan, tegep yeuh Ang fikmin banget. Manawi teh nu colok sirah ait nu handap. He he he"
Iwan Kurniawan
Ki Sunda Sawawa, emut dongeng pun guru waktos di kobong Ang...
Irman N Dimyatié
:"Hahaha... Jadi inget film Philipina baheula, Be Headed Ghost alias Jurig Tanpa Sirah. Eta nu rék shalat téh hirup kénéh atawa geus maot nya? Bener-bener fikmin pisan ieu mah."
Iwan Kurniawan
Ang Irman N Dimyatie, duka tah Ang... Duka hirup keneh, duka tos teu aya...
Rita Rosita
Haduuh pangalaman nu beuheungna kenging ku gelasan langlayangan kantos aya di smd ...
Iwan Kurniawan
Muhun Teh Rita Rosita, puguh abdi ge ngalaman mung kaleresan nu diboncengna abdi mah... Nu di sumedang dugi ka ragrag teu mastakana..?
Rita Rosita
Hente dugi karagrag sirahna mah mung di nagri fikmin Kang Iwan Kurniawan heu heu, bari abdi keur budak resep langlayangan di cepretan ku pun bapa ge teu kapok hahaha
Iwan Kurniawan
Piraku Teh Rita Rosita, asa arang istri nu resep langlayangan mah...
Rita Rosita
Hehehe duka da abdi mah hobi haha..
Iwan Kurniawan
sae atuh pami kitu mah...
Dewi Mentari
Euleuh...kacipta....
Godi Suwarna
:"Weiiis, asooy, Aaaang...! Tah, sim uingah resep pisan kana fikmin model kieu teh. Mirasa pisan. karaos seresetna gelasan kana beuheung. Kacipta. Bujeng-bujeng kana beuheung, kana curuk ge apan sok peurih kacida. Atuh tungtungna aheng suraheng pisan. Teu beak-beak ngawawaasna....! Hebriiing, briiing, briiing...!"
Iwan Kurniawan
Teh Dewi Mentari, muhun nya kacipta nuju ngagulutukna...
Iwan Kurniawan
Pangersa Kakang Prebu Godi Suwarna hatur nuhun pangdeudeulna, katampi ku asta kalih. Mugia janten pangdorong keur sim uing nu masih keneh diajar tutulisan....
Iwan Kurniawan
Ngahaturkeun nuhun ka sadayana nu parantos maparin jempolna... Hapunten, teu tiasa disebatan hiji-hiji...
EMAN BUDIMAN
wadaaaawww... peurihna ge langkung-langkung ti diputuskeun ku kabogoh hihihi...
Kokom Komariah
Gelas sagede kumaha eta meni dugi ka ngulahek mastaka. Napel keneh tah aplek-aplekan luhureun tonggong. He..he..serem tapi hoyong seuri. Ahèng..
Iwan Kurniawan
Ang 'Eboed' Eman Budiman, kutan teh kitu...?! hehe...
Iwan Kurniawan
Teh Kokom Komariah, palay gumujeng mah lucu atuh, sanes serem... hehe... Sanes gelas Teteh, tapi gelasan, kenur paranti maen langlayangan... http://id.wikipedia.org/wiki/Benang_gelasan
Teti Mardiana
Moal ngoméntar ah... Ngajempol we
Nasrul Jatnika
"Hadeuh, ke cuang wangsul deui urang pilarian. Atanapi umumkeun dina TOA masigit, bilih aya nu ningali sirah anteurkeun ayeuna pisan ka Tajug kituh...heuheuheu"
Iwan Kurniawan
Teh Teti Mardiana, katampi pisan jempolna. Hatur nuhun...
Iwan Kurniawan
Mangga Ang Nasrul Jatnika, diantos pisan saenggalna, margi tos kesel bade wudu teu aya raray... hehe..