Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Talatah

Kénging Dadan Sutisna
Dipidangkeun dina lapak 03 Fébruari 2013 00:19:00

Panceg jam dua welas. Pamajikan ngareureuwas. "Akang, gugah, aya nu pupuntenan... asa sieun," haréwosna. "Antosan di dieu!" gasik hudang. Bedog panjang dijéwang. Tina sela-sela kaca, katémbong pagawé kantor pos ngajanteng lebah téras. Siga euweuh deui beurang. Bray. "Mung katalatahan, jajapna kedah wayah kieu," ngasongkeun beungkeutan kembang. Tuluy ngaléos rurusuhan. "Wilujeng tepung taun, ti nu deudeuh teu reureuh-reureuh," cék tulisan dina amplop, napel kana gagang kembang. Rék dibuka asa-asa. Pirang-pirang jirim narémbongan. Kasebelan. Siga rék nyieun pucuk ti girang. Gidig ka tempat runtah. Kembang dicacag. Keretasna disoéhkeun. Bus deui ka imah. "Pa Érté ngajak ngaronda, tapi tunduh pisan..." pok téh, ka nu ngadégdég kénéh dina kasur. Isuk-isuk, siga sasari, ngadaweung di téras hareup. Nyéh imut sorangan. "Ieu kopina, Kang! " aya nu ngasongkeun gelas bari milu umat-imut. Panonna semu carindul. Léos ka jero deui, dipirig sora SMS. "Najan pungkasna di tempat runtah, abdi mah teu weléh nyaah..." Ti nomer pamajikan.

Komentar (40)

Dian Hendrayana II
Wilujeng tepang taun Dan, mugia tuang rai tambih deudeuh tambih geugeut. Kade, tong dicacag deui engke mah upami aya nu ngintun kembang teh. Bilih kembang ti Dhipa Galuh Purba he he he
Dadan Sutisna
Héhé, da henteu nuju ulang taun, Kang Dian. Ieu mah pédah malem minggu hoyong nyobian ngadamel nu kayas-kayas, tapi kalah janten hideung...
M Malik
kitu ari nu rea affair mah sok salawasna kasieunan...nu matak kudu tarapti ge...omat sakali deui tong gurunggusuh...
Dadan Sutisna
Ari simuing mah mung sakadar kailhaman ku dongéng-dongéng salira, Ang Malik.
Iwan Hanjuang
Hadeuh naha teu taliti atuh, karunya meni so satia tidituna mah wew.
Irfan
Heuheu...eulueh...
Dhipa Galuh Purba
haha.... kitu ari boga pamajikan nu resep kana kasenian teh.... sok kreatif....
Dhipa Galuh Purba
@Malik: ukur uing hiji2na pangarang nu can kungsi kalibet kana urusan affair mah....
Teti Taryani
Ayaaa... we ideu ahengna teh ari Kang Dadan Sutisna! Matak ngabelenyeh...
Dadan Sutisna
Mang Iwan, dalah dikumaha ari bakat ku geumpeur sareng reuwas mah...
M Malik
muhun Cep Dhipa Galuh Purba mung salira pangarang nu lempeng mah...yaktos pisan
Dadan Sutisna
Dhipa, nu matak mun aya nu bura-bere teh, kudu nalek heula ka pamajikan, bisi eta teh bagian tina kreatifitasna.
Dadan Sutisna
Teh Teti Taryani, nu mawi ieu teh, teu mendak kaahengan wengi ieu mah. Nuju ngahunted idena...
M Malik
nu matak abdi kumargi sok sieun lepat sangki,,,saban nu masihan "suprise" atanapi naon wae,,sok ditampi we da bilih di pun bojo...
Dadan Sutisna
Mang Malik, minimal dikonfirmasikeun heula sigana...
Rameli Agam
Hehehe. Surprise..! Sigana mah pas April Mop, yeuh.
Nyai Endit
Tos, atos. Kang Dhipa Galuh Purba, Kang Malik Mift Malik, Kang Dadan Sutisna miwah Kang Dian Hendrayana II, tenang..., rusiah aman.
M Malik
Nyai..kutitipkan rusiah ini kepadamuh...
Nyai Endit
Seneng kana fikmin nu ieu, teu kedah kerung, Kang Dadan Sutisna. Hampang macana, beurat eusina. :D
Nyai Endit
Kang Malik Mift Malik: "Iya, nanti saya sampaikan kana popoean." Tos ah, wilujeng wengi ka sadayana....
Samo Sutardi
untung boga pamajikan tara macem macem ... boro boro nyieun surprise da ultah oge dinu tanggal tua
Sarjang
Abong ahli, sederhana ideuna, kajadian basajan. Tapi ari diropea ku tukangna mah... Angger ngaweuhan... Sip Ang Dan...!
Budi Dharsono
Kutan, ka dinya jigna. Heded Ang...
Tiktik Rusyani
Hadeuh...carinakdak Kang Dan. Eta pungkasanana, nya ngarenjag pisan nya meni " So Sweet" kitu. Top deui wae fikmin teh. Dicopas ah, kanggo peperenian. Fikmin realis nu ngageterkeun mamaras rasa.Nu ngintun kembang hadiah ulang taun, tabuh 12 wengi...surprise!
Imas Rohilah
Tukang posna kersaan lembur, sabarahaeun tah dihonoranana.
Godi Suwarna
:"Haha...! Asoy, Jaaang...! Ka uing ge kungsi aya nu ngirim keusik sa-treuk tengah peuting jemplang-jempling..! Implik-implikna; 'A, wilujeng ngawangun sanggar. Ti abdi nu teu weleh sono. Dewi Persik. cenah. Cing atuh, puluh-puluh bogoh ge ulah barang kirim tengah peuting, barabe nurunkeunana..."
Dadah Hidayat
kayungyun pisan fikminna, gan master tea, horeng ti nu unggal poe dikeukeupan
Nana Sukmana
, "Garo-garo teu ateul maca ieu fikmin téh. Kacipta hanjeluna. Nu asih dipulang bedog!"
Teti Taryani
Duka lepat duka henteu, Kang Dadan Sutisna, puguh nu aheng kangge aceuk mah: ideuna basajan tapi luar biasa renjagan sareng aweuhanana... Teu liren-liren gogodegna ge....
Rohaendi
Hahaha kiriman naon wae, jam sabaraha wae, moal burung ditarima ka Banten mah. Asal ulah pibahlaeun. Komo sari-sari kembangan mah. Sip jasa Ka fikmin teh
Ida Nurulhuda
Harruuhh..,, mun abi nu janten istrina...,duka kumaha tah. Hanas capé nyusun skénario,,dicacag. Tooopp, Ang Dadan!
Yayan Bedog Supriatna
Halah..., mana dicacag kitu pastina géh Aka Dadan Sutisna gaduh pupucukan anu héjo di girang, ha..ha..ha...(y)
Mahpudin
Pas, nampi eta kembang, ceuk abdi nu maos, si salaki nyangki yen eta teh ti penggemar pamajikana jadi wajar di piceun kan wadah runtah ge... na ari pungkasana.. matak nyaan ngarenjag... heuheuheuheu...
Eros Rosnida
Kacipta nyerina, kuciwana,hate asa di jejewt rajet nu kawitna bde ngabungahkn th bet dipungkas ku goreng sangki da rumaos akangna gaduh nu lian
Rudianto Surya HS
Rengse maca esemes, tuluy ngajedag... hahahaha... Sae nakeranan, nyanggakeun buah lima bongsang ti Conggeang.
Yuharno Uyuh
Haruhh, lalako RT Ang! Pepel tegep, pungkasanana matak tijedag.
Ahmad Fawzy Imron
Asa kantos ngalaman kasieun sapertos kitu teh. Sanes kantos ketang....sering....
Érwin Wahyudi
Jeblag tungtung. Hehehe.
Nyimas Kanjeng Ratu Yuyu
meni téga ih...
Irman N Dimyatié
:"Kalakuan nu nyumputkeun dosa... Sok sieun we bawaanana teh hahaha..."