Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Tumbal Wangunan

Kénging Asep Rachmat
Dipidangkeun dina lapak 01 Fébruari 2013 22:51:25

"Hasil tina gempungan téa, tugas pikeun manéh, Imron!" Ceuk Mandor Agus. Rét kana tihang utama nu haben rubuh.
"Tapi Pa, naha teu tiasa upami digentos ku syarat nu sanés?"
Mandor Agus gideug, tuluy ngaléos muru kantor proyék. Imron nuturkeun. Ceklék muka berangkas.
"Sa-ém, keur sahulu, sanggup?" Mandor Agus ngabébér-bébér salambar cék. Imron ngajenghok ningali angka nu katulis lain saeutik. Syétan ngadak-ngadak rongkah ngalékéték haténa. Imron unggeuk.

Peuting nyilihan wanci. Lampu témbak nyaangan lahan proyék. Di sagédéngeun tihang anyar, Imron uleng mikiran kajadian tadi beurang. Hiji raga ngabanusan diurugan semén cor. Ampun Gusti! Imron nungkupan beungeut. Dirina rumasa kaleungitan rasa kamanusaan.

"Imron, sayah rék néangan heula si cikal bisi keur ulin di babaturanana, wayah kieu can balik ka imah." Ceuk Mandor Agus bari gura-giru asup kana mobilna. Mobil laju meulah jalan jeung belegbegna peuting, dianteur ku gerentesna haté Imron. Hampura Pa, budak nu ku anjeun ditéangan hamo kapanggih deui.

Komentar (4)

Yuyun Yuningsih
eleuh.....
Sarjang
Asa langkung ngaheab upami pungkasna dugi ka " Mobil laju meulah jalan jeung belegbegna peuting." Margi tina judul sareng eusi, pamaca tos dicandak kana gurat carita... Sip Ang... Heded..!
Kang Asep Rachmat YZ
Abah Sarjang : Euleuh muhun nya,,,,kedahna mah kitu. Deuh teu acan parigel keneh wae atuh nya mikmin teh sim uing mah...hehe Nuhun Abah...tos ngersakeun linggih...
Kang Asep Rachmat YZ
Euleuh, hatur nuhun oge ka dulur2 anu masihan jempolna....nuhuuun.