"Pa, naha tarajé aya sababaraha cécé?"
"Lamun cécéna hiji, lain tarajé Jang!"
"Saha nu ngadamel tarajé téh Pa?"
"Teu apal Apa gé saha nu ngamimitianna mah. Ngan di mana aya barang jieunan, pasti aya nu nyieun. Teu sapati-pati dijieun kecuali aya maksud tujuanna."
"Naék turun tarajé teh saurna kedah saléngkah-saléngkah nincakna? Naha upami langsung kanu pangluhurna teu tiasa kitu?"
"Jang, urang syahadat heula, atawa langsung naek haji? Ujang sakola, langsung samen tuluy dibagi lapor, atawa daptar heula pikeun dianggap legal di eta sakola?"
"Upami kitu, urang teh tos legal teu acan payunen Gusti Pa? Maenya cicing di bumi Gusti, dipasihan sagala kabutuhan ku Gusti, tapi teu nurut ka Gusti, uclak-aclok milihan aturan anu ngan saukur jinis nu nguntungkeun, tapi aturan nu ngabeuratkeun mah dilangkung, tara dianggo. Malihan mah manusa teh ngadamel aturan sorangan gening Pa?"
"Keun wé Jang, Apa can bisa ngajawab, sok sodorkeun éta kénténg, bisi kaburu hujan deui."