Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Lalampahan Tangkal Kaboa

Kénging Iwan Hanjuang
Dipidangkeun dina lapak 02 Fébruari 2013 15:02:38

Meunang job maén bén di Cipatujah taun tujuh puluhan. Poé jumaah ka Cipatujah. Kuwu méré katerangan, maén di Cikaéngan perwatesan Tasik-Garut di wewengkon Mira-Mare. Acarana salametan sasak gawéan tahanan poltik disebutna KOREHAB. Poé saptu tas mumuluk bral miang, alat bén jeung amflina dipanggulan ngulikeun, harita can aya désel, mawa aki kana sapuluhna. Cunduk ka Cikaéngan asar, dipapag tentara jeung tapol, harita babaturan panggih jeung guruna tahanan politik, atuh silih rangkul, saréréa ngilu beueus cimata. Bada isa, prung bén maén, nu lalajo noyék, komo pelebah lagu sorban palid, dipakalangan ramé ngarigel marotah. Wanci janari panitia ngaharéwos, bari culang-cileung.” Yi, bén atos lirén.” Panitia sanduk-sanduk pupuntenan hiburan réngsé. Aya kahemeng anu lalajo sakitu réana teu kaciri mulangna. Saréréa pemain bén, panitia, ngagolér dina ténda, bari teu daék reup, kalahka mencrong kana durukan da siga aya anu ngadarepong siduru. Isukna mulang, derekdek panitia ngadongéng, anu daratang euyah-euyahan kabéh euweuh cukang irungan. Urang sancang milu ngarigel.

Komentar (170)

Iwan Hanjuang
kang Kustami Hatami ieu sanes fiksi kang, pangalaman abdi pisan maen di leuweung Sancang.
Iwan Hanjuang
Risma dongeng Papah yeuh baheula.
Érwin Wahyudi
Resepeun kana hiburan panginten, Apih, bangsa nu kararitu téh?
Jonny Taurus
Halah... dongeng aheng ti basisir laut kidul, ku hade masieupna pih... komo ieu pangalaman sajati .. teu kabayang ... hiiiyy!
Iwan Hanjuang
Érwin Wahyudi harita ku panitia di omat-omatan lagu kleung angkleung sagara ombak-ombakan dipahing cenha, tepi ka ayeuna apih inget bae da pangalaman anu moal ka popohokeun.
Nie Karno
hag tah...hiiiiiy...
Iwan Hanjuang
Jonny Taurus harita TAPOL anu digawe nyieun sasak ngan aya 100 urang kitu oge lolobana mah caricing di tenda, tapi dina prungna maen, jelema ngaratus jeung jauh kamamana lembur pangdeukeutna mira-mare garut jeung cipanas tasik, jadi pamohalan aya urang lembur ngahaja ngadongdon kadinya lalajo mah.
Iwan Hanjuang
Nie Karno isukna TAPOL barebeja jelema anu lalajo cenah rada ngrung ngomongna.
Jonny Taurus
kabayang pih, leuweung karet mira mareu, antara pameungpeuk - cipatujah... kiwari ge angger simpe pih.....
Nie Karno
hiiiiy....amit-amit ulah saturut-turutna....eta kumaha peraosan ditongton kunu nyiliwuri?kade bilih katepaan kang :)
Iwan Hanjuang
Nie Karno anu kahijina teu inget yen eta teh tempat sangar pisan, anu kaduana apan akang maen dina panggung make patromak, jadi teu apal ka anu lalajo mah.
Iwan Hanjuang
Érwin Wahyudi Jonny Taurus lagu ieu teu meunang yeuh. Kleung angkeung sagara ombak-ombakan Keueung nineung sangsara bongan sorangan Cukleuk leuweung cukleuk lamping Jauh ka sintung kalapa. Lieuk deungeun lieuk lain Jauh ka indung ka bapa. Ka ayeunakeun karek apal yen lagu ieu teh, lagu baheula pisan jaman Raja Galuh .
Ratna Utamie
Hebaaat, kang iwan fans na sanes mung jalmi wungkuuuul...pami ayeuna mah nyuhunkeun tanda tangan n difoto sareng sigana nya kang...
Nie Karno
eta mah lagu alm pun bapa atuh kang,emut kapungkur pami nimang nie teh sok ngahariring lagu eta.saurna eta teh lagu karesep biangna (pun nini) bari ngagondang
Acep Deri Cahyadi
Walahhh, tapel wates Leuweung Sancang, boa basa abdi maengbal ge, di milamareu, eleh dugi ka 18-0 aya nu mantuan nya, bati muringkak we, jaba harita teh geus manjing magrib, tapi panonpoe masih moncorong, da pameng, mengbal tetep d tuluykeun. Sae pisan fikminna, di antos lalampahann sanesna, utamina lalampahan di basisir kidul, kalebet kenging bebene hate. Jempol sa Kab. Tasik sareng Garut Pa.
