Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Super Sonik

Kénging Nasrul Jatnika
Dipidangkeun dina lapak 03 Fébruari 2013 20:39:56

Wanci sareupna. Basisir laut kidul Cipatujah. Nu ngunjalan suluh geus carapéeun. Mang Kasja, badéga Mama jeung pangasuh kuring tibubudak nyampeurkeun.
“Jang, sigana bakal kapeutingan di jalan.” Ngahuleng. Isuk kudu ka Dayeuh. Pakanci rérés manjing sakola deui.
Treuk Gé-És taun 56 metet. Ngeteyep mapay jalan tarahal. Lebah Cimerak mogok. Muru Cijulang lalampahan tilu jaman deui. Distrik tempat Mama mancén gawé. Mang Kasja surti laju ngaharéwos,
“Ngarah gancang nepi, ku Mamang diakod.” Kuring kerung. “Sing percaya. Ngan aya saratna. Kudu peureum jeung teu meunang ningali katukang.”
Mata Mang Kasja ngawaskeun kajauhna. Buleudan hideungna caang. Mangsa beurang dina hihideung matana aya buleudan bodas. Tara disidikkeun biasana mah. Sigana éta nu hurung.
Clak naék. Beretek lumpat. Rarasaan asa ngaguruh. Angin nebakan ceuli. Peureum. Nangkeup tipepeket. Panasasaran hayang nempo katukang. Geuning buntutan belang. Teg.
Mama mapagkeun. Disasarung, nembé mulih ti masigit tas salat magrib.
“Geuningan, Kasja. Ujang kunaon siga ngohodhod? Kamana treukna?” Kuring ngabirigidig.

Komentar (60)

Dedi Herdiana
hebring pungkasannana,,,
Yuharno Uyuh
Sip langkung ti super sonik, urang kulon mah hamo bogaeun da, hehe. Sok emut lalakon pun aki, basa neang ka imahna aya u kudu ditulungn ilembur sejen, nu neangna mah can tepi, si aki geus aya ditempat. Tegep elmu kolot baheula nepi ka kituna. Tegeeeep.
Rudianto Surya HS
Halah, usum fikmin ahéng ningan, Kang Haji kancandakeun yeuh.... Tapi da uingah resep. Sapertosna mah Mang Kasja teh ngélmu pamacan panginten nya? Eta si sujang dugi ka ngahodhod, boaboa soak, hahaha siiip Kakang Haji, nyanggakeun rambutan aceh sakarinjang ti Buahdua. (y) (y) (y) (y) (y)
Nasrul Jatnika
Ang Dedi Pakot: "Nyanggakeun... pangalaman pun bapa mangsa keur budak. Kitu surna."
Érwin Wahyudi
Sima maung sima aing, maung datang aing lumpat... Hehehe
Dedi Herdiana
owh,, true story nyah,,,???
Godi Suwarna
:"Asoooy, Yi Haaaaj...! Asa lalakon-lalakon Pun Uyut baheula..! Upami anjeunna tos nyarioskeun nu karieu teh uingah sok madep-madep weee.."
Nasrul Jatnika
Ang Guru Yuharno Uyuh: "Uhun, Ang Guru. Kamari maos fikmin Ang Iwan Hanjuang. Sareng maosan artikel Yang Haj Usep Romli Abdul Hamid. Kaleresan nuju di bumi pun Bapa di Tasik. Janten ngadongeng mangsa anjeuna burey keneh. Heheheheh"
Nasrul Jatnika
Ang Rudi: "Dina raraga ngawawaas pangalaman pun Bapa mangsa lawas pisan. Heuheuheu...muringkak bari reueus. Untung cekeng teh, apa teu keuna jetlag. Heheheheh.."
Agus Bagja
Ang Nasrul ngiring ngajempol, pol pol pol.
Nasrul Jatnika
Ang Érwin Wahyudi: "Maung datang aing kasima. Hahahahaha.. uing kudu napak tilas ka lembur Aki jigana. Ngan kudu dibarengan Kuncen Sumur Tujuh Abah Uhid Rohendi Pandeglang. Komo mun jeung Ang Apoedy Sarah Ihsan atanapi Ang Rameli Agam. Jigana rame eung..."
Nasrul Jatnika
Ang Dedi Pakot: "Hehehhe..kitu kasauran pun Bapa. Tapi da Mang Kasjana ayeuna mah tos teu aya. Duka ngahiyang kamana. Ti saprak pun Eyang ngantunkeun duka ilu kasaha. Kantos sumping ka rorompok nalika abdi alit keneh, tapi tara kerseun mondok. Hehehehhe, kitu Nun."
Nasrul Jatnika
Yang Perbu Godi Suwarna: "Yaktos matak pogot. Komo sareng aya cikopi sareng bubuy sampeu. Hadeuh. Mangstasspp pisan. Hehehehehe... "
Dedi Herdiana
oww,,, kitu...
Nasrul Jatnika
Ang Agus Bagja: "Haturan Ang. Kantos ka Cidaun, mung teu iasa lami. Da teu aya tempat ngarereb. Janten mung pulang poe. Jalanna ti Ciwidey. Hadeuh, netek pisan sareng rungkal-ringkel jalanna teh. Matak palalaur. Wilujeng wengi Ang Agus."
Kokom Komariah
Arahèng nya, pangalaman sepuh kapungkurmah. Jempol mangga nyanggakeun.
Agus Bagja
Ayeuna mah tos seueur penginapan Ang, utamina di Jayanti.
Mulyana SA
Ang Nasrul Jatnika iyyy ngabirigidig tingkat tinggi.... bismilhi mareha ulah nya pami numpak nu kieu.. Haruh tegep Ang imajinasi uing ngalalakon... ngawang-ngawang..
Nasrul Jatnika
"Nyaeta, Aceuk Tiktik Rusyani teu acan kapendak. Manawi alungkeun kadieu ateuh. Edisi sabaraha PR-na. Wios urang pilari dina PR online. Nu kapendak malah artikel ngeunaan LH. Sur Ang Iwan Hanjuang dina FB. Tapi ku pun uing dicek dina wall Yang Haj Usep Romli Abdul Hamid mah teu aya. Hehehe.. :)"
Nyimas Kanjeng Ratu Yuyu
Sepuh kapungkur mah seueur kacarioskeun gaduh kasaktén sapertos kieu, pun uyut gé saurna tiasa mapah na luhur walungan nu caina umpal-umpalan.
Rudianto Surya HS
Teh Nyimas : Boaboa tuang uyut teh gaduh ajian 'napak sancang' tea kitu?
Nyimas Kanjeng Ratu Yuyu
duka naon namina mah Kang Rudi, tiasa janten éta, teu kantos ditaroskeun manawi.
Nasrul Jatnika
"Jigana mah syaefi cai, Ang Rudi, teh Nyimas Kanjeng Ratu Yuyu..heuheuheu. Duka ari jinekna mah. Yang Perbu Godi Suwarna manawi uninga? Atanapi kedah kasaha naroskeunna? Hehehheeh.."
Rudianto Surya HS
Tiasa janten Ang Haj, margi dongeng pun aki oge kitu, seueur pisan elmu kadugalan di wewengkon Sunda teh.
Nyimas Kanjeng Ratu Yuyu
tos puguh deui teu teurak ku pakarang atanapi dibedil malih aya nu tiasa katingal ku musuh, tiasa katngal aya di sababaraha tempat dina waktos nu sami. Muhun panginten éta namina Kang Nasrul Jatnika, Élmu syaéfi.
Nasrul Jatnika
Aceuk Nyimas Kanjeng Ratu Yuyu: "Abdi janten emut nu ngaji syaefi di lembur pun bojo. Halah, ke cuang fikminkeun. Tapi ngarah enggal mah cuang taroskeun ka Ki Sunda Sawawa. Da anjeuna mah kantos teu teurak dibedil sareng pakarang sagala. Kumaha Ang Mul?"
Nyimas Kanjeng Ratu Yuyu
sok atuh fikminkeun Kang...matak ahéng tangtosna gé. Horéng Ki Sunda Sawawa téh saktén? Teu nyangki pisan.
Nasrul Jatnika
Aceuk Nyimas Kanjeng Ratu Yuyu: "Weiiss, Ki Sunda Sawawa teh surna moal eleh ku Kuncen Sumur Tujuh Aka Rohendi Pandeglang. Da kantos guguru ka Galunggung surna. Halah, kamana Ang Mulyana ? Mani hoyong jonghok didieu. Heheheheh.."
Nyimas Kanjeng Ratu Yuyu
Nyaan hébat ari kitu mah, janten panasaran hoyong nanggap dongéngna..
Agus Bagja
Leres Ang, kapungkur mah aya kacarioskeunana
Nasrul Jatnika
Aceuk Kokom Komariah: "Sigana Garut Kidul memang seueur carios Araheng, Ceu..hheheheheh. Wilujeng wengi."
Nasrul Jatnika
Ang Agus Bagja: "Muhun. kedah napak tilas manawi Ang. Mung ieu waktosna rada sesah. Parebut wae. Manawi Aang Cianjurna palih mana?"
Rohaendi
beuh... eta nu belang deui wae...
Tiktik Rusyani
Kapungkur nuju diajar ngaos di madrosah, aya pamanna rerencangan nu gaduh ajian saefi angin. Saurna Cirebon Bandung mung memenitan. Kapungkur mah teu percanten. Asa rahul. Horeng ku fiokmin Kang Nas mah kawaler tah, leres geningan aya dikieuna elmu aheng sapertos kitu teh.
Agus Bagja
Cipanas puncak Ang. Kalahiran mah Sindang Barang Cidaun.
Nasrul Jatnika
Aka Rohendi Pandeglang: "Hehehehhe..siga chatting pairan Aka teh. Sigana leuleus keneh saparantos dioperasi ieu mah..heuheuheu.."
Nasrul Jatnika
Ang Agus Bagja: "Muhun. Seueur kacarioskeun, mung duka leres henteuna mah,"
Sarjang
Uingah apal Leuweung Sancang teh, dongeng ti bapa... Kajadian aheng kieu mindeng pisan didongengkeun, komo mun aya tamu ti Garut, nu ngahaja nganjang... Pasti rame... Sip Ang! Keren!
Nasrul Jatnika
Aceuk Tiktik Rusyani: "Sur pun Bapa mah gede wadalna elmu nu kitu teh. Seueur mamala. Sok aya wae nu hoyng mecakan. Maot hese. Geringna kaleuleuwihi. Tepi ka utah getih atanapi utah 'taeun' tina baham. Geura urang taroskeun ka Ki Sunda Sawawa. Da anjeunna mah kantos ngalaman sakti. Heheheheh..."
Hadi Aks
Wah, asik Ang Nasrul! Fikmin nu dalit sareng mitos urang Sunda. Meh di saban tempat di Tatar Sunda aya patempatan nu raket jeung maung. Di Garut aya Sancang, di Banten aya Ujungkulon tempat maung opat puluh, 'maung Jungkulan' disebutna. Eta tempat duanana aya pakaitna jeung carita Prabu Siliwangi, sarta ku urang Sunda maung di eta dua tempat teh dianggapna lain maung samanea, tapi bisa minda rupa kawas manusa, jsb. Ieu mitos teh bisa tembong dina rupa-rupa dongeng nu aya di urang. Di Banten upamina, pun uing ti bubudak mindeng ngadenge aya nu sok manggihan jalma nu dibaraju hideung bari euweuh lelemo-an (biwir luhur). Aya mayit nu luncat tina pasaran tuluy ngalenghoy minda rupa. Ki Jamian cenah ngagem sahadat maung, lamun gering tepi ka tujuh poe bulu awakna sok tuluy robah manjangan. Ari Ki Sukma kabejakeun basa rek maot wasiatna aheng, menta sangkan dampal sukuna ditojosan ku jarum, sangkan teu kajajaden. Eta teh kantenan kabeungharan folklor di urang, nu bisa disurahan direka deui, di antarana nya dina wangun fikmin. Top dech, Ang!
Iwan Ruspéndi Sr.
Émut ari Agustusan, pun Ua sok mintonkeun aji pamacan, panonna gular-giler. Mesek kalapa kajeun ku waos. Kalapa lening kari babatokna. Ahéng.
Nasrul Jatnika
Aka Hadi Aks: "Hadeuh, surahanana langkung mundel manan fikminna ieu mah. Heheheheh..hatur nuhun Ka Had. Ke manawi cuang nyobian napak tilas ka Banten. Meungpeung Adi aya pancen kaditu. Nuhun, Ka Had."
Endang Rochimat
Tegep Ang Haji, kamari kasungsi ku uing yeuh tarahalna cipatujah,cimerak, anjog ka rancabuaya,cisewu, pangalengan we heu heu sami nganggo maung... jepang tapi heu heu
Abah Aleeva
Sedep ang,asa mulang deui ka jaman bahula.....waktos abah nuju ngora keneh...odep lah
Nasrul Jatnika
Abah Sarjang: "Baruk, Abah oge resep dongeng maung sancang...? Hehehehe... Nuhun tos kersa nyimpang, Bah. Asa reugreug uami Aang tos ngamandang dina fikmin uing teh."
Nasrul Jatnika
Teh Mimih Lulu: "Muhun, ayeuna mah tos teu aya deui kajantenan sareng dongeng siga kieu. Mugia Euceu henteu bosen maosna. Heheheh.. tangtosna ngahudang wangwangan mangsa Tuang Eyang jumeneng keneh. Nyanggakeun Ceu.."
Nasrul Jatnika
Ang Iwan Ruspendi Sr.:a "Hadeuh, matak aheng. Manawi diwariskeun ka Ang Iwan eta elmu teh? Hehehehhe.. asa resep upami dipintonkeun di YPK. Heheheheh.."
Nasrul Jatnika
Ang Endang Rochimat: "Hehehhe..sanes Kuda? Piss ah, :-D "
Nasrul Jatnika
Ang Abah Aleeva: "Hehehhe, manawi Abah..aya keneh mah eta elmu teh, sae diwariskeun ka Ang Rameli Agam sareng Ang Helmi Pakudjati kalih Ang Joey Pengganti Wiro. Hehehehhe.... atanapi jangjawokanana inboxkeun ka Ang Noorfatah Muhammad Dimyati. :-D "
Iwan Ruspéndi Sr.
kang Nasrul Jatnika : numawi unggal Agustusan ditanggap oge nyeta aheng tea.Aya deui, teu nambut ceuli sareng panon, pun aki (sipat aki) nuju bade ngantunkeun, eta mah da sakitu nuju sakaratul maut, kuat uclang acleng gugurinjalan bari heherengan, ngagerem. Anu terang riwayatna mah maphum, pun aki gaduh ageman, heg teu acan dileupaskeun. Saur ajengan harita, keun we antepkeun heula, urang tingal pasaratanana.
Irman N Dimyatié
:"Haruuuuh...! Fikmin pisan ieu mah. Tapi, di alam nyata ge uing sababaraha kali ngalaman model kitu teh. Salah sahiji kapi aki uing nu linggihna di Sukaregang Garut, anjeunna teh ajengan nu kawentar jago. Uing pernah guguru ka anjeunna ti mimiti ngaji, silat, solat, jeung elmu hikmah. Anjeunna gaduh badega ti alam jin, tiluan. Bisa dititah naon bae ku pun aki teh. Hiji mangsa, waktu uing keur kuliah di Bogor, kulawarga si emang nu dicicingan aya nu ngaheureuyan. Nya uing balik ka Garut rek menta tulung ka anjeunna. Datang ka bumina kasampak anjeunna tos saged bade angkat bari nyarios kieu. 'Mama geus apal maksud hidep ka dieu. Sok dahar heula kadituh. Ayeuna urang indit deui!' saur anjeunna. Beres dahar uing dicalukan. 'Peureumkeun panon. Cekel leungeun Mama. Omat tong beunta samemeh dititah ku Mama,' saur anjeunna. Uing unggeuk. Reup peureum. karasa kana awak siga aya angin nu neumbag. Uing tipepereket nyepeng panangan Mama. Duka samenit duka dua menit, Mama nyarios. 'Beunta, Kasep!' Gebeg. Geuning uing geus aya di buruan imah emang di Bogor. Tah, kitu sabagean pangalamn uing teh, Ang Ustad."
Iwan Hanjuang
Alpa Yi di fikmin akang mah.. ha a ha a ha a haha
Nasrul Jatnika
Ang Iwan Ruspendi Sr.: "Sanggep pun Eyang oge kitu sami, Ang. Adug lajer. Sur pada ngajemput. Deuk mulang ka gunung, atawa ka kubur. Dugi ka aya dalapan nu tunggonna teh. Sagede-gede munding teh enyaan.. Heheheheh"
Nasrul Jatnika
Ajengan Irman N Dimyatie: "Wah, ieu yeuh langkung afdhal. Teu nginjeum cenah jeung euceuk..heehehhe"
Nasrul Jatnika
Ang Iwan Hanjuang: "Ari Alpa teh sateuacanna Beta manawi, Ang? HAhahahahahah... :) "
Abah Aleeva
Jiahahaha....teu bisa elmu kitumah mun aya ge ku jaman jiwari mah asa ku kirang kamanpa'atana,tp sanes teu perlu....sok d antos pikmin nu hebena deui kakang...
A. Halim Kusumadjati
Hadoooh eta Mang Kasja, negetrukkeun Bu Eng Cu (tanpa bayangan), Mun di Ciwaringin mah Saepi bayu, kitu teh. Mun di AlHadad Tegal, Gerak Jibril, Ang.
Iwan Hanjuang
Tos we Yi kitu oge sawios, teu janten masalah.
Nasrul Jatnika
Ang Abah Aleeva: "Mangga, Nun. Ke lanan. Bade ngemut heula nagara ieu teh...heheheheh (hadeuh siga nu enya weeee....)"
Nasrul Jatnika
Ang Helmi Pakudjati:"Yaktos, Ang Helmi. Di lembur pun bojo oge kasebatna Saepi Angin. Sareng salaka Ali surna mah. Heuheuheu..."