Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Néangan Muatan

Kénging Nasrul Jatnika
Dipidangkeun dina lapak 01 Fébruari 2013 07:09:01

Suwung. Hujan ngaririncik. Ti Bandung sanggeus isa. Mobil dilangsamkeun. Asup jalan tol asa ngalayang. Siga popoéan katebak angin. Kenék nyempod deukeut panto. Hahodhod. Kaluar ti Cileunyi hujan ngagebrét.
“Halah, Kang. Jigana moal meunang muatan nepi ka lembur. “ Kenék ngarahuh.
Teu dipaliré. Hantem ngawaskeun jalan. Jegér. Tatit asa tukangeun pisan. Cahya sajorélat nyaangan nu megat di sisi jalan. Erém dijejek.
“Lampu hareupna ngan sabeulah, Pir. Sugan téh motor.” Kalacat naraék. Tiluan. Bari mangku bungkusan. Jiga...
“Naon tatéh?” Kenék nanya. Panumpang tarungkul. Alum.
“Pun anak. Tikunclung tadi asar. Badé dikurebkeun di lembur.” Nu awéwé mairan, dareuda. Deg, mayit. Ahéng, malah jadi loba nu megat di jalan. Teu lila geus pinuh. Kenék sura-seuri bungah. Laju nyemprung.
“Kadé, Pir. Leueur. Jaba jalan luak-léok.” Ceuk panumpang gigireun, rada ngirung. Seleksek kembang malati nyambuang. Kuring seuri ngagakgak handaruan. Lebah péngkolan mites, mobil dibangblaskeun. Lempeng. Muru jurang padumukan.

Komentar (40)

Nasrul Jatnika
Ang Érwin Wahyudi, Ang Apoedy Sarah Ihsan, sare Ang Hady Prastya..punten fikminna tadi mah rametek. Digentos kunu ieu. Heheheh..nyanggakeun."
Nasrul Jatnika
Ang Rudi Al-Fajri, Ang Rameli Agam, wilujeng enjing. Oge Aceuk Teti Taryani.. sehat Ceuk?
Mahpudin
Untung weh enjing-enjing fikmina... Muatana jurig wungkul... heuheuheu....
Nasrul Jatnika
Ang Apoedy Sarah Ihsan: "Maenya? Aeh...sanes supirna anu jurig mah? Hahahahaha...(seuri handaruan..)"
Sarjang
Harruuuh Kang... Asa di Nagri Zombie... Paur ah numpak angkotna ge... Heded Ang!
A. Halim Kusumadjati
Nu sorana ngirung calik gigireun supir boa-boa Ndes Ratnaasri nu nyanyi 'tenda biru'> ngaceng aja lewat depan rumahku, yuah..ha..ha
Teti Taryani
Alhamdulillah, pangesto, Kang Nasrul Jatnika... aceuk teh nuju 'mencuri waktu' heuheu... Haduh eta, supirna juwig, dupi kenekna juwig oge? Sanaos enjing-enjing, angger matak muriding...
Rudianto Surya HS
Halah, euningan njuligh kabeh engh (bari ngirung) hehehe... mantep, teu kasawang tianggalna, (Y) (Y) (Y)
Abah Aleeva
Hadeuh jigana pikmin sesa malem juma'ah....anu nulisna boa boa....?????
Irman N Dimyatié
:"Halah...! Kunaon atuh bet ngadon harakiri ki supir teh???"
Dewi Ratna Damayanti
haduuuhhh ... kalah di gebruskeun...!!!
Nasrul Jatnika
Abah Sarjang: "Heheheheh...nyaeta, dongeng pun anak nyaba kana angkutan umum. Jadi ngaideuan fikmin ieu. Heheheheh, wilujeng mulsaan ah... :-D "
Nasrul Jatnika
Ang Helmi Pakudjati: "Iteu geura...hahahahha..sigana mah nuju kabandang ku Endes ieu mah. Kasih tak sampai....hahahahaah. Kan aya Mamahna si Enok.. :) "
Nasrul Jatnika
Aceuk Teti Taryani: "Heheheh.. maenya? Kapan sakitu ramena. Sareng pamohalan jurig ngajirim isuk-isuk. Heuheuheu..baruk? Wah, sibuk UTS manawi. Ummina oge kenging beasiswa kamari heheheh."
Nasrul Jatnika
Ang Rudi Al-Fajri: "Nu ngarangna teu kalebet nya Ang Rud..huahahahaha. Nuhun apreiasina. Nyobian realis misteri ieu teh..najan angger we hoyong ngajaul kana surealis wae. Hehehehe.."
Nasrul Jatnika
Abah Aleeva: "Halah, sigana mah...huahahahahah. Wilujeng enjing Ang. Ieu jurig nyerat pairan..hehehehhe :-D"
Yayan Bedog Supriatna
Ka, untung isuk-isuk dikunclungkeunana ieu fikmin. Hamo kana angkot poe ieu mah, kana ojeg kanjeun rada undak geh.
Nasrul Jatnika
Ang Irman N Dimyatie: "Kapan sami, ulig-ulig keneh, Ajengan. Geura taoskeun ka Ang Iwan Hanjuang. Heuheuheu.."
Abah Aleeva
Nu nulisna boaboa tos papendak jg supir nu tikunclung kr wengi,teras nyaritakeun kajadianana,jd ieu pikmin teh d angkat dari true story....huahahahahaha....
A. Halim Kusumadjati
Baheula, waktos di ugm, batur sim uing kos di kamar nu pernah diangge 'suicide' tungwek, mun malem nu tangtu, sok kaimpenkeun, bauna naudzubilah, Ang.
Nasrul Jatnika
Ka Yayan 'Bedog' Supriatna: "Ari Aka.. Jurigna geh kateug neuleu Aka doangna ja. Kula asa geus kebel nanggon Aka silaturrahmi kana lapak. Geus sono Aka cacahan deui basa Banten. Der..ah. Apungkeun. Cayutan jempol geus disadiakeun ku kula jeung Aka Rohendi Pandeglang. Heheheh.."
Nasrul Jatnika
Ang Helmi Pakudjati: "Wah, poltergeist pisan tamah. Boa qorina hadir dina mangsa nu maneuh. Permaenan jin emang canggih Ang Helmi. Samalah ceuk sakaol mah, wani nyeun sarebu kahadean, sangkan manusa tigebrus kana hiji kamaksiatan. Heuheuheu.."
Yayan Bedog Supriatna
Ikh..apan entos mulai deui. Tah tos aya dua. Sarwa deuih ngeunaan jurig, hihiii.....
Nasrul Jatnika
Teh Dewi Ratna Damayanti: "Halah, hanjakal. Si Eteh mah najan sagala badag ge ari ku fikmin kieu mah sok murengked, nya? Waas ngahahaha..na uingah. Sok geura. Kadangu ka dieu oge.."
Nasrul Jatnika
Ka Yayan 'Bedog' Supriatna: "Hadeuh, keula cuang toong heula. Uingna tambelar kanu Aka. Hampura, Ka Yan."
Dewi Ratna Damayanti
whuahahhaha... meni apal! nerah abi mah kanu kitu mah margi abi kantos teu acan lami gugah bobo raray abi garetihan tapak nyakar padahal abi teu aya kukuan. Tuh Kang Eboed mah langsung ngalongok da hiiiyyy...!
Yuharno Uyuh
Tegepp Aheng, fikmin puringkak. ulin ungkara anu mandiri. Siiip Yi Ustad..!
Nasrul Jatnika
"Halah eta Ang Érwin Wahyudi. Ules urang Tasikna mucunghul, nya Nyai Endit..heheheheh. Tapi uing oge reueus. Dugi ka mancanagara. Urang tasik mah kawentar tukang kiridit sareng resep ngiridit, Ang Er. Janten tong hariwang. Seueur batur...heheheheh"
Érwin Wahyudi
Upami tiasa dikiridit, naha kedah kés? Hehe. Halaah, ahéng yeuh elf téh? Anu kagambar ku abdi mah, ieu elf teh jurusan Bandung-Kawali, nu murag di tanjakan Gentong.
Nasrul Jatnika
"Hadeuh, telik naker Ang Érwin Wahyudi. Kunu seukeut paningal mah uing teu iasa nyamuni. Satadina mah deuk di samarkeun. Soalna surna guyur Elf bayangan. Ke geura Teh Dewi Mentari. Teh Dewi Ratna Damayanti alimeun ka tempat Ang Erwin. Heheheheh..eta perkawis kiridit, saleresna mah katepaan ku urang Amrik."
Rudianto Surya HS
Ang Nasrul Jatnika : carita jurig teh meuweuh pisan di tatar sunda mah, duka naon margalantaranana. Abdi tacan mendakan panalungtikan ngeunaan hal eta. Kungsi hiji mangsa simuing seja nalungtik leuleutikan, hayang apal bener jeung henteuna hiji carita horor di lembur. Disalusur kaunggal jalma, ukur cenah jeung cenah, taya nu pasti. Dina aya oge nu ngaku ngalaman, seueur karaguan dina ngebrehkeun pangalamanana.
Nasrul Jatnika
"Aeh..aeh..kurang ajar eta sakadang Jin teh ka teteh uing. Lamun uing di dinya dibakekeng tah, si Jin teh. Teh Dewi Ratna Damayanti, saena sateuacan kulem maos kulhu 3x, falakbinas 3x sareng doa kulem. Tiupkeun kana panangan, usapkeun kana badan, tiluhur sausap rambut, tihandap sausap dampal. Kitu kasauran kanjeng Nabi saw. Haditsna soheh Buhkari. Geura taroskeun ka Ajengan Irman N Dimyatie. Ari sanes ku Kakangna di koetan mah, Insya Allah moal diganggu deui. Heuheuheu...wilujeng nyobian, Teh."
Nasrul Jatnika
Ang Guru Yuharno Uyuh; "Kumaha damang, Nun. Juma'ah hegar atanapi Juma'ah merana ieu teh? Heheheheh.."
Nasrul Jatnika
Ang Rudi Al-Fajri: "Sigana ieu teh alatan urang Sunda baheulana idek liher jeung budaya Hindu. Anu loba pisan carita aheng dina bagbagan jurig. Abdi ge sering kerung mun aya kajantenan aheng ngeunaan jurig. Mung abdi mah ngadeukeutkeunana ku Islam. Da aya dina agama mah. Katerangan sareng ayat Qur'ana kapan jentre. Malih aya Surat Al Jin. Mun aheng, teg we...jin ngulinkeun jelema."
Yuharno Uyuh
Alhamdulillah jumaah genah teu weleh nyakinah! Heheh
Nasrul Jatnika
Ang Guru Yuharno Uyuh: "Mantaaappppks, heheheheh...wilujeng."
Dewi Ratna Damayanti
uhun padahal mah kang, unggal wengi eta dilarapkeun duka kunaon da abi ge reuwas. kaleresan abi harita ngendong di pun biang, atuh geunjleung sabumi. da puguh nylang badag ti tarang kenca dugi ka tungtung lambey katuhu. Tos kitu kumargi jangji bade ka bonbin atuh kapakca raca oge nganteur pun anak ka bonbin halah... wirang uing siga tapak gelut! sok tenjrag heula geura ku kang nasrul kabur tah sakadang njin teh
Rohaendi
Halah inget basa ngaliwat ruang mayat. Tadi peuting, iy nyeleksek seungit obat pengawet. Hehe ieu fikmin jumaahan Ka Nas.
Nasrul Jatnika
Teh Dewi Ratna Damayanti: "Halah etah, uing dititah tetenjrag.. teu iasa nanaon pun uingah. Bab nu kitu mah kedah ka Kuncen Sumur Tujuh atanapi Ka Abah Uhid Rohendi Pandeglang. Geura.. cobian. Uingah palakiahna mung sakitu-kituna. Atanapi ka Teh Tiktik Rusyani sugan ku blackforest sareng kueh Sus mah ngacir tah, sakadang Njin teh. Heuheuheu..."
Nasrul Jatnika
Aka Rohendi Pandeglang: "Leres, Ka Roh. Satadina bade diapungkeun malem jumaah. Mung pun uing 'ngaderes'-na tonggoy teuing. Janten kajongjonan. Maos nu Abah Sarjang oge nembe tadi enjing-enjing. Padahal aya misi penyelamatan paraji. Tina stigma nu jahat, janten korman orok Chuky sigana mah..heheheheh"