Iwan Hanjuang
Acep Deri Cahyadi, barang datang oge akang jeung babaturan sejena dibere sesemplekan kai kaboa niah disakuan, deungdeuleueun da tepi ka ayeuna awewena dicarindung lalakina diariket, basa maen bal ngondang kleup mira-mae ka Cipatujah, eta kiper kuda-kuda kawas maung da tepi ka nu lalajo oge hookeun.
Iwan Hanjuang
Ratna Utamie keur mah jaman harita teu acan aya HP anu kaduana mah anu mawa tustel oge teu kenging motoan ku panitia/tentara duka kunaon, salah saurang rerencangan akang oge tustelna disuhunkeun ku panitia, uihna nembe dipasihkeun deui tustelna.
Acep Deri Cahyadi
Hahaha, jigana kudu neangan ti dinya kiper Persib teh nya, ngarah juara mah.
Kustami Hatami
Ke,,ngahibur saha di leuweung sancang Ki Adi....?
Iwan Hanjuang
Kustami Hatami, ngahibur tahanan politik Kang margi tos rengse ngadamel sasak rawayan di walungan Cikaengan anu ngahubungekun tasik-garut, malih mah harita Herdis, sareng ALM Hely, Jajat Paramor oge ngiringan. di leuweung Sancang pisan Kang.
Iwan Hanjuang
Nie Karno di sababaraha wewengkon pakidulan mah teu kenging lagu eta dihaleuangkeun komo di Sindang Barang Cianjur mah di pahing pisan.
Sarjang
Waduuh... Baruk kisah nyata Ang? Palalaur atuh nya...
Mulyana SA
weiss.. pamilon kajajaden Ang. Meuni kagambar suasanana. Asa di mana kitu tach. Jiga jaman perjuangan. Nhn Ang fikmin turutaneun uing.
Andriekw
nu penting mah henteu dibayar ku artos campur daun pih..... ruarrr biasa fikminna
Iwan Hanjuang
Abah Sarjang, kamari aya guaran ti kang haji Usep Romli Abdul Hamid ngeunaan leuweung Sancang, akang jadi asa kaingetan boga pangalaman nyata pisan.
Iwan Hanjuang
Ki Sunda Sawawa,taun 70 han Yi, di daerah perbatasan tasik-garut pakidulan.
Iwan Hanjuang
Andriekw,ku akang di fikminkeu Yi, sanajan ieu teh fakmin.
Mulyana SA
Sumuhn Ang tangtos harita mah jamanna masih sanget manawi. Ngan abdi mah nembe di borojolkeun ku pun ema. Tegep pisan imaajinasi uuing ka bawa ka alam bawah sadar
Dedi Herdiana
muwantafff,,, dahhh,,!!
Nasrul Jatnika
Eta kayu kaboana aya keneh kitu Ang Iwan Hanjuang? Sok iasa manggil deui urang Sancang surna. Geura cobian ketrukkeun. Parupuyan siapkeun, Moal teu ngabelegedeg engke wengi. Ti goah biasana kaluarna. Jadi emut ka pun Aki pituin. Ari ka lembur (Cijulang) teh sok aya wae oleh-oleh dongeng nu kieu. Samalah sok ngetrukkeun kaboa, jeung di anukeun nu uing. Ngan harita keur meujeuhna burey. Boro-boro resep. Sieun we nu aya. Hehehehhe... mantap Apa Iwan. (y) (y) (y) (y) "
Lies Tjandra Kantjana
Naon Kang Iwan nu euweuh cukang irungan the?
Iwan Hanjuang
Dedi Pakot, Tengkiyuuuuuuuuuuuuu... muantafna.. hehehehe
Yadi Sutomo
Pangalaman aheng,....
Abah Aleeva
Hiiiii....sieuun..
Yuharno Uyuh
Haruuuh lalakon aheng, sibelang milua joged. Kaboa tanggkal nu misteri. Siiip.
Nyimas Kanjeng Ratu Yuyu
sieun ih...
Rudianto Surya HS
Sanajan sanes turunan kidul, simuingah resep kana carita-carita aheng ngeunaan Sancang. Difikminkeun ku Apih, mingkin katara ahengna teh. Manawi teh sanes fakta, sihoreng aya dikieuna... Mantep Pih... Sakaterang abdi, Leuweung Sancang ayana di wewengkon Garut Kidul pasna di Kacamatan Cibalong, Kabupatén Garut. Cenah mah Sancang mangrupa tempat anu kacaritakeun minangka tempat tilem (tempat leungitna) Prabu Siliwangi. Di tempat ieu aya tangkal Kaboa (jiga tangkal bakau/Mangrove) anu nurutkeun kapercayaan satempat mangrupa jelmaan para soldadu Pajajaran anu satia satuhu ka Prabu Siliwangi. Ngaran Sancang anu kasusun ti hurup-hurup SANCANG dipercaya ngabogaan harti husus, nyaéta: S miboga harti: Sasakala asal usul carita sesepuh urang-urang sadaya, anu hartosna Sancang mangrupa tempat asal usul karuhun urang kabéh. A hartina: Anu luhur tur ngahiang, anu hartosna wewengkon Sancang nyaéta wewengkon keramat sarta saprak jaman baheula geus dipikawanoh. N miboga harti: Nyata sarta tapakuraneun manusa,yén ngandung harti Leuweung Sancang the nyata sarta perlu pikeun dikaji ku saban manusa. C miboga harti: Cacandran carita sesepuh urang sadaya, anu hartosna Sancang nyaéta asal usul carita ngeunaan karuhun urang kabéh. A anu kadua miboga harti: Aya na carita Pasundan / Padjajaran, anu hartosna asal-mula ti karajaan Pasundan sarta Padjajaran. N miboga harti: Negri Padjajaran tilas Siliwangi, anu hartosna Leuweung Sancang mangrupa salah sahiji wewengkon nagari Padjajaran titilar Siliwangi. G miboga harti: Goib di Sancang Pameungpeuk Garut, anu hartosna Leuweung Sancang miboga carita gaib sarta saban manusa kudu percaya hal gaib kawas Pangéran YME anu sipatna gaib. Enyaan mingkin resep, Hedednakeranan, Apih... baktos ti abdi... (Y) (Y) (Y) (Y) (Y)
Endang Rochimat
Fikmin Puriding puringkak Pap!!..he he Ke ari tangkal Kaboa teh jiga kumaha, teu aya dilembur uingah jigana
Iwan Hanjuang
Nasrul Jatnika, hadeuh karek beres yeuh nyieun arransemen di dtudio, biasa buburuh. Di pakidulam mah Yi tepi ka ayeuna di pupusren pisan ku urang dinya teh, unggal imah nyimpen kai kaboa, nu matak didaerah eta mah tara aya bangsat duka kuu naon. Ti Cijulang tepi ka pameungkeuk deuih ayana teh, duka di basisir lain mah. sip lah yayi.
Iwan Hanjuang
Lies Tjandra Kantjana, ari jalmi apan dina lambey luhur handapeun pangambung aya deklok ditengahna, apan urang leuweung mah teu aya.
Iwan Hanjuang
Yadi Sutomo,Abah Aleeva, pangalaman anu moal kapopohokeun Yi, pangalaman akang pisan.
Iwan Hanjuang
Yuharno Uyuh, dina panggung band make patromak, jadi teu pati awas ka anu ngigel dihandap teh, ngan igelna titincakanana merenah, da harita ben make bongo, marake sarung di iket baju hideung jeung aya anu make baju bodas oge, harita mah teu keueung isukna anu reuwas mah.
Iwan Hanjuang
Nyimas Kanjeng Ratu Yuyu, kadieu atuh sieun mah caket Aa urang..........an.
Iwan Hanjuang
Endang Rochimat,tangkal kaboa dauna siga daun waru, ngan barelang buleud kulitna teh, minan.......
Abah Aleeva
Bank INdonesia Kedah melak tangkal kaboa jigana d payuneun kantorna,meh teu aya nu malingan duit rahayat...
Iwan Hanjuang
Rudi, fikmin akang, saenggeus akang maca guaran kang haji Usep Romli Abdul Hamid, soal Sancang, ti Cikaengan ka Sancang teh cenah ngan sapengkolan, tapi sapengkolan diditu mah sok anu nyebut caket didinya, dua kilo eta teh jauhna, harita basa miang dibekelan ku kuwu Cipatujah kai kaboa baseuh keneh kabeh nu miang dibekelan, barang anjog kadinya oge ku panitia dibekelan deui, nyebutna mah cenah panyinglar reungit, jeung enyana deuih euweuh reungit, miang mapay basisir asalna mah tuluy disambung ku jalan ronda, nyaan ieu mah Yi apan sare ditenda, diluar nyieun durukan ngabebela ngan aneh euweuh saurang oge panitia atawa TAPOL [tahanan politik anu siduru] duka keur saha ngan aya kaheran mah eta panitia tingharewos we bari ngawaskeun durukan. Nuhun Yi pairanana meni mundel kitu.
Rohaendi
Halah boga lalakon manggung samodel kitu teh, kula geh Ka Iwan, carita panayagan manggung di daerah lawang taji. Ke ah urang fikminkeun, ka ideuan si Kaka yeuh.
Iwan Hanjuang
Yatsu Drajat, naon ngeueum sagala ?
Iwan Hanjuang
Rohendi Pandeglang, akang ka Gantarawang harita ari nempo tempatna mah asa euweuh pikasieuneun da tetelar, tapi urang dinya sore oge geus teu wanieun kadinya..
Yuharno Uyuh
Kacipta, pih, waas pami nyoreang katukang, pasti ku ayeuna mah bati kagugu. Heheh. Uingah kungsu ngalaman nabeuh di leuweing daerah Cisewu, nu lalajo dumadakan noyek tapi, caricing taya nu nyoara. Isukna dibejaan ku kolot diidinya, haduh mulangna keueung.
Yatsu Drajat
aheng ..... bener bener aheng ....ckckck
Ki Hasan
Hehehe. Lain Kang Rudi, ari jaman Kangjeng Prabu gumelar, geus marake tulisan Laten kitu? Eta wancahan S-A-N-C-A-N-G, mani aheng kitu.
Iwan Hanjuang
Yuharno Uyuh, Apih oge apalna waktu balik, lamun dibejaan memehhna mah can tangtu daek, ngan Jajat Paramor anu apal memehna teh ngan teu betus we, Cisewu jln ka tsk nya?
Iwan Hanjuang
Yatsu Drajat, pangalam Yi maen ben ditempat kitu.
Iwan Hanjuang
Ki Hasan, aya guaranana ti kang Haji Usep Romli Abdul Hamid, mundel pisan soal Sancang.
Yatsu Drajat
urang nu asup ka alam sejen atawa sabalik na sarua we matak keueung nya.....iiiiy.....abdi ge kungsi ngarandapan pangalaman samodel kitu matak hemeng saenggeus na.....geuningan kitunya rupa na teh.....jangkung badag siga kalangkang bodas bari nyenyepeng payung hideng nu apeng apengan aya kana 5 meteran mah sabari leumpang dinu cai nguyumbang disada na clung ! clung ! clung ! (barang beurang jelas pisan teu aya urut hujan hujan acan, padahal jelas pisan pd waktu kawenehan si eta leumpang na dina cai banjir.....clung ! clung ! clung ! ....dedengeun keneh )
Iwan Hanjuang
Yatsu Drajat, clung clung clung teh naon? nuju ngising?
Yatsu Drajat
eta sora nu leumpang hareupeun kuring nu jarak na ngan saukur 4 meteran .... untung teu ngebrehkeun rupa pameunteu na harita....
Iwan Hanjuang
Yatsu Drajat moal ditembalan sok tuluy ngecebrek ngaler-ngidul-ngulon-ngetan ah.
Bunda Susan Luvyna
ku seueur pangalamanana ari kang iwan nya,mani murimgkak ,muriding iiiyy sararieun
Iwan Hanjuang
Bunda Susan Luvyna, muhun kaleresan kapungkur ieu teh nuju belekensenteng keneh hehehehe..nuhun komenna.
Nasrul Jatnika
Ang Iwan Hanjuang: "Aya link-na teu Kang Haji Usep Romli Abdul Hamid medar Sancang dimana ? Seratan dina FB atanapi dina web?"
Bunda Susan Luvyna
sami sami ,wios belekeseteng kapungkur mah ,asal enging ayeuna, ayeuna mah tos bageur apanan?
Iwan Hanjuang
Nasrul Jatnika, dina fb Yi, pilari geura, aya pertemanan teu jeung anjeuna?
Iwan Hanjuang
Bunda Susan Luvyna, bageur pisan ayeuna mah.. hehehehe.
Usep Romli Abdul Hamid
@Iwan H.Akang ge kantos mondok di sisi Cikaengan, lembur AMPERA namina. Luareun saung aya nu ngadurukan. Nu siduru opatan. Subuh disampeurkeun ngadon lalumpatan. Sukuna opat opat.
Iwan Hanjuang
Kang Usep Romli Abdul Hamid, abdi oge ngawengi didinya mung kitu kalah pupuringkakan we bari teu acan terang ieu teh daerah mana-manana, abdi kaemutan maca tulisan akang soal leuweung sancang di fikminkeun we kang, eta pun adi Nasrul Jatnika naroskeun akang nembe.
Nasrul Jatnika
Ang Iwan Hanjuang: "Teu kapendak Ang Iwan. Dina wallna mah teu aya. Manawi iasa di copaste kana inbox abdi Ang? Hapunten miwarang.."
Usep Romli Abdul Hamid
@Nasrul J. Ke urang pilarian deui arsipna.Kantos dimuat dina PR, teras diposting dina FB.
Iwan Hanjuang
Yi Nasrul Jatnika, eta kang Usep Romli Abdul Hamid komen teu ka aos Yi?
Nasrul Jatnika
Yang Haj Usep Romli Abdul Hamid: "Hapunten, Nun. Abdi kumawantun. Janten emut ka pun Eyang suwargi saatos maos fikmin Ang Iwan Hanjuang. Seratan Yang Haj dikotektak dina Wall, mung teu acan kapendak. Salam baktos."
Iwan Hanjuang
Tiktik Rusyani, ieu mah pangalaman akang keur ngora..
Usep Romli Abdul Hamid
@Iwan H. Pangalaman akang panggih jeung maung Sancang mindarupa jadi jelema di sapanjang basisir Laut Kidul, ti ngawitan muara Cijeruk, Cipareang, dugi ka Cikaengan,dipublikasikeun dina PR, Kompas,Berita Buana, sjb. janten bahan disertasi Prof.Dr.Robert Wessing, sosiolog-antropolog Amerika, ngeunaan Maung Kajajasden di Asia Kidul Wetan.
Tiktik Rusyani
Kang Iwan Hanjuang, muhun kacipta tingpuringkakna we, tepang sareng nu kararitu.
Iwan Hanjuang
Kang Usep Romli Abdul Hamid, eta oge salah saurang rerencangan abdi ngawenehan, saurna ngobrol rada ngirung sareng nungkup wae baham, da sempet turun tina panggung kahampangan aya nu nyampeurkeun, cik cenah lagu sunda atuh uing hayang ngengklak.. hehehe Jajat Paramor urang gang Dulatip Bandung.
Usep Romli Abdul Hamid
Guaran ngeunan kai kaboa, aya dina buku "Bandung Baheula" (2 jilid) karya RA Affandi (1969). Dina buku eta ge aya carita dalang ditanggap di hiji tempat dicaram ngaluarkeun Semar. Tapi kantaran ngadalang geus asa lila pisan, dicoba Semar dikaluarkeun. Wah, inggeung kawas lini. Sihoreng geus tengah poe. Nu manggung sihoreng di tengah pakuburan.
Tiktik Rusyani
Kang Iwan, Kang Nasrul Jatnika, Abdi ge kantos maos seratan Kang Haji Usep Romli Abdul Hamid eta. Dimuat dina PR, Malih dikliping, kataji pisan. Dugi ka hiji waktos mah hoyong ameng ka Sancang.
Usep Romli Abdul Hamid
@Tiktik R.Cobi atuh pangintunkeun ka Ayi Nasrul. Arsip nu akag hese milarianana.
Iwan Hanjuang
Tiktik Rusyani, yu atuh ka Sancang.. hehehehe
Ha ES Munawar
kantos abdi kawénéhan ninggal si belang ngalénghoi, duka kajajadén, duka aslina, di sancang téh waktos susur pantai, kalangsu di leuweung sajam, tapi asa lami pisan. pami teu lepat mah taun 2002-an harita teh.
Iwan Hanjuang
Nasrul Jatnika, Tiktik Rusyani, inget keneh da akang pantranganana, ulah lagu kleung angkleung, heheotan jeung nyebut munding.
Tiktik Rusyani
Kang Haji Usep Romli Abdul Hamid, bentukna kliping koran, Kang.Biasana abdi nyimpen seratan Akang teh tina note. Nu ieu mah ngagunting tina koranna.
Maman Damiri
Beuuuuu, waas ...
Tiktik Rusyani
Kang Iwan, hayu..urang rombongan sareng FBS. Pasti asik geura.
Iwan Hanjuang
Maman Damiri, waas pisan Yi.
Nasrul Jatnika
Ang Iwan Hanjuang: "Kunaon eta bet dipantrang? Naha tiasa ngareksak lingkungan? Matak mawa mamala ka balarea? Atanapi kumaha Ang?"
Tiktik Rusyani
Kang Iwan, eta pantrangan teh aya nu lucuna, dugi ka nyebat munding oge teu kenging.
Nasrul Jatnika
Yang Haj Usep Romli Abdul Hamid: "Seja tumaros, Nun. Dupi ngahiyang saleresna teh naon dina ma'na agama, heuseusna Islam? Manawi Yang Haj aya kamandang. Jazakallah."
Eros Rosnida
Ngiring ka Sancang....Teh Tiktik Rusyani ( bari ngacung...)
Iwan Hanjuang
Nasrul Jatnika, ceuk kokolot didinya lagu kleung angkleung teh, urang dinya teh miceun maneh kadinya ninggalkeun sanak kadang jeung baraya jadi kasuat-suat. Heheotan teh sarua jeung ngageroan cenah, ari munding eta teh dahareun, jadi nyebutna kudu énéng.
Ha ES Munawar
ngahiyang rupina sanés 'uzlah panginten....
Iwan Hanjuang
Eros Rosnida, kungsi maca tah dina FB artikel Sancang anu ditulis ku kang Usep Romli Abdul Hamid. nya Ros?
Eros Rosnida
Atuh pami nyebat Eneng Eros Rosnida teh sami sareng munding Eros Rosnida nya kang Iwan Hanjuang ?? hadeuuuuuhhh.....................
Tiktik Rusyani
Teh Eros Rosnida, hayu kemon. Cuang usulkeun ka admin..saba sastra ka pakidulan sakantenan urang amengan ka sancang..Kacipta pisan. Maca fikmin di sancang, boa nu nongtonna teh nu eta nya?
Iwan Hanjuang
Nasrul Jatnika, urang wewengkon didinya mah nyebutna tirem yi.
Eros Rosnida
Muhun usulkeun Teh Tiktik Rusyani sigana mah seru dan penuh eksotis
Iwan Hanjuang
Tiktik Rusyani, asa sanget didinya jeung Astana gede mah tik..
Tiktik Rusyani
Tangtos we, Kang .Da di Astanagede mah tik oge teu asa aya di makan, asa tingtrim teh..komo nuju maos fikmin mah. Asa kacandak hurung ku nami Dyah Pitaloka. Di Sancang mah seueur nguping wartos ti wargi nu Garut, sanget pisan saurna. Ulah sompral.
Eros Rosnida
Kang H Usep Romli Abdul Hamid Abdi sono kana seratan akang, kantenan ka jalmina mh....
Iwan Hanjuang
Tiktik Rusyani, Di Astana Gede Kawali oge keueung Tik, lamun apal ti beurangna mah, apan rombongan datangna geus poek jaba geus aya obor, ngan pedah teu aya pantrangan anu husus didinya mah, tapi duka ketang pan aya kuncenna.
Lies Tjandra Kantjana
Ah upmi FBS mengn k Sncng, Teh LIES mh moal ngiring tangtsn sagala katingal...
Tiktik Rusyani
Kang Iwan, kutan kitu? Duka ketang tingtrim teh pedah aya nu nyandak tingtrim we kana manah..asa reugreug.
Tiktik Rusyani
Teh Eros Rosnida, muhun tangtos bakal janten pangalaman nu aheng. Lebet ka leuweung tempat ngahiangna Prabu Siliwangi. Mistis, eksotis..
Tiktik Rusyani
Teh Lies Tjandra Kantjana, muhun Teteh mah tangtos moal tingtrim, sadaya jirim gaib bakal narembongan. Sami sareng pun anak, bet ameng ka perkemahan Cikole Lembang wae ge ngadat alim lungsur tina mobil.
Iwan Hanjuang
Hatur nuhu ka sadayana anu tos ngajempolan sareng komen mugia rahmat salamet. Salayan sabrang salayan, lebet ka cabe mah henteu.Lumayan hatur lumayan lebet ka sae mah henteu.
Ha ES Munawar
sami-sami Kang... (Y)
Kang Bibih
Duh telat Ang.. Hehe. Panginten upami teuaya cukang irung mah moal aya tai lalat nya. Da ari ngalangkung cukang sok mendak teh. Sanes tai lalat tapi duka teuing haha
Iwan R Jayasetiawan
Kang Iwan Hanjuang,Kantos nyobiang manggung di Denuh ? nu katelah jaerna sami nyiru heheheh
Iwan Hanjuang
Kang Bibih Nubaheula, ari jelema mah luhureun biwirna aya cukang irungan, maung, ucing, sato pan teu aya.
Iwan Hanjuang
Iwan R Jayasetiawan, kantos Yi ngan eta mah wayang, Pameutingan, Bakom, Depok atos kasaba ka lebah dinya oge keur jadi panayagan wayang.
Ajeng Prameswari
Keueung Pah.
Iwan Hanjuang
Ajeng Prameswari, teu ah biasa we...
Usep Romli Abdul Hamid
@Eros Rosnida. Tulisan akang aya wae dina PR, Mangle, Tribun Jabar, Galura. Miuhun terahir urang tepang basa adara Nyiar Lumar di Kawali tea. Pleng les. Ma'lum akang ayeuna mah langka liar tebih saba desa.
Usep Romli Abdul Hamid
Th.2007 PPSS kantos ngayakeun acara Sastra Saba Sakola ka Pakenjeng, Cikelet.Rancabuaya.Hanjakal teu kabujeng ka Sancang
Iwan Hanjuang
Kang Usep Romli Abdul Hamid, panginten ti Rancabuaya bungbulang mah tebih teuing Kang, asana mah nu caket mah ti Pameungpeuk.
Nasrul Jatnika
Ang Iwan Hanjuang: "Teu acan kaendak wae artikel maung sancang Yang Haj Usep Romli Abdul Hamid teh. Nu aya dina kompas sareng PR mah ngeunaan lingkungan sareng kelestarian hidup."
Iwan Hanjuang
Yi Nasrul Jatnika, eta akun kang Usep teh asa aya tilu, duka akun anu mana waktos mostingkeun dina fb teh, naha Usep Romli, Usep Romli Abdul Hamid, atawa Haji Usep Romli..?
Iwan Hanjuang
Nasrul Jatnika, asana mah mostingkeunana dina Gema Sunda Jawa Barat.
Entjep Sunardhi
Akang telat macana yi.
Iwan Hanjuang
kang Entjep Sunardhi, nuhun eta oge tos ngalongok.
Tiktik Rusyani
Kang Iwan, akun Kang Haji Usep teh tos 3 kali aya nu ngahack. ayeuna nu asli mah nya Usep Romli Abdul Hamid. Nu sanesna mah dianggo ku batur, Numawi sing atos-atos, da aya nu dianggo ku nu masarkeun gadget sagala.
Tiktik Rusyani
Kang Iwan, Kang Nasrul Jatnika, abdi mah maos seratan Kang Haji Usep teh dina PR.
Iwan Hanjuang
Tiktik Rusyani, paingan atuh ku akang di kotektak da harita akunna sanes nu ayeuna, meni detil da ngaguar sejarah Sancangna teh.
Tiktik Rusyani
Kang Nasrul Jatnika, Kang Iwan Hanjuang sareng Kang Haji Usep Romli Abdul Hamid,. Alhamdulillah, kapendak geningan seratan teh. Ku abdi bade diinbokkeun we ka kang Nasrul.
Tiktik Rusyani
Kang Iwan, abdi tos ngainbokkeun seratan kang haji ka Kang Nas. Akang peryogi?
Iwan Hanjuang
Tiktik Rusyani, upami teu ka abotan MAH aa Iwan kintun atuh inboxkeun
Tiktik Rusyani
Mangga Aa..hehe, dengan senang hati..
Tiktik Rusyani
Parantos diinbokkeun, kantun dideres. Pondok da namung pepel eusina numawi ku Tik disave oge. Panasaran pisan ku Sancang teh.
Iwan Hanjuang
Tiktik Rusyani, tos dugi, nuhun pisan ti Aa.
Tiktik Rusyani
Sami-sami A Iwan. Nyanggakeun.
Iwan Kurniawan
Punten ah badé uling tubir... Taun 2000-an sim uing kantos amengan ka cipatujah leresan ciheras, ngalangkungan ka jambatan cikaéngan nu katingal harita mah leuweung sabudeureun sancang téh tos gandéng ku sora sinso... Nu kasebat unik saur sim uing ti wewengkon palih dinya mah nyaéta OJÉG RANTÉ...
Ki Hasan
Ku senso mah, Kang Iwan Kurniawan, nu sanget nu sakti teh, wayahna teu bisa majar kumaha. Hehehe.
Iwan Kurniawan
Ki Hasan: Puguh asa sanes di sancang nguping sénso mah...
Ki Hasan
Mangga ieu Kang Iwan Kurniawan, bewarana: 1. Hutan Sancang di Garut Rusak Jum'at, 09 November 2012 | 21:30 WIB http://www.metrotvnews.com/metronews/read/2012/11/09/6/113254/Hutan-Sancang-di-Garut-Rusak 2. Hutan Sancang Garut Rusak Parah Garut, 9 Januari 2003 09:46 http://arsip.gatra.com/2003-01-09/artikel.php?id=23976 3. Hutan Sancang Nyaris Tinggal Belukar Bandung, 4 Maret 2003 10:14 http://arsip.gatra.com//2003-03-04/artikel.php?id=25955
Hadi Aks
Aeh ning sual maung deui bae ieu teh? Bet sahate sareng Ang Nasrul Jatnika si Aang teh? Ngan ieu mah maung gaul rupina da make lalajo band sagala...hahaha. Di uing mah lain teu aya cukang irungan 'urang leuweung' teh Ang, tapi teu aya lélémo (biwir luhur) cenah, duka tah mana anu leresna. Fikmin true story rupina, ti musisi nu kantos sohor taun 70-an...hahahaha. Tapi aya hanjakalna, deuhh.... bet ku gaya dongeng si Aang mah nyeratna!
Iwan Hanjuang
Iwan Kurniawan, hutan sancang teh apan jadi leuweung tutupan, cagar alam, akang terakhir kadinya taun 96 masih geledegan keneh,sigana lain di Sancangna di Cipanas sigana mah anu tas ciheras, apan aya plang pengumuman rek asup ka sancang teh aya larangan-larangan, naha PERDA na dirobah kitu? naon Yi ojeg rante teh?
Iwan Hanjuang
Ki Hasan. Nuhun Yi.
Iwan Hanjuang
Hadi Aks, ieu mah intermezo Yi, akang boga pangalaman model kieu, kulantaran di fikminkeun kajadian aheng laina teu cukup jeung lalampahan akang saparakanca mapay basisisr, terus barang sup ka daerah sancang pasarandog jeung awewe make kabaya siga anu tas ti ondangan mah teu ka tuliskeun da panjang teuing. ceuk urang dinya mah biwir luhur aya ngan rata cenah Yi teu aya lelemona. Nuhun pairanana.
Iwan R Jayasetiawan
Kang Iwan Hanjuang, cobi diserat pangalaman nu aya patalina sareng Denuh.Kayaan Denuh ayeuna teu tebih sareng kayaan leuweung Sancang. Wilujeng siang diantosan seatanna.Baktos rai di lembur hehehh
Iwan Hanjuang
Iwan R Jayasetiawan, muhun ke Yi di postingkeu kaasup pangalaman moro ka sampalan Bojong Tongo jeung bapana Ikeu akang padahal nyekel bedil Cis, tapi mencek anu lalar-liwat nyaratuaaaan jukut teu ditembak da sugan teh embe, atuh pada nyarekan akang ku sarerea.
Usep Romli Abdul Hamid
Leuweung Sancang ruksak th.1998 mimiti beledug reformasi. Kantos ditulis dina Kompas "Hutan-Hutan Legendaris Tatar Sunda" (2006). Lahan Sancang ayeuna kapotong ku jalan lintas selatan. Nu dongkap ka Sancang, ti lembur Sancang bade ka basisir lebah Cipareang, ayeuna mah teu bisa leumpang sabab "wajib" tumpak Ojeg nu mangkan di dinya. Ojeg Rante rea anu banna dibeungkeut ku rante supaya bisa nyorang jalan paleuweungan. Tempat-tempat "mistis" saperti Guha Garogol, geus beak kagiridig. Kitu deui tangkal-tangkal baradag tempat ritual "teluh" saperti werejit, tos laleungit.
Iwan Hanjuang
Kembang pinetik sinembara sari, tutup lawang sigotaka. Teundeun di handeuleum sieum, tunda di hanjuang siang, paragi nyokot ninggalkeun, nunda keur mangsa nu rek di sorang, Jaleuleueueueueueueueu.
Ki Hasan
Muhun Kang Usep Romli Abdul Hamid mimiti ruksakna teh awal reformasi, dan keur euforia tea, sagala larangan dirempak. Katambah-tambah harita teh, urang lembur mimiti wanoh kana ragaji listrik, "senso" tea nu bisa dioperasikeun ku barudak rumaja. Teu sruk-srek, suk-srek deui, nu di luhur ungked-ungkedan nu dihandap peupeureudeuyan, nu dipigawe ku aki-aki. Oge mimiti mahabuna ojeg. Ojeg jeung Senso nu geus jadi pamunah sagala jampe pamake, sagala kasakten ge ngajengjehe. Hehehe. Kabeneran nu sok diogan purah nyengso ka sakuliah Garut teh, salah sahijina barudak ti lembur uing, ngabrul kana ojeg nyoren senso.
Iwan Hanjuang
Ja.
Shohiba Nu'man
Mantap, Mang.. Dongeng klasikan. Resep pisan diaosna.
Iwan Hanjuang
Shohiba Nu'man, ieu teh lamun dijujut mah caritana panjang pisan, jadi diparekoskeun we ku Amang diarag singketna pisan, Nuhun Lo.
Iwan Hanjuang
Nasrul Jatnika, teu aya Yi dina fikmin ieu mah... hehehehehe alpa.
Iwan Hanjuang
Ngahaturkeun nuhun ka Ibu Neneng Sitanggang anu geulis kabina-bina, kawentar ka jalabria...
Neneng Sitanggang
Hadeuuuuuuuuuh, moal laik ke mah ah .... bongan ...
Iwan Hanjuang
Neneng Sitanggang, teu kaopan pisan ih,ampun dekah.
Neneng Sitanggang
Putus pokonamah !!!
Iwan Hanjuang
hiks... hiks. horeeee Iam freeeeeeee....
Nie Karno
yeeee....cenah tutup lawang sigotaka....angger akang mah....ngambaaaay
Iwan Hanjuang
Ayeuna Ciyus pisan, Ngahaturkeun nuhun ka sadayana fikminer anu tos ngajempolan sareng komen, mugia sing sehat, panjang umur sareng nambihan deui rejekina, ditebihkeun tina balai.Amin.
Nie Karno
heup tong ditambihan deui,pami aya nu komen atanapi nu ngajempolan ge antep we.da akang mah sok ateul hoyong wae ngawaleran.
Neneng Yatikurniati
Aduh, muriding bulu punduk.
Iwan Hanjuang
Neneng Yatikurniati, moal males komen akang mah, naha make muriding?
Yatsu Drajat
ngambay sarua jeung eta na .....naon da maksud teh kumis na yeeeey......jorang yeeeeey
Neneng Yatikurniati
sieun sih teu, tapi keueung
Dedi Herdiana
Tobaaatttt,,,!!!!! keueung kareureuhnakeun. asa nembean maca fikmin nepika asa paksereset imbit...., hhiiihhhhh,,,,
Nie Karno
waaah ieu mah alamat dugi ka subuh...kang iwan pendak sareng kang yatsu....mangga aaaah....lajengkeun.nie mah bd lalajo we br ngompresan si bungsu
Nie Karno
awaaaas....rem na bloooong....
Dedi Herdiana
asa tingsariak bulu punduk, hihhhh,,,!! enyaan.... eta waas palebah ningali durukan anu tingdarepong tea. molongo taya irungan. hiiihhhhh
Iwan Hanjuang
Dedi Pakot, nuhun komen jempolna.
Maman Damiri
Can kabayangkeun Kang , eta mawa aki nepika sapuluh .
Iwan Hanjuang
Maman Damiri. aki hideung 12 volt, ditanggung saurang dua aki, 1 set drum ku tiluan. gitar sewang-sewangan da harita mah can aya organ/keyboard, pengeras suara make lawong Toa, spiker band/salon tilu dibawana ku Tahanan Politik.
Rudianto Surya HS
Apih, emut kapungkur, aki hideung teh ageung jasana pami aya acara nongton bareng acara tinju Muhammad Ali, 2 dinten sateuacana disetrum heula ka Conggeang, pada ngagotong... hehehe
Iwan Hanjuang
Rudi. Conggeang Cipanas Sumedang?
Ki Baba Gibson
naha raresepeun lagu sorban palid nya?
Iwan Hanjuang
Ki Lalat Socrates, harita mah usum lahu bitel jaman hey jude, anu lalajo tinggorowok sunda euy sunda cenah, nya penyanyi harita Mimin, ngan bisana lagu eta, na ari breng teh eta ngarengklak, awewe lalaki, mangkaning awewena disamping di kabaya, lagu eta aya 40 menit da penyanyina dibere coda ending oge hayoh we nereleng, ku kokolot didinya di usap beungeutna kakara we euweun nyanyina.