Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Pa-liman-an

Kénging Helmi Pakudjati
Dipidangkeun dina lapak 04 Fébruari 2013 21:20:51

Amparan tangkal jati ngembat satungtung deuleu. Ti mumunggang keun ka léngkob pagunungan kapur Palimanan. Di sungut guha Koromong, dua arca Rujakpolo ngabedega kénca-katuhueun arca Ganésha nu ngajegir, ampir sundul kana lalangit guha. “Hyang Putra Siwa, kaula matur krama puspa prasada unjuk sembah pangabaktos. Sanajan kaula dicap ingkar ku pangagung Galuh. Kaula tetep satia sumembah ka salira,” Radén Kamandaka, bahuréksa sapanjang walungan Cilutung, ajrih sambéyang muja Ganésha. Mujasmedi. Sidakep sinuku tunggal. Mepet pancadria. Gelegeeeerrr!! Guha ngariyeg. Dumadak. Bray arca Ganésha beunta. Manglaksa beurit musaka nanggeuy Sang Putra Siwa. Tulaléna ngusapan sirah Sang Manarah. Opat pananganna ranggah ting aroyag ngulang-ngulang Ékadanta, Parasu, Aksamala sareng Mangkok. “Manarah anaking, tong melang tong salempang. Bral hidep geura miang ka Galuh. Wujudkeun nu jadi udagan jeung hak hidep, buktikeun yén hidep lain lutung nu kasarung,” Sang Ganésha ngadawuh. “Sumangga Hyang Widhi, kaula seja pamit kondur,” Sang Manarah munjungan. Gulayun. Mapay akar ngeumbing jangkar. Muru Kutaraja Galuh.

Komentar (13)

A. Halim Kusumadjati
Liman = Gajah. Krama= kagiatan, upacara, Puspa= canangsari sarupaning kembang, prasada=bebanten paseban/bungbuahan sareng beubeutian, bahureksa=pangawasa,ekadanta=gading sabeulah, parasu=kampak, aksamala=tasbeh, beurit musaka= tunggangan ganesha
Mulyana SA
Weis aya nitenan brama kumbara yeuh Ang kabaheulaan pisan. muantappps
Rudianto Surya HS
Assooooy, lalakon buhun nu matak kayungyun. (y) (y) (y) (y) (y)
Endang Rochimat
Mantaf Saehu, matak pogot...palimanan mengkol dijuru mihape ih heu heu
A. Halim Kusumadjati
Ki Sunda Sawawa, nyanggakeun seken opini Lutung Kasarung (Pangawasa Palutungan nu dianggap sesat/ingkar pedah nyembah Siwa, sanes nyembah Wisnu, sakumaha galibna pangagung galuh).
A. Halim Kusumadjati
Ang Rudi, lalakon buhun beh ditueun Pajajaran, ang.
A. Halim Kusumadjati
Ang Endang Rochimat, halaaah eta mah tempat rehabilitasi PMS (Penyandang Masalah Sosial), hehe..
Dewi Ratna Damayanti
wues... asa diayun ambing mangsa katukang....
A. Halim Kusumadjati
Teteh Dewi Ratna Damayanti, dongeng enteng pasosonten teh. Sinambi ngantos ideu fikmin nu ngempray..heuheu!
Dewi Ratna Damayanti
abi mah masih seuseut keneh, teu acan merejel deui yeuh
A. Halim Kusumadjati
Teh Dewi Ratna Damayanti, ameh ideuna moronyoy kedah adus 7 sumur, ka-8 sumur saat, hadooooh..!
Rudi Riadi
Tegep Bah....ngawayangkeun sajarah, nyajarahkeun wayang. Kantos maca ngeunaan Brahma, yen cenah identik sareng nami abraham / Ibrahim. duka leres duka kaleresan, pedah nami istrina ge ampir sami, saraswati sareng Siti Sarah.
A. Halim Kusumadjati
Ang Rudi Riadi, saleresna ieu teh penggalan Legenda Lutung Kasarung, tapi versi nu benten ti nu ilahar. Lutung Kasarung = Pangawasa palutungan nu ingkar/sesat ( pedah muja Siwa, sanes muja Wisnu, sakumaha masyarakat Galuh jaman harita). Janten sanes jalmi mindarupa jadi lutung, Sang Guruminda = minda guru (rab)/sesembahan, ti Wisnu ka Siwa)