Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Nu Mayunan Sumping

Kénging Yayan 'Bedog' Supriatna
Dipidangkeun dina lapak 31 Januari 2013 21:14:14

Saré tibra pisan, awak laleuleus satulang sandi . Ti wanci indung peuting sapat ka wanci janari nyacapkeun kasono sanggeus labas sabulan paanggang.
Kahudangkeun ku nu keketrok kana jandéla kamer.
“Nyi…,Nyi…, ieu kaka mulang”, rada gogorowokan. Tos rada lami ngantos jigana, mangkana ngetrokan jandela.
Lulungu mukakeun panto. Wanci balebat. Gebeg, asa dibéntar gelap. Ngabelegedeg manéhna , taya nu dipiceun sasieur tepikeun kana raksukan anu dianggona. Persis nu sumping tadi wengi. Nyaan, nyaan sanés ngimpén, pan seueur buktina. Ieu awak anu lalungsé, gurat kuku ramo dina punduk, anduk ngalumruk di juru.
“Nyi, naha kadon matung?. Aluk naheur cai, kaka hayang mandi cihaneut”.
Lenggerek kuring kapiuhan.

Komentar (28)

Yayan Bedog Supriatna
Wilujeng malem jumaaah. Dikantun linggih heula kasadayana
Irfan
Euleuh... Makaning abdi da teu rumaos dongkap ... Heuheu... saha atuhnya Kang sakadang oknum nu mayunan sumping teh... Heuhe Kereeen..
Mahpudin
Halaaaaaghhh.. siaaahh!!! deuh ieu mah meni langsung di kantun... heuheuheu....
Rudianto Surya HS
Carita gondorewo ieu mah, sok mancalaputra-mancalaputri. Simuing sering mireng carita eta dipilemburan. Matak muringkak bulu tuur. Mung dina ieu fikmin, eta jejer carita teh asa langkung tegep lan heded. Karaos pisan muringkakna, mantep pisan Akaaa... (y) (y) (y)
A. Halim Kusumadjati
Wartosan si Nyai, mun tatamu ghoib sumping, sok melenghir bau bubuy sampe, hehe..! Manteuuup fikmin maljum.
Ed Jénura
tanggel waler ieu bulu punduk abi kumahakeun, heuheu...
Yuharno Uyuh
Haduh tegep! Sip ngureuyeuh deui YI!
Tiktik Rusyani
Janten emut kana dongeng radio taun 70-an katompernakeun, nu kasumpingan " Si Tegep " teh ngalahirkeun putra, namina Sirod. Sakti pisan, sok nyebat Sirod 3x pami nuju padungdung teh.
Neneng Yatikurniati
mana kedah 'bismillah' oge
Yayan Bedog Supriatna
Saha atuh nyah? Ka Irfan, ja piraku si Nyai ngaya-ngaya carita
Yayan Bedog Supriatna
Ka Apoedy Sarah Ihsan, réngsé mikmin ieu pun kula bet teu kiat jasa palay tunduh, hihiii...
Yayan Bedog Supriatna
Ka Rudi Al-Fajri, bulu tuur? asana lepat sanés tuur tapi anu luhurna
Yayan Bedog Supriatna
Ka Helmi Pakudjati, Si Nyai entos dipasihan kata sandi ayeuna mah, hamo nyalahan, hihiii....
Yayan Bedog Supriatna
Kurud baé, Ceu Éndah Dinda Jénura
Yayan Bedog Supriatna
Nuhun. Uhun, Mang Yuharno Uyuh
Yayan Bedog Supriatna
Ceu Tiktik Rusyani, taun ayeuna mah gantos Yayan ..3x bari nenjrag bumi.
Yayan Bedog Supriatna
nyéta isok hilap baé, Ceu Neneng Yatikurniati
Tiktik Rusyani
Siip..sapuk pisan. Saktina tos kabuktosan. Eta Neng Mey Lan lebet nu diajen ku Hadiah Sastra Rancage, wilujeng. Reueus pisan, Kang Yan.
Nyai Endit
Wah, mamang heded lah ideu fikminna. Muringkak sabulu kamoceng ieu ♏åћ.
Nyai Endit
Teu wantun nyebat sabulu-bulu....
Yayan Bedog Supriatna
Nyai Endit, kadé hilap kodé sandi pikeun ngabentenkeun pun kula asli atawa hanteuna, hihiii...
Abah Aleeva
Ampuuuun...jadi bakal cape dua kali atuh s nyai teh......
Nyai Endit
Siap, Mang. Mamang ♏åћ kodena bari ngabalangkeun sapatu, pan? Hahahaha ....
Nasrul Jatnika
"Wahh, siga juragan Leonardo Di Caprio ieu mah. Ngimpi dina ngimpi tea. Ka Yayan 'Bedog' Supriatna nu hiji deui naon judulna?"
EMAN BUDIMAN
Beu eta mang Eruh miheulaan, tos teu kiat rupina mah nya ? hahaha...
Yayan Bedog Supriatna
Ka Nasrul Jatnika, uhun ja saur Ka 'Eboed' Eman Budiman geh pun kula éta nyeples Leonardo De Kapri, hihiii....
Dewi Ratna Damayanti
euleuuuhh... atuh sareng saha kamari sosonoan teh? hiyyy..!
Yayan Bedog Supriatna
wios bae ceunah, ja sami raosna, wkwkwkk....