Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Nu Ngabantuan

Kénging 'Eboed' Eman Budiman
Dipidangkeun dina lapak 31 Januari 2013 10:31:04

Ditinggalkeun babantu, menerkeun imah Wa Haji. Rumeuk. Kacana lukutan, caina kiruh. Léos ka pawon, nyiapkeun pakakas keur nguras. Sapertilu caina dipindahkeun kana baskom. Arwana silver sagedé opat ramo kolot, ogê diungsikeun heula kana baskom. Regeyeng aquarium dipangku, disimpen deukeut kokocoran cai di buruan.

Mesin sirkulasi dibawa ka tukang. Rêk diberesihan di kamer cai. "Dijual wé ah lauk téh, keur meuli sapédah si bungsu" gerentesna. Enya gé hirup sarwa walurat, hayang wé ngabungahkeun budak mah. Geus sabulan, budakna nu karék lima taun merenyéng waê. Kabitaeun ku babaturanana nu geugeuleuyeungan naék sapédah. Keur anteng beberesih, budakna ngelol. "Pa, adé badé ngabantosan nya" Geus terus haté meureun budak téh. Ukur unggeuk bari imut. Haténa bagja, kayungyun.

Satutas meresihan mesin sirkulasi, laju ka hareup rék nuluykeun hanca. Barang srog, jedud...!!! Si bungsu keur ngosokan lauk ku sikat paragi nyeuseuh. Ngembang kadu. Sapédah ngalayang dibawa ngapung ku lauk.

Komentar (41)

Ahmad Fawzy Imron
Haha... Rupina, eta arwana langsung dihuapkeun kana baham si ujang... :)
EMAN BUDIMAN
dicandak ka rumah sakit yi haji heuheu
Dennykurniadi Kurniadi
Hahahaha......uyah mah tara netes ka luhur, kumaha bapana
Irman N Dimyatié
:"Halah...! Hanjelu pisan, Ang. Atuh sakadang Arwana teh lapuuuuurrrr...! Jadi miluan mentegeg uing macana."
Dennykurniadi Kurniadi
Kang Irman N Dimyatie...kamana wae Kang, sono yeuh..
Irman N Dimyatié
:"Saptu ka YPK atuh. Uing tos dua minggu teu ka dinya. Urang ngadu bako hehehe..."
Dennykurniadi Kurniadi
Siap Kang manawi.....
EMAN BUDIMAN
Kang Denkur, apan ramana teh salira... hihihi pis ah
EMAN BUDIMAN
Ang Irman, leres Ang hanjelu... hanjakal saageung halu, haruuuhh...:)
Edi Supriyadi
haduuuuh....
Iwan Hanjuang
s a e
EMAN BUDIMAN
Kang Edi, teu sawios Kang... tos digentosan ku sepat 3 kilo :)
EMAN BUDIMAN
Kang Iwan, hadeuh... draw nya kang hihihi...
Ema Salamah
emh...hanjakal...sepedah kabur atuh pmi uih nyantok baeudna arwana ge ical Kang??...
Dewi Ratna Damayanti
sae...
EMAN BUDIMAN
Teh Ema, arwana mah duka ical duka henteu, ayeuna nuju di rumah sakit keneh hihihi
EMAN BUDIMAN
Ceu Maya, wew ah...
Entjep Sunardhi
Anteb fiminna, ngajak diajar tarapti eusina, gandang nu midangkeunana. Jempol yi.
Nining Sariningsih
Alah ieuuung, eta lauk. Fikmin hebring Kang! Nyanggakeun jempolna!
Sarjang
Haduuuh... Karasa ku uing ari kieu teh, bati heneg. Rek diteunggeul da budak... Heuheu... Sip Ang!
Rameli Agam
Halaaaah. Coba mun eta lauk teh lauk piranha. Pasti mucekil, Ang. Hehehe. Seger yeuh fikminna.
Edi Supriyadi
lain ... waas teh eta budak diuk ari nyikatan lauk... tepi ka beresih... pasti bapa sugemaeun pisan da dibantuan...hahaha
Yayan Bedog Supriatna
calakan éta si bungsu, laukna ambéh ngagenclang tangtu diicalna bakal awis, hihii...
Budi Mugia Raspati
Ules realis ieu mah. Teu ngeunah di si Bapa atuh ieu mah. Heuheu.
Ed Jénura
sapedah lapuuuuurrr... heuheu! aya ku tiasaan eta ngagulak-gilekna, karunya, kayungyun, hoyong seuri aya... mantaaaapp...
Is Tuning
.... Mersihan akuarium téh teu dituluykeun. Sirah ngadadak jadi lieur. Gék diuk bari nyangsaya dina korsi hoé. Reup, panon dipeureumkeun. Lauk arawana ngelemeng, piligenti jeung sapédah. Leng tibra. Reuwas téh basa diguyahkeun ku pamajikan. "Bapa mah kalah saré téh didieu..." "Kasaréan...," cékéng bari nyusut dahdir ku leungeun baju. Akuarium sanggetul kénéh diburuan. "Mending gé dahar heula Kang, tos arasak" Kuring unggeuk. Léos ka pawon. Ngumbah leungeun jeung sibeungeut. Budakna nungguan, sila luhureun samak. Pamajikanana mawa piring jeung ci ntéh na bekong. "Lauk téh digoréng baé Pa, da riweuh badé dipépés téh.." Jedud ! Sirah asa jadi beuki lieur.
EMAN BUDIMAN
Kang Haji Entjep... haduh halah disurahan ku akang janten isin, fikmin abdi mah estu basajan oge taya pulunganeunana. Nuhun kang
EMAN BUDIMAN
Teh Nining, eta lauk digosokna disabunan teu nya ? Heuheu... nuhun jempolna katampi pisan
EMAN BUDIMAN
Abah Sarjang, haduh alah ieung... teu wantun ah neunggeul murangkalih mah sieun teu dipasihan ku ibuna. Bahaya dong hahaha...
EMAN BUDIMAN
Kang Agam, beuh... piranha mah ngegel bujuy atuh Kang heuheu...
EMAN BUDIMAN
Kang Edi, tah kitu... pamikiran budak mah pan polos tea :)
EMAN BUDIMAN
Teh Listiani, kumaha tah nu kabayangkeun ku teteh ? nuhun pangdeudeulna
EMAN BUDIMAN
Kang Yayan, hihihi.. hatur nuhun ah :)
Rohaendi
Ka Eboed. Mantap, Arwana numpak sapedah. Sapedah tina arwana. Hanjakal arwana tinggal arwahna. Sapeda kari hayangna.
Kokom Komariah
Ngiring Hanjelu..pisan..
EMAN BUDIMAN
Ang Budi Mugia Raspati, uhun Ang... nu surealis mah teu acan kaudag deui. Ideuna magool keneh na punduk heuheu... Nuhun Ang
EMAN BUDIMAN
Kang Is Tuning, hahahahaha.... hatur nuhun tos ditambihan. Muhun beuki ngajedud we tah Si Bapa ningali laukna digoreng. Tobaaaattt....!!!
EMAN BUDIMAN
Teh Éndah Dinda Jénura, teu acan kalebet tiasaan atuh Teh nu kieu mah. Ke pami tos sapertos fikmin Eteh nembe tiasa disebat kitu. Hatur sunuhun muruhun heuheuheu...
EMAN BUDIMAN
Aka Rohendi Pandeglang, leres Ka bati hanjelu puguhan... Bade nyeratan Tukul ah sugan we dipasihan sapedah heuheu... Nuhun mantapna Ka
EMAN BUDIMAN
Teh Kokom Komariah, teu kenging ngiring hanjelu Teh... teu raos habjelu mah mending ngiring ka restoran cuang murak pepes lauk hehehehe...
EMAN BUDIMAN
Kum kasadayana, hatur nuhun pangdeudeul sareng jempolna