Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Dahar Di Luar

Kénging Nining Sariningsih
Dipidangkeun dina lapak 06 Maret 2013 08:45:16

Soré-soré. Icih jeung Junéd ngadaraweung di tepas. Icih ngaléndéan Junéd.
"Kang...!" Semu ogoan.
"Heuy!" Haré-haré.
"Ih, Akang mah! Meni heuy!" Ngajangilek.
"Kudu naon atuh?" Angger haré-haré.
"Kulan, kituh!"
"Kulaaan! Aya naon...?"
"Hoyong ciga batur. Neda di luar."
"Akang gé hayang ciga batur."
"Hoyong naon kitu?"
"Nyandung."
"Ih, Akang mah!" Ngadilak.
"Ari Nyai! Hayang nurutan batur sagala. Urang mah urang, lain batur."
"Atuh, Kang...! Ieu mah kapalay si Utun. Bilih ngelay."
"Haroréam dahar di luar téh. Hujan!"
"Pan aya payung."
"Manéh mah! Ari boga kahayang téh, hésé dipungpang."
"Kang...! Nya...!"
"Heuh atuh!" Junéd jéngkéleun.
"Asik...! Antosan! Gentos heula acuk." Icih ngaléos ka kamer. Junéd nyokot samak. Diamparkeun handapeun tangkal buah. Koloyong ka dapur. Nyokot sangu jeung piring. Sok, dina samak.
"Nyi...! Geuwat atuh! Cenah hayang dahar di luar." ceuk Junéd. Ngajémprak sila dina samak.
Di lawang panto Icih ngajengjen. Dangdan gaya pisan. "Akang...!" Ngagorowok. Jéngkéleun béak karep. Junéd jongjon ngahuap.