Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Jubah Goni

Kénging Rudi
Dipidangkeun dina lapak 03 Fébruari 2013 19:00:29

Pendopo Kadaton, heurin ku para inohong Nagri Aisénodné . Hémpak merbayaksa, nganti Ingkang Prabu, Raja Imron Al-Manar. Nu dianti jebul ti pipir, dipirig ku gending kebo jiro. Gék dina korsi gading gilang kancana. Pok ngandika, “Aya naon ieu téh, asa rariweuh teuing!” Salah saurang inohong gasik ngébréhkeun pamaksudan. Ceuk pamadegan maranéhna sagala nu dipilampah ku Raja Imron teu saluyu jeung cita-cita révolusi. Salah sahijina, raja teu meunang midunya.
Mireng kitu, Raja Imron bendu. “Kula maké papakéan alus lain alatan midunya. Istuning diniatan kusabab embung ngahinakeun nagri jeung Gusti. Bisi teu percaya ieu buktina!” Tatag, laju nyingkabkeun bajuna. Bréh, jeroeun jubah sutra kayas, katémbong baju goni. Mangratus-ratus tumbila nyayang dina sesela, mararontok. Katingal kulit leungeun Raja bareureum, kawas urut dicoco tumbila. Sakabéh inohong hookeun, tuluy marulang.
Raja Imron muru pangkéng, séja leleson. Baju goni dilaan, jeroeunana katénjo jubah sutra héjo.
Jol, saurang dokter karaton nyampeurkeun, “Waktosna ngaleueut landong, nun…,” bari ngasongkeun ubar rajasinga.

Komentar (25)

Jonny Taurus
Halaahh ..leuwih parna ningan !!
Godi Suwarna
:"Eduuun, Aaaang...! Muantaaaf fikminna...! Siiip dekh...!"
Rudianto Surya HS
Ang Jonny : Yaktos Ang, aya paribasa "Power tends to corrupt" saurna teh... hehehe Nuhun kana kamandangna Ang. Wiljeng Wengi.
Rudianto Surya HS
Ang Perbu Godi Suwarna : Bingah disumpingan ku Ang Perbu. Hatur nuhun. Mung eta muji bae, abdi janten isin, rumaso tagtegtog keneh, nyuhunkeun pangapingna, hehehe... Wilujeng Wengi Ang.
Edi Supriyadi
Jero ieu mah ....
Godi Suwarna
:"Jiiih, nya kedah naeun deui nu didugikeun ku sim uing? Da fikminna tos heded pisan. Mangrupi kiritik sosial nu pohara tarikna, tapi teu karaos vulgar da dibungkus dina lalakon wanda dongeng aheng nu matak pogot macana..! Kantenan waktos dugi kana pungkasanana nu sakitu 'ngajelegurna.' Tegep, Ang..! Nyaan..!"
Rudianto Surya HS
Ang Edi Supriyadi : Fikmin basajan Ang... Nyanggakeun pamugi ka manah. Nuhun Wilujeng wengi.
Edi Supriyadi
Fikminna basajan.... pesan moralna nu teu basajan... kitu numutkeun sim uingah...
Rudianto Surya HS
Ang Perbu Godi Suwarna : Nuhun pisan, pami kamanah mah.
Nasrul Jatnika
"Nlalaktak jeung lantip. Eta ku nami Imron Al Manar oge pun uing geus rada curiga, boa-boa kadinya leokna. Aipek teh jelegur-jelegur..tungtungna matak ngadangheuak. Petingan pisan ieu mah. Geura...(y) (y) (y) (y).."
Iwan Hanjuang
Weis asa lalajo teater contemporer pisan ieu mah, jero pisan teu siga sandiwara konpensional, tegep hebring lah, bring...bring.. bring back my bonny to me.
Abah Aleeva
Odep lah.....
Rudianto Surya HS
Ang Haji Jatnika : Katebak bae ku Ang Haj mah, asa buni nyumputkeun teh... Kapayuna cuang sing buni pisan ah... hehehehe. Nuhun Ang, halah eta jempol kotka ngantay, katampi pisan keun cuang diangeun sop dicampur sareng suung moal burung raos Ang, hahaha. Wilujeng wengi.
Rudianto Surya HS
Apih Iwan : Nyanggakeun, pamugi kamanah ku Apih, fikmin basajan simuing. Hehehe. Nuhun.
Rudianto Surya HS
Ang Abah Aleeva : Hatur nuhun Ang, nyanggakeun. wilujeng wengi.
Gaus Firdaus
Eduuun!
Kang Bibih
Saé pisan eta lalakon, ck ck ck.. Virus HIV gé moal teu ngancik tah dina dirina. (Y)(Y)(Y)(Y)
Sarjang
Weiiis... Keren Ang..! Realis pisan. Ngebrehkeun kaayaan nu karandapan, nepikeun kritik ku carita nu edun. Realita nagara urang. Siiip! Jempol satelebug!
Ceuceu Isma Hartanto
Beu Meni Mantap.
Rudianto Surya HS
Ang Gaus : Halah isintenan disebab sae ku Ang Perbu. Rumaos dipereban keneh nu, nyuhunken pangapingna we ti salira. Hatur nuhun.
Rudianto Surya HS
Ang Bibih Nubaheula : Nuhun Ang, yaktos pisan tateh, sadaya virus tangtos nyampak dianjeuna. Hehehe
Rudianto Surya HS
Ang Perb Abah Sarjang : Nuhun Ang, manawi ieu teh hoyongna mah mikmin surealis, mung sesah geuningan, hehehe ... Katampi jempolna, pamugi sing kagentosan deui. Nuhuuun
Rudianto Surya HS
Ang Cheche : Nuhun kamandangna, rumaos tagtegtog keneh. Hehehe
Mahpudin
Jurus, mesek bawang.. di jero kulitna aya kulit deui.... Edddduuunnn.... (Y) (Y) (Y)
Rudianto Surya HS
Ang Apoedy Sarah Ihsan : Jurus Masterchef panginten nya Ang? Hehehe. Nuhun Pangersa...