Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Dasar Kudu Kanyahoan

Kénging Budi Dharsono
Dipidangkeun dina lapak 03 Fébruari 2013 17:45:48

Hiliwir bawaning angin, kolébat bawaning kilat. Aya wartos ti tatangga, Si Akang nuju kasengsrem, Ku wanoja kembang désa. Paingan atuh paingan, Akang téh élékésékéng. Cilingcingcat pulang anting. Si Akang tos saged dangdan, nganggo péci jeung bedahan. Moal boa wengi ieu, Akang janten dirapalan.Kolébat kénging ilapat. Nyai rek ngatur siasat. "Kang, Nyai badé tipayaun. Teu kiat hoyong leleson!"
Meni asa aya jalan, hadé pisan kasempetan. Ti harita kénéh miang. Maksad mah badé nepangan. Kuniang, si Nyai gugah. Mapahna keketeyepan. Nuturkeun ti katebihan. Ka mana nya Akang miang. Payuneun bumi Nyi Mojang, Si Akang bet culang-cileung. Kuliwed, Akang ka pengker. Haté Nyai tambih yakin. Atra pisan kakupingna, Akang ngawitan misaur,"Ma! abdi dongkap ka Ema. Maksad neda dihapunten. Salami abdi larabi, sareng putra bungsu Ema. Teu tiasa nyugemakeun. Nanging abdi téh balaka, ka anjeunna abdi cinta. Abdi jangji rék satia. Dugi ka tepang jeung Ema." Akang lami cumarita. Nyegruk 'na tetengger Ema.

Komentar (16)

Meila Handayani
Hadeuhh suganteh...☺Ήii☺Ήii☺Ήii•••☺
Ki Hasan
Mantap Gan!
Dewi Ratna Damayanti
meni nyeblak.... jempol ah!
Budi Dharsono
: "Hatur nuhun ka sadayana kana pangdeueulna"
Edi Supriyadi
hebring weh....
Dadi Arya
Parat yeuh, rubuhan dalapan ti judul mula....Saé, Gan!
Budi Dharsono
Kenging ngetrukkeun Ang hee...
Godi Suwarna
:"Hedeeeed, Aaaang...! Wirahma dalapan engang kangge ngasah rasa basa, memang peryogi dicobi...! Kantenan, da ieu fikmin teu kajongjonan dina ngadalapan engang. Tapi aya renjaganana oge dina pungkasanana...! Pedooo eloooom...!"
Budi Dharsono
:"Nuhun Ang...!! Meni beukah ieu pangambung, he...
Godi Suwarna
:"Wios beukah pangambung mah. Asal ulah beukah anyut we..! Burut namina..! Haha..."
Budi Dharsono
"Hahaha... Wilujeng enjing Ang..!!"
Mahpudin
ceuk saabdieun Heded-na teh, teu karaos dalapan engangna, katutup ku carita nu matak nu maca jongjon teu patos merhatikeun, eta ungkara dalapan engang... biasana mun nu nyerat dalapan engang sok konsentrasi kana kekecapana tapi malah sok janten leungit eusi caritana.. ari nu ieu mah leres... Edddduuunnn... heuheuheu... (Y) (Y) (Y) (Y)
Hadi Aks
Tegep, Ang! Wirahma buhun kalebetna purwakanti dalapan engang teh, kawas umumna wirahma dina carita pantun. Dina ieu fikmin lain bae urang mendakan wrahma dalapan engang, tapi karaos ayana purwakanti rantayan (ka gigir) sareng runtuyan (ka handap), cirining s Aang paham kana perkara ieu. Lebah galur carita henteu datar sahinasna, da sidik aya plot anu direka tepi ka karasa genahna ku nu maca. Jempol ti pun uing, Ang Budi!
Budi Dharsono
Nuhun Ang..!! Waktos nyerat teh bari nyambat kasepuhan ti Banjar... Hatur nuhun, ka Abah Sarjang!!
Nena Cunara
Mantep. Ngageleser. Ngajedud pungkasanana!
Sarjang
Waah... Keren Ang! Uingah can kataekan ngadamel dalapan rubuhan nu model kieu... Siip!