Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Wirog Rewog

Kénging Helmi Pakudjati
Dipidangkeun dina lapak 01 Fébruari 2013 11:00:14

Rérés babagi bengkok. Tilu kuwu ngawangkong salsé. Kuwu Uki, kabagéan lahan di Folkland, Kuwu Sam di Hawaii, sedengkeun Kuwu Uus di Christmas Island. Luhureun méja nyanding surutu Havana, kopi careuh pleus hui Cilembu sapiring metung, nambah cakial suasana.
“Lur! Bisi marinat, aya lahan baseuh can aya nu ngavling, euy!” Kuwu Uus muka obrolan.
“Tah..tah..! Di wewengkon mana, Ki Adi?” Tanya kuwu Uki. Haseup udud milu panasaran, rabeng kaluar tina liang irungna.
“Rada béh kidul, Kang. Di Antartika,” walon kuwu Uus. Gap kana bekong. Surupuuut! ngaregot cikopi.
“Jiiih.. uing gé minat di dinya mah, sugan wé jerona kawas di Alaska, ceuyah ku migas,” ceuk kuwu Sam, diukna ngised bari ngarongkong hui Cilembu.
“Meungpeung can kapalikireun ku batur, yu atuh cuang baladah!” kuwu Uus umajak.
“Der.. ah! Patok beusina mah uing sayaga. Adi Sam, siapkeun kapal induk keur ngakutna!” kuwu Uki mairan.
“Lapan-enam, Bray!”
Di jabaning langit Sunan Ambu gogodeg.

Komentar (30)

Hady Prastya
Sok rada hanjelu pami ngalike kintunan Ang Helmi teh. Naha Ang rok mesmes dihapus deui? hehehhe
A. Halim Kusumadjati
Kang Hady Prastya, haduuuuh.. punten vsan, nembe teh diropea saalit, kecap'lurah' digentos ku kecap 'kuwu', ameh pas sareng istilah 'bengkok', nuhuuun like-na, ugi pairanna.
Yayan Bedog Supriatna
Ka Hady Prastya, apan minangka ektra heulan. Test market tea, hihiii..., kahatur cayutan jempol plus bubuy boléd keur Aka Helmi Pakudjati
Yayan Bedog Supriatna
uhun, lurah mah PNS henteu dibekok, aeh...bengkok
A. Halim Kusumadjati
Ang Yayan 'Bedog' Supriatna, nuhuun ah bubuy boledna, leoooob kopayna, Ang. Ameh rada ngajejud..manteuuup! Tah leres, eta vsan lurah mah ep-en-es..haruuuh cocog!!
Edi Supriyadi
hirup pisan paguneman teh... uing kabawa asup kana ieu carita...(bari ngilu ngahuapkeun hui cilembu) mantap....gan.
A. Halim Kusumadjati
Ang Edi Supriyadi, Nyanggakeun Ang, fikmin 'obrolan ringan' ( bari ngasongkeun bekong kopi, haturan Kang Edi)
EMAN BUDIMAN
Beu... eta Kuwu Uus kuat ka apal kitu di antartika can aya nu ngavling. Info ti saha tah ??? Boa ti Ang Helmi Pakudjati heuheuheu...
A. Halim Kusumadjati
Ang 'Eboed' Eman Budiman, ateuh kantenan,pan anjeuna mah padumukanana caket ka Kutub Selatan-Antartika (Uus = Ustrali, Sam = USA, Uki= UK, Inggris), malah sim ge terang ti anjeuna, ang. Hadeuuuh..nuhun, ang.
Rita Rosita
Hadeuuh aya ku reueus eta hui cilembu go internasional di sandingkeun sareng surutu havana hehehe hebriiiing mung tumaros ari bengkok teh naon?
Hady Prastya
Abdi ge sok kitu kang, hehhe. Clom giriwil, apungkeun dibetot deui
Mulyana SA
102 Ang Helmi Pakudjati haruh pedo. Gurilem
Sarjang
Asa kedah didamel carpon Kang, bakal langkung pungkil geura...!
Érwin Wahyudi
Yahudi wungkul kuwu nu tilu éta mah! Harawek jeung aragul.
Ed Jénura
duh, nu aranteng maen monopoli, taya kawareg, heuheu! sakedik: naha nami-nami tempatna ngangge huruf alit Kang?
Rameli Agam
Kanggo foklen alias Falkland, abdi mah bade nyebat Malvinas we, margi abdi mah Peronist tur nge-fans pisan ka Lionel Messi. Hehe.
Endang Rochimat
Dupi bengkok RCTI teu di patok ang..he he Fikmin nan hebring
A. Halim Kusumadjati
Ki Sunda Sawawa, Nyanggakeun fikmin basajan
A. Halim Kusumadjati
Abah Sarjang, Haruuuh nyarpon mah asa tacan kaawakan, abaaaah!
A. Halim Kusumadjati
Ang Érwin Wahyudi, Biasa Ang > kuwu burujul udud surutu tujuh puluh tujuh bungkus turug-turig kuntung wungkul urut nu gundul munjung tujuh sumur...uhk..! uhukkk!!
A. Halim Kusumadjati
Teteh Éndah Dinda Jénura, ngahaja nyeratna dikitukeun jabi aksara alit, Teteh. Soalna sengsitip, patali sareng nu nagara badag, hahe..
A. Halim Kusumadjati
Ang Agam, Malvinas mah sanes nami 'baso', baso malvinas tea? hehe. Eta ge krismas ailen ti sindangbarang caket vsan, na bet lebet kana bengkok kuwu Uus, nya Ang.
A. Halim Kusumadjati
Ang Endang Rochimat, wios teu dipatok ge RCTI mah, stock tersedia setiap saat....On demand. Haruuuh.. eta saehu emutna ka RCTI wae, eunk!!
A. Halim Kusumadjati
Ambu Rita, Jiiiih...apan yasana dr. Sari Tanjung, boled cilembu janten therapi natural pikeun nu kagungan panyawat colon peristaltic disease.
A. Halim Kusumadjati
Senen, 06,.30 tos manco di kantor, ngantosan 'mesin absen sidik jari' hurung.
Godi Suwarna
:"Hahaha...! Asoooy, Aaaang...! Tina fakta dipentangkeun jadi fikmin nan rahul kabina-bina..! Siiip dekh..!"
A. Halim Kusumadjati
Uwa Godi Suwarna, parantos kajantenan, Uwa. Tilu kuwu eta kavlingna di Antartika nu panglegana. Disusul Mang Frans, sareng kuwu ero sanesma.
Nena Cunara
Meni nikmat, enjing keneh tos disampakeun hui, sareng wangkongan hirup! Mantaaaaap Yayi!
A. Halim Kusumadjati
Teteh Nena Cunara, sumuhun hui cilembu mah muaaaantavv vsan, mung sok aya efek sam..eh efek tukangna, hehe..!
Dedi Herdiana
kagembang ku hui cilembuna. na di eropa ge sayogi hui kitu??? hihi. sippp... tegeppp..!!!