Cigunung, Lukisan kénging Yus Rusamsi
Update: 07 Fébruari 2013 01:30:20
Login ku Akun Facebook

Pangréana Fikmin

Pangaléwohna

Koméntar ti Kanca

Kemis, 31 Januari 2013 19:14
Nana Sukmana: " , "Weis...! Hébring pisan, Mang Dan. Barang bréh ogé langsung karaos segerna. Warna hejo tina lukisan Yus Rusamsi metot kana suasana anu linduk pikabetaheun. Pasti fikminer-fikminer FBS beuki baretaheun, yeuh! Beuki jarongjon mikminna!..."
Kemis, 31 Januari 2013 13:00
Budi Mugia Raspati: " Lir nuju di lebet kamar hotel bintang. Lux. Agreng. Seger!..."
Rebo, 30 Januari 2013 20:39
Rudi Al-Fajri: " Assalamu'alaikum, mingkin pikabetaheun. Bruh breh sararieup. Nuhun Ang Dadan. Pamugi Ki Sunda murub mubyar..."
Salasa, 29 Januari 2013 19:29
Yusuf S. Martawidenda: " Assalamualaikum, sampurasun. Wéb FBS tambih geulis, tambih campernik. Matak betah ni ningalna. Matak pogot nu macana, Komo nu nyicinganna. Mugia basa sareng kabudayaan Sunda nanjeur. Amin. Mung nyaéta tos rada lami yeuh teu produktip mun susukan mah ieu téh caina nuju saat. Dipaksa kutrat-kotrt, anger wéh lebeng, buntu. Ngiring maosan waé, ngalaik wungkul. Bade usul yeuh. Mugia kapayun mah..."
Salasa, 29 Januari 2013 12:31
Érwin Wahyudi: " Alhamdulillah, web FBS langkung nyetrum tampilanana di awal taun nu énggal téh, tangtosna janten nambihan sumanget kana ngarang fikmin. Hidup Kang Dadan Sutisna, Hidup..."
Senén, 28 Januari 2013 17:23
Abah Sarjang: " Sip... Tumaninah pisan! Sanaos Fiksimini mangrupikeun "genre" anyar dina Sastra Sunda, keur uing nu heureut kabisa mah, asa manggih tempat nu merenah, pikeun ngamalirkeun karesep... Nuhun pisan Juragan..."
Senén, 28 Januari 2013 15:15
Atang Soeryana: " Asalamualikum, abdi pun Atang Suryana urang Serang-Banten kalahiran Sumedang. Tos meh langkung ti tujuh sasih wanoh ka ieu gempungan teh, kataji ku seratan ti para fikminer anu kacida saena, utamina ngiring nyimak (naon basa Sundana nya?) komen-komen anu seueur pisan pulunganeunna. Namung kumaha nya abdi hoyong ulubiung ngomen atanapi ngajempolan teh komo bari nulis fikmin mah da can boga kabisa,..."
Ahad, 27 Januari 2013 21:10
Shohiba Nu'man: " Mingkin agreng. Pikabetaheun pisan. Piraku bae fikminer sareng nu sanesna teu sering ngalongokan. Mugia..."

Saba'da Isya

Kénging Dodi Er
Dipidangkeun dina lapak 01 Fébruari 2013 22:05:59

Kaluar ti masigit, kuring ngarandeg. Kacapanon dilaan. Dielap ku tungtung baju. Tuluy dipaké deui. Tetempoan angger teu robah. Ti luhur, cahaya ngeprul tingkaretip-tinggurilap. Ngalieuk ka belah lebak. Kekebul ngainten. Ngarambang ‘na luhur cai kulah. Tingburilak. Tapi naha? Batur mah asa haré-haré. Kalaluar ti masigit, maraké sendal, langsung ngagaridig. Teu narempoeun kitu!? “Ah! Boa...” Ras inget kajadian ba’da maghrib. Keur wiridan tasbéh ujug-ujug pegat. “Beu! Ieu mah.” Gancang kuring balik. Gura-giru. Nepi ka imah, teu uluk salam. Jeblag panto dibukakeun. Pamajikan nu keur nilepan mukena ngarénjag. Bus asup.“Alhamdulillaaa...h” satengah lumpat muru pamajikan nu keur olohok. Tuluy ditangkeup. Rét kana meja. Dua ranggeuyan tasbéh ngagalolér. Gigireunna, siki tasbéh nu geus barubuk. Kuring cengkat. merong raray pamajikan. Manéhna imut madu. Bari mikeun sajadah, pok nyarita “Ieu sajadah nu rarawing tos dikaputan, kantun nu barolongna. Mangga ku akang pangnambalkeun.”

Komentar (29)

Dodi Er
Haturan kang Irfan, Kang IsMaya nuhun pangrojongna. Mugia tiasa ka tampi..
Irfan El Fikr
Samisami Ang...
Dodi Er
hatur nuhun kana jempolna 'pa Ruhak Pajajaran, 'pa Dedi Pakot oge 'bu Dewi Ratna Damayanti.
Dewi Ratna Damayanti
fikmin relijius nu endah. Mung panginten sanes wajah tapi pameunteu/raray
Ahmad Fawzy Imron
Sapuk sareng teh Dewi Ratna Damayanti..... Endah pisan fikmin teh.
Dodi Er
'bu Dewi Ratna Damayanti: Tadina mah bade nganggo kecap raray. Mung waktos dipostingkeun dirobih janten kecap wajah. Da manawi teh kecap wajah tos lebet kana basa sunda. Jeung deuih dirasa-rasa ku abdi, pami nganggo kecap pameunte atanapi raray, asa patukang tonggong sareng karakter 'kuring' anu timimiti basana loma. Malih tadina mah bade dicekapkeun/tamatkeun dugi ka kalmat "gigireun, siki tasbeh nu geus bubuk" Hatur nuhun panggeuingna 'bu.
Dodi Er
Hatur nuhun pami katampi mah 'pa Ahmad Fawzy Imron. mugia simkuring tiasa ngiring ngamumule...
Dodi Er
teu hilap ngahaturkeun nuhun ka 'bu Neni Geo Albanjari, 'pa Harmenn Nur Harsayana,'pa Herdi Pamungkas, 'pa Anang Kartiwa, 'bu Amih Ade, oge 'bu Nyimas Kanjeng Ratu Yuyu. Mugia tiasa katampi Fikmin ti sim kuring.
Abah Aleeva
Kecap wajah sanes ti basa indonesya,tp ti basa arab..jd mangga wae d anggo...hadeuuuh jd mapatahan,ampun paralun ah....
Dedi Herdiana
tegep,,,!!! sadaaappp,,,!! sip..
Dodi Er
Abah Aleeva: teu sawios Abah. Atoh nu aya abdimah di papathan ku sarerea. Dedi Pakot: Hadeuuh... Nuhun pami kitu karaosna mah 'pa Dedi.
Harmenn Nur Harsayana
Katampi pisan Kang, fikmin nu sakieu hébringna geuning...! (y) (y)
Neni Geo Albanjari
Endah pisan....
Dodi Er
pa Harmenn Nur Harsayana, 'bu Neni Geo Albanjari: Mugia tiasa katamapi, Apa, Ibu. Saleresnamah isin dipuji kitu teh abdi mah. Rumaos nembe diajar.
Dedi Herdiana
ngahelas kuring mah macana ge,, hehehehe. sipp dahhh
Ki Sunda Sawawa
Subhanalloh sengsara membawa nikmat ieu mah Ang... pol (Y) (Y) (Y)
Abah Sarjang
Siip Ang!
Maman Gantra
Rada aheng ieu fikmin teh. Teu tiasa diaos sabalikan. Sanaos rada kamalayon. Wilujeng!
Dodi Er
'pa Dedi Pakot: ngahelas kunaon tah!?
Dodi Er
Ki Sunda Sawawa: nuhun jempolna Ki, katampi teu acan tiasa mulang yeuh simkuring, hehe
Dodi Er
Abah Sarjang: sok heuheuy deudeuh, isin jeung atoh di siip-an ku Abah teh lah! hehe
Dodi Er
'pa Maman Gantra: nuhun 'pa, mudah-mdahan ahengna teu matak saheng. hehe
Dodi Er
Ngahaturkeun nuhun ka nu tos ngajempolan sadayana. nyanggakeun fikmin ti sim kuring
Godi Suwarna
:"Siiip, Aaaang...! Matak pogot ngaosna..! Diantos fikmin salajengna, ah..."
Dodi Er
Hatur nuhun 'pa Godi Suwarna, Insya Alloh dituturkeun ku fikmin sanesna. Mung da abdi mah gening, ngadamel hiji fikmin teh tara beres ku saminggu. hehehe...
Nasrul Jatnika
"Simbolis pisan. Sajadah nu barolong, tasbeh nu pegat, kekebul nu gumenclang luhureun kulah. Kosa kecap jeung ungkara anu deukeut jeung pasantrian. Matak kagagas ku metafora diksina, Ang Dodi Rohyadi. Mangga, nyanggakeun jempol pangdeudeul.. (y) (y) (y) (y) (y). Tegep, diantos fikmin salajengna.... :) "
Irman Dimyatie
:"Jero yeuh fikmin teh. Hebring."
Dodi Er
'pa Nasrul Jatnika: Hatur nuhun pa, ditampanan kusimkuring jempolna. hehe... Perkawis kosa kecap mah kenging ngawawaaas we, da rumaos sanes santri, komo bari jeung nyantri mah tebih.
Dodi Er
pa Irman N Dimyatie: Mudah-mudahan we sim kuring teu tikelebek. hehe