Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Pangeusi Kamar Nomer Dualas

Kénging Mbi Chymepm
Dipidangkeun dina lapak 03 Fébruari 2013 20:35:03

Waktu ngeusian kamar nomer tilulas, dina peuting kaduana Nyi Onih taya nu nuguran, pédah geus rada bérag. Témpo kapeutingnakeun, manéhna rada ngahuleng, di luar kapireng aya jalma tingsalegruk. “Beu, boa-boa pangeusi kamar sabeulah, tos dipundut ku Nu Rahayu,” pikir Nyi Onih. Enya, teu sawatara lila aya sora roda didorong bari dibarengan tingaringhak.
Panceg jam dua peuting. Rekééét, panto kamar aya nu mukakeun. Perawat asup deuk mariksa inpusan. Saléosna perawat kapirengeun ku Nyi Onih aya sora anu déhém. Hieeek, bau sireman minuhan rohangan. Simbut gancang dibedol, dipaké nutupan beungeut. Késang badag, ngurutug maseuhan awak. “Bu! Buuu,” aya sora gigireuna, meni haroshos. Gebeg. Ngawani-wani maneh. Lalaunan simbut nu nutupan beungeutna dibuka. Rét kanu keur ngajanteng gigireuna, “Éh, gening suster, badé marios naon deui?” Perawat teu némbalan. Rét, Nyi Onih ningali kana bitis perawat, aya cai ngurutug mapay bitisna.

Komentar (18)

Eni Setiani
Ang Yuharno Uyuh katut Ang Wankiss Diza Kosasih hatur nuhun pangdeudeulna!
Yuharno Uyuh
Sip Mbu, ngurutug teh kecap wewengkon panginten nya? heuheu, ngetikna aya nu kalangkung.
Agus Bagja
Susterna teu ngesod Mbi? Nyi Onih atanapi Nyi Odah?. Hiiiiiy tatuuuut. He he
Eni Setiani
Ang Yuharno Uyuh muhun, ngurutug teh sami sareng ngucur. Heheh
Dedi Herdiana
tegepppp!!!! kayungyun... hehehe
Eni Setiani
Agus Bagja teuh nya , mangkilang geus sababara balikan eta teh ti mangkukna tapi eeeh angger we aya nu kalamot. hehe
Eni Setiani
Fikmin#Pangeusi Kamar Nomer Dualas# Waktu ngeusian kamar nomer tilulas, dina peuting kaduana Nyi Onih taya nu nuguran, pédah geus rada bérag. Témpo kapeutingnakeun, manéhna rada ngahuleng, di luar kapireng aya jalma tingsalegruk. “Beu, boa-boa nu ngeusian kamar gigireun, tos dipundut kunu rahayu,” pikir Nyi Onih. Enya, teu sawatara lila aya sora roda didorong bari dibarengan tingaringhak. Panceg jam dua peuting. Rekééét, panto kamar aya nu mukakeun. Perawat asup deuk mariksa inpusan. Saléosna perawat kapirengeun ku Nyi Odah aya sora anu déhém. Hieeek, bau sireman minuhan rohangan.Simbut gancang dibedol, dipaké nutupan beungeut. Késang badag, ngurutug maseuhan awak. “Bu! Buuu,” aya sora gigireuna, meni haroshos. Gebeg. Ngawani-wani maneh. Lalaunan simbut nu nutupan beungeutna dibuka. Rét kanu keur ngajanteng gigireuna, “Éh, gening suster, badé marios naon deui?” Perawat teu némbalan. Rét Nyi Onih, ningali kana bitis perawat, aya cai ngurutug mapay bitisna.(di edit di web)
Eni Setiani
Dedi Pakot haturn nuhun!
Eni Setiani
Ang Anang Kartiwa kalih Ang Harmenn Nur Harsayana hatur nuhun pangdeudeulna!
Eni Setiani
Nyimas Kanjeng Ratu Yuyu kalih Ang Jonny Taurus hatur nuhun pangdeudeulna!
Godi Suwarna
:"Mbi, rupina 'sabeulah' di dieu mah tina kecap basa Enonesa: Sebelah. Sabeulah dina basa Sunda benten tebih ti sebelah basa Enonesa..."
Eni Setiani
Ang Godi Suwarna ooh manawi teh kecap tulen sunda, kedahna gedengeun panginten nya Ang?
Godi Suwarna
:"Kantos aya iklan dina radio: Heeey, Tatangga sabeulaaah...!' cenah. Kacipta eta tatangga nu ngan sabeulah. Pasti pikasieuneun pisan..."
Dedi Herdiana
ow,,,, kitu,,,
Eni Setiani
Ang Godi Suwarna ooh muhun, maenya aya jalmi mung sabeulah. Hatur nuhun Ang, panambih pangaweruha kangge mbi!
Ki Hasan
Asana ieu kasus nu katilu kalina, pakait jeung migunakeun kecap "sabeulah" teh. Kecap "sebelah" dina basa Indonesia, beda hartina sareng "sabeulah" dina basa Sunda. Kecap "sebelah" dina basa Indonesia nuduhkeun posisi: gigireun. Ari "sabeulah" dina basa Sunda mah nuduhkeun beulahan tina hiji barang: jiga sabeulah nangka.
Eni Setiani
Ki Hasan muhun Ki, mbi na kirang waspaos, paneda ti mbi ulah bosen-bosen ngelingan ka mbi, da mbi mah geningan limpeuran, duka margina ku yuswa duka kunaon? heheh. Hatur nuhun koreksina Boh ka Ang Godi Suwarna kitu oge ka Ki Hasan.
Eni Setiani
Rudi Hady Prastya Ki Hasan Edi Supriyadi Miadi Yani Indah Eka Lestari, hatur nuhun pangdeudeulna